Ranaji : 3 ಕರ್ನಾಟಕ, ಕೇರಳ ನಡುವೆ ಮ್ಯಾಚ್ ಡ್ರಾನಲ್ಲಿ ಅಂತ್ಯ..!!!
ಕರ್ನಾಟಕ ಹಾಗೂ ಆತಿಥೇಯ ಕೇರಳ ನಡುವಿನ ರಣಜಿ ಪಂದ್ಯ ನಿರೀಕ್ಷೆಯಂತೆ ಡ್ರಾನಲ್ಲಿ ಅಂತ್ಯ ಕಂಡಿದೆ. ಕರ್ನಾಟಕ ತಂಡ ಇನ್ನಿಂಗ್ಸ್ ಮುನ್ನಡೆ ಸಾಧಿಸಿದ್ದರಿಂದ 3 ಅಂಕಗಳನ್ನು ಪಡೆಯಿತು. ಒಟ್ಟು 29 ಅಂಕಗಳೊಂದಿಗೆ ಅಗ್ರಸ್ಥಾನದಲ್ಲಿ ಮುಂದುವರೆದಿದೆ.
ಶುಕ್ರವಾರ ನಾಲ್ಕನೆ ಮತ್ತು ಅಂತಿಮ ದಿನದಾಟದ ಪಂದ್ಯದಲ್ಲಿ ಮೊದಲ ಇನ್ನಿಂಗ್ಸ್ ಮುಂದುವರೆಸಿದ ಕರ್ನಾಟಕ 9 ವಿಕೆಟ್ ನಷ್ಟಕ್ಕೆ 485 ರನ್ ಕಲೆಹಾಕಿ ಡಿಕ್ಲೇರ್ ಮಾಡಿಕೊಂಡಿತು.
ಕರ್ನಾಟಕ ಪರ ಬಿ.ಆರ್.ಶರತ್ 53 ರನ್, ಶುಬಾಂಗ್ ಹೆಗಡೆ ಅಜೇಯ 50 ರನ್, ಕೆ.ಗೌತಮ್ 1, ವಿಜಯ್ ಕುಮಾರ್ ವೈಶಾಕ್ 1 ರನ್ ಗಳಿಸಿದರು.
ಕೇರಳ ಪರ ವೈಶಾಕ್ ಚಂದ್ರನ್ 3, ನೀಶ್ 2, ಜಲಜ್ ಸಕ್ಸೆನಾ 2, ಸಿಜೊಮೊನ್ ಜೋಸೆಫ್ ಮತ್ತು ಅಕ್ಸಯ್ ಚಂದ್ರನ್ ತಲಾ 1 ವಿಕೆಟ್ ಪಡೆದರು.
ಎರಡನೆ ಇನ್ನಿಂಗ್ಸ್ ಆರಂಭಿಸಿದ ಕೇರಳ ದಿನವೀಡಿ ಆಡಿ 4 ವಿಕೆಟ್ ನಷ್ಟಕ್ಕೆ 96 ರನ್ ಗಳಿಸಿ ಕರ್ನಾಟಕ ಗೆಲುವನ್ನು ತಪ್ಪಿಸಿತು. ಕೇರಳ ಪರ ರಾಹುಲ್ 15, ರೋಹನ್ ಪ್ರೇಮ್ 14, ಸಚಿನ್ ಬೇಬಿ ಅಜೇಯ 37, ವತ್ಸಲ ಗೋವಿಂದ್ 26, ಸಲ್ಮಾನ್ ನಿಜಾರ್ 4 ರನ್ ಕಲೆ ಹಾಕಿದರು.
ಕರ್ನಾಟಕ ಪರ ಕೆ. ಗೌತಮ 3, ವಿಜಯ್ ಕುಮಾರ್ ವೈಶಾಕ್ 1 ವಿಕೆಟ್ ಪಡೆದರು.
Ranaji , karnataka vs kerala match draw
