Kantara : ಯುಗಾದಿ ಹಬ್ಬಕ್ಕೆ “ಕಾಂತಾರ” ಅಪ್ಡೇಟ್ ನೀಡಿದ ಹೊಂಬಾಳೆ ತಂಡ….
ಹೊಂಬಾಳೆ ಫಿಲ್ಮ್ ನಿರ್ಮಾಣದಲ್ಲಿ ರಿಷಬ್ ಶೆಟ್ಟಿ ನಿರ್ದೇಶನದ ಚಿತ್ರ ‘ಕಾಂತಾರ’ ಚಿತ್ರತಂಡದಿಂದ ಯುಗಾದಿ ಹಬ್ಬಕ್ಕೆ ಬಿಗ್ ಅಪ್ಡೇಟ್ ನೀಡಲಾಗಿದೆ. ರಿಷಬ್ ಶೆಟ್ಟಿ ಮತ್ತು ಸಪ್ತಮಿ ಗೌಡ ನಾಯಕ ಮತ್ತು ನಾಯಕಿಯರಾಗಿ ನಟಿಸಿದ್ದ ಈ ಚಿತ್ರ ಕೇವಲ 15 ಕೋಟಿ ರೂ ನಲ್ಲಿ ತಯಾರಾಗಿ 400 ಕೋಟಿ ಕಲೆಕ್ಷನ್ ಮಾಡಿ ದೇಶಾದ್ಯಂತ ಅಚ್ಚರಿ ಮೂಡಿಸಿತ್ತು. ಅಲ್ಲದೇ ಈ ಚಿತ್ರ ಆಸ್ಕರ್ ಗೆ ಅರ್ಹತಾ ಪಟ್ಟಿಯಲ್ಲಿ ಸ್ಥಾನ ಪಡೆದು ಸಂಚಲನ ಮೂಡಿಸಿದೆ.
ಈ ಚಿತ್ರದ ಪ್ರೀಕ್ವೆಲ್ ತರುವುದಾಗಿ ತರುವುದಾಗಿ ಹೊಂಬಾಳೆ ತಂಡ ಈಗಾಗಲೇ ಘೋಷಿಸಿತ್ತು. ಇದೀಗ ಯುಗಾದಿ ಸಂದರ್ಭದಲ್ಲಿ ಅಪ್ಡೇಟ್ ನೀಡಲಾಗಿದ್ದು, ಚಿತ್ರದ ಕಥೆ ಬರವಣಿಗೆ ಆರಂಭವಾಗಿದೆ ಎಂದು ಯುಗಾದಿ ಹಬ್ಬದ ಶುಭಾಶಯಗಳ ಜೊತೆಗೆ ಪೋಸ್ಟರ್ ಬಿಡುಗಡೆ ಮಾಡಲಾಗಿದೆ.
ನಾಡಿನ ಸಮಸ್ತ ಜನತೆಗೆ ಯುಗಾದಿ ಹಬ್ಬದ ಶುಭಾಷಯಗಳು.
Happy Ugadi !ಬರವಣಿಗೆಯ ಆದಿ…Kantara writing begins ! pic.twitter.com/6nfIfCeEiu
— Rishab Shetty (@shetty_rishab) March 22, 2023
ತುಳುನಾಡಿನ ದೈವದ ಆಚರಣೆಗಳನ್ನ ಮತ್ತು ಪರಿಸರ ಸಂರಕ್ಷಣೆಯ ಕಥೆಯಲ್ಲ ಮೆಳೈಸಿ ಮಾಡಲಾಗಿದ್ದ ಕಾಂತಾರ ಸಿನಿಮಾ ಯಾವುದೇ ನಿರೀಕ್ಷೆಗಳಿಲ್ಲದೇ ಬಿಡುಗಡೆಯಾಗಿ ದೇಶಾದ್ಯಂತ ಮೆಚ್ಚುಗೆ ಗಳಿಸಿತ್ತು. ಅಲ್ಲದೇ ಇತ್ತೀಚೆಗಷ್ಟೆ ವಿಶ್ವಸಂಸ್ಥೆಯಲ್ಲಿ ಕಾಂತಾರ ಸಿನಿಮಾದ ಪ್ರದರ್ಶನ ಸಹ ನಡೆಸಲಾಗಿತ್ತು. ಇದೀಗ ಬಾರಿ ನಿರೀಕ್ಷೆಗಳೊಂದಿಗೆ ಬಿಡುಗಡೆಯಾಗುತ್ತಿರುವ ಈ ಸಿನಿಮಾ ಯಾವ ಮಟ್ಟಿಗೆ ಸದ್ದು ಮಾಡಲಿದೆ ಎನ್ನುವುದನ್ನ ಕಾದು ನೋಡಬೇಕಿದೆ.
Kantara: Hombale team gave “Kantara” update for Ugadi festival.
