ಕೇಂದ್ರ ಗುಪ್ತಚರ ಇಲಾಖೆ ಅಪಾಯಕಾರಿ ಎಂದಿರುವ 52 ಚೀನಿ ಆ್ಯಪ್ ಗಳ ಪಟ್ಟಿ ಇಲ್ಲಿದೆ
ಹೊಸದಿಲ್ಲಿ, ಜೂನ್ 18: ಕೇಂದ್ರ ಗುಪ್ತಚರ ಇಲಾಖೆಯು ಕೇಂದ್ರ ಸರ್ಕಾರಕ್ಕೆ ಚೀನಾ ನಿರ್ಮಿತ 52 ಆ್ಯಪ್ ಗಳ ಬಳಕೆ ಅಪಾಯಕಾರಿಯಾಗಿದ್ದು, ಈ ಬಗ್ಗೆ ಜನರಿಗೆ ಎಚ್ಚರಿಸಿ, ಆ ಆ್ಯಪ್ ಗಳನ್ನು ನಿಷೇಧಿಸುವಂತೆ ಅಥವಾ ಬಳಸದಂತೆ ಸೂಚಿಸಬೇಕೆಂದು ಪ್ರಸ್ತಾವನೆ ಸಲ್ಲಿಸಿದೆ. ಈ ಪ್ರಸ್ತಾವನೆಯನ್ನು ರಾಷ್ಟ್ರೀಯ ಭದ್ರತಾ ಮಂಡಳಿ ಕೂಡ ಬೆಂಬಲಿಸಿದೆ.
ಚೀನಾ ನಿರ್ಮಿತ ಆ್ಯಪ್ ಗಳಿಂದ ಅಪಾರ ಪ್ರಮಾಣದ ದತ್ತಾಂಶಗಳು ದೇಶದಿಂದ ಹೊರಗೆ ರವಾನೆಯಾಗುತ್ತಿದ್ದು, ಆ ಆ್ಯಪ್ ಗಳು ಬಳಕೆಗೆ ಅಸುರಕ್ಷಿತವಾಗಿದ್ದು, ಅವುಗಳಿಂದ ದೂರವಿರುವುದು ಒಳ್ಳೆಯದು ಎಂದು ತಿಳಿಸಲಾಗಿದೆ.
ಕೇಂದ್ರ ಗುಪ್ತಚರ ಇಲಾಖೆಯು ಕೇಂದ್ರ ಸರ್ಕಾರಕ್ಕೆ ಸಲ್ಲಿಸಿರುವ ಆ್ಯಪ್ ಗಳ ಪಟ್ಟಿಯಲ್ಲಿ ವಿಡಿಯೋ ಕಾನ್ಫರೆನ್ಸಿಂಗ್ಗೆ ಬಳಸಲಾಗುವ ಝೂಮ್, ಟಿಕ್ಟಾಕ್, ಯುಸಿ ಬ್ರೌಸರ್, ಕ್ಸೆಂಡರ್ ಶೇರ್ ಇಟ್ ಹಾಗೂ ಕ್ಲೀನ್ ಮಾಸ್ಟರ್ ಆ್ಯಪ್ ಗಳ ಹೆಸರು ಸೇರಿದೆ.
