wheat : 20 ಲಕ್ಷ ಟನ್ ಗೋಧಿ ಮುಕ್ತ ಮಾರುಕಟ್ಟೆಯಲ್ಲಿ ಬಿಡುಗಡೆ – ಕೇಂದ್ರ ಸರ್ಕಾರ….
ಇ – ಹರಾಜು ಮೂಲಕ ಮಾರಾಟ ಮಾಡಲು ಭಾರತೀಯ ಆಹಾರ ನಿಗಮದಿಂದ 20 ಲಕ್ಷ ಟನ್ ಗೋಧಿಯನ್ನು ಮುಕ್ತ ಮಾರುಕಟ್ಟೆಯಲ್ಲಿ ಬಿಡುಗಡೆ ಮಾಡುವುದಾಗಿ ಕೇಂದ್ರ ಸರ್ಕಾರ ಘೋಷಿಸಿದೆ. 20 ಲಕ್ಷ ಟನ್ ಗೋಧಿಯ ಹೆಚ್ಚುವರಿ ಆಫ್ಲೋಡ್ ಜೊತೆಗೆ ಮೀಸಲು ಬೆಲೆಯಲ್ಲಿನ ಕಡಿತ ಗ್ರಾಹಕರಿಗೆ ಗೋಧಿ ಮತ್ತು ಗೋಧಿ ಉತ್ಪನ್ನಗಳ ಮಾರುಕಟ್ಟೆ ಬೆಲೆಯನ್ನು ಕಡಿಮೆ ಮಾಡಲು ಒಟ್ಟಾರೆಯಾಗಿ ಸಹಾಯ ಮಾಡುತ್ತದೆ.
ಇದಕ್ಕೂ ಮುನ್ನ ಗೃಹ ಸಚಿವ ಅಮಿತ್ ಶಾ ನೇತೃತ್ವದ ಸಚಿವರ ಸಮಿತಿಯು ಹಿಟ್ಟಿನ ಗಿರಣಿಗಳು, ಖಾಸಗಿ ವ್ಯಾಪಾರಿಗಳು, ಖರೀದಿದಾರರು ಮತ್ತು ಗೋಧಿ ಉತ್ಪನ್ನಗಳ ತಯಾರಕರಿಗೆ ಇ-ಹರಾಜು ಮೂಲಕ 30 ಲಕ್ಷ ಟನ್ ಗೋಧಿಯನ್ನು ಮಾರಾಟಕ್ಕೆ ಬಿಡುಗಡೆ ಮಾಡಲು ನಿರ್ಧರಿಸಿತ್ತು.
ಮುಕ್ತ ಮಾರುಕಟ್ಟೆ ಮಾರಾಟ ಯೋಜನೆ-2023 ರ ಅಡಿಯಲ್ಲಿ ಇದುವರೆಗೆ 50 ಲಕ್ಷ ಟನ್ ಗೋಧಿಯನ್ನು ಆಫ್ಲೋಡ್ ಮಾಡಲು ನಿರ್ಧರಿಸಲಾಗಿದೆ ಎಂದು ಗ್ರಾಹಕ ವ್ಯವಹಾರಗಳ ಸಚಿವಾಲಯ ತಿಳಿಸಿದೆ. ಮುಕ್ತ ಮಾರುಕಟ್ಟೆ ಮಾರಾಟ ಯೋಜನೆ ನೀತಿ 2023 ರ ಘೋಷಣೆಯ ನಂತರ ಗೋಧಿ ಮತ್ತು ಹಿಟ್ಟಿನ ಬೆಲೆಗಳು ಕೆಳಗಿಳಿದಿವೆ.
Wheat: 20 lakh tonnes of wheat released in open market – Central Govt.
