Swiggy: ಒಂದೇ ದಿನದಲ್ಲಿ ಮೂರೂವರೆ ಲಕ್ಷ ಬಿರಿಯಾನಿ ಡಿಲೆವರಿ ಮಾಡಿದ ಸ್ವಿಗ್ಗಿ…
ಹೊಸ ವರ್ಷ ಮತ್ತು ಹೊಸ ವರ್ಷದ ಹಿಂದಿನ ದಿನದ ರಾತ್ರಿ ಶನಿವಾರದಂದು ಮೂರುವರೆ ಲಕ್ಷ ಬಿರಿಯಾನಿ ಆರ್ಡರ್ ಗಳನ್ನ ಡಿಲೆವರಿ ಮಾಡಲಾಗಿದೆ ಎಂದು ಪುಡ್ ಡಿಲೆವರಿ ಆಪ್ ಸ್ವಿಗ್ಗಿ ತಿಳಿಸಿದೆ.
ಇದರೊಂದಿಗೆ ಸ್ವಿಗ್ಗಿ ದೇಶಾದ್ಯಂತ 61,000 ಕ್ಕೂ ಹೆಚ್ಚು ಪಿಜ್ಜಾಗಳನ್ನು ವಿತರಿಸಿದೆ. ರಾತ್ರಿ 07.20 ರ ವೇಳೆಗೆ ಸ್ವಿಗ್ಗಿ 1.65 ಲಕ್ಷ ಬಿರಿಯಾನಿಗಳನ್ನು ವಿತರಿಸಿದೆ. ಶನಿವಾರ ವಿತರಿಸಲಾದ ಆರ್ಡರ್‌ಗಳಲ್ಲಿ ಬಿರಿಯಾನಿ ಅಗ್ರಸ್ಥಾನದಲ್ಲಿದೆ. ಟ್ವಿಟರ್‌ನಲ್ಲಿ ಸ್ವಿಗ್ಗಿ ನಡೆಸಿದ ಸಮೀಕ್ಷೆಯಲ್ಲಿ ಹೈದರಾಬಾದಿ ಬಿರಿಯಾನಿಗೆ ಶೇಕಡಾ 75.4, ಲಕ್ನೋ ಬಿರಿಯಾನಿಗೆ ಶೇಕಡಾ 14.2 ಮತ್ತು ಕೋಲ್ಕತ್ತಾ ಬಿರಿಯಾನಿಗೆ ಶೇಕಡಾ 10.4 ಆರ್ಡರ್‌ಗಳು ಬಂದಿವೆ. ಹೈದರಾಬಾದ್ ನಗರದಲ್ಲಿ ಬಿರಿಯಾನಿಗೆ ಪ್ರಸಿದ್ಧವಾಗಿರುವ ಬವರ್ಚಿ ರೆಸ್ಟೋರೆಂಟ್ ಶನಿವಾರ ಪ್ರತಿ ನಿಮಿಷಕ್ಕೆ 2 ಬಿರಿಯಾನಿ ಮಾರಾಟ ಮಾಡಿದೆ.
ಒಟ್ಟು 15 ಟನ್ ಮಾಂಸ ಬಳಸಲಾಗಿದೆ ಎಂದು ಸ್ವಿಗ್ಗಿ ಹೇಳಿದೆ. ಡೊಮಿನೊಸ್ ಕಂಪನಿ 61,287 ಪಿಜ್ಜಾಗಳನ್ನು ಮಾರಾಟ ಮಾಡಿದೆ. ಶನಿವಾರ ಸಂಜೆ 7 ಗಂಟೆಯೊಳಗೆ 1.76 ಲಕ್ಷ ಚಿಪ್ಸ್ ಪ್ಯಾಕೆಟ್‌ಗಳನ್ನು ತಲುಪಿಸಲಾಗಿದೆ ಎಂದು ಸ್ವಿಗ್ಗಿ ಬಹಿರಂಗಪಡಿಸಿದೆ. ಸ್ವಿಗ್ಗಿಯ ದಿನಸಿ ಸೇವೆ, ಇನ್‌ಸ್ಟಾಮಾರ್ಟ್, ಶನಿವಾರ 2,757 ಡ್ಯೂರೆಕ್ಸ್ ಕಾಂಡೋಮ್ ಪ್ಯಾಕೆಟ್‌ಗಳನ್ನು ವಿತರಿಸಿದೆ ಎಂದು ಸ್ವಿಗ್ಗಿ ತಿಳಿಸಿದೆ. ಅಲ್ಲದೆ, 09.18 ನಿಮಿಷಗಳಲ್ಲಿ 12,344 ಕಿಚಿಡಿ ಆರ್ಡರ್‌ಗಳು ಬಂದಿವೆ ಎಂದು ಕಂಪನಿ ವಿವರಿಸಿದೆ.
Swiggy: Swiggy delivered three and a half lakh biryani in a single day…