ಕೇಂದ್ರ ಗುಪ್ತಚರ ಇಲಾಖೆ ಸಲ್ಲಿಸಿರುವ ಚೀನಾ ಆ್ಯಪ್ ಗಳ ವಿವರ
* ಟಿಕ್ಟಾಕ್, ವಾಲ್ಟ್-ಹೈಡ್, ವಿಗೊ ವಿಡಿಯೋ, ಬಿಗೊ ಲೈವ್, ವೀಬೊ
* ವಿ ಚಾಟ್, ಶೇರ್ ಇಟ್, ಯುಸಿ ನ್ಯೂಸ್ , ಯುಸಿ ಬ್ರೌಸರ್
* ಬ್ಯೂಟಿಪ್ಲಸ್, ಕ್ಸೆಂಡರ್, ಕ್ಲಬ್ಫ್ಯಾಕ್ಟರಿ, ಹೆಲೋ, ಲೈಕ್
* ಕ್ವಾಯ್, ರಾಮ್ವೆ, ಶೈನ್, ನ್ಯೂಸ್ಡಾಗ್, ಫೋಟೋ ವಂಡರ್
* ಎಪಿಯುಎಸ್ ಬ್ರೌಸರ್, ವಿವಾವಿಡಿಯೋ- ಕ್ಯೂಯು ವಿಡಿಯೋ ಇಂಕ್
* ಪರ್ಫೆಕ್ಟ್ ಕಾರ್ಪ್, ಸಿಎಮ್ ಬ್ರೌಸರ್, ವೈರಸ್ ಕ್ಲೀನರ್ (ಹಾಯ್ ಸೆಕ್ಯುರಿಟಿ ಲ್ಯಾಬ್)
* ಮಿ ಕಮ್ಯುನಿಟಿ , ಡಿಯು ರೆಕಾರ್ಡರ್, ಯೂಕಾಮ್ ಮೇಕಪ್
* ಮಿ ಸ್ಟೋರ್, 360 ಸೆಕ್ಯುರಿಟಿ, ಡಿಯು ಬ್ಯಾಟರಿ ಸೇವರ್, ಡಿಯು ಬ್ರೌಸರ್
* ಡಿಯು ಕ್ಲೀನರ್, ಡಿಯು ಪ್ರೈವೆಸಿ, ಕ್ಲೀನ್ ಮಾಸ್ಟರ್ – ಚೀತಾ
* ಕ್ಯಾಶ್ಕ್ಲಿಯರ್ ಡಿಯು ಆ್ಯಪ್ ಸ್ಟುಡಿಯೋ, ಬೈದು ಟ್ರಾನ್ಸ್ ಲೇಟ್, ಬೈದು ಮ್ಯಾಪ್
* ವಂಡರ್ ಕ್ಯಾಮೆರಾ, ಇಎಸ್ ಫೈಲ್ ಎಕ್ಸ್ಪ್ಲೋರರ್, ಕ್ಯೂಕ್ಯೂ ಇಂಟರ್ನ್ಯಾಷನಲ್
* ಕ್ಯೂಕ್ಯೂ ಲಾಂಚರ್, ಕ್ಯೂಕ್ಯೂ ಸೆಕ್ಯುರಿಟಿ ಸೆಂಟರ್, ಕ್ಯೂಕ್ಯೂ ಪ್ಲೇಯರ್, ಕ್ಯೂಕ್ಯೂ ಮ್ಯೂಸಿಕ್
* ಕ್ಯೂಕ್ಯೂ ಮೇಲ್, ಕ್ಯೂಕ್ಯೂ ನ್ಯೂಸ್ಫೀಡ್, ವೀಸಿಂಕ್, ಸೆಲ್ಫಿಸಿಟಿ, ಕ್ಲಾಷ್ ಆಫ್ ಕಿಂಗ್ಸ್
* ಮೇಲ್ ಮಾಸ್ಟರ್, ಮಿ ವಿಡಿಯೋ ಕಾಲ್-ಶಿಯೋಮಿ, ಪ್ಯಾರಲಲ್ ಸ್ಪೇಸ್
ಇದರಲ್ಲಿ ಕೆಲವು ಆ್ಯಪ್ ಗಳು ಚೀನಾ ನಿರ್ಮಿತ ಸ್ಮಾರ್ಟ್ ಫೋನ್ಗಳೊಂದಿಗೆ ಇನ್ ಬಿಲ್ಟ್ ಆಗಿರುವುದರಿಂದ ಅವುಗಳನ್ನು ತೆಗೆಯಲು ಅಸಾಧ್ಯವಾಗಬಹುದು.ಆದರೆ ಡೌನ್ ಲೋಡ್ ಮಾಡಿ ಬಳಸುವ ಆ್ಯಪ್ ಗಳ ಬಳಕೆಯನ್ನು ನಿಷೇಧಿಸಬಹುದಾಗಿದೆ ಎಂದು ಸಲಹೆ ನೀಡಲಾಗಿದೆ.
