ಪ್ರಸಕ್ತ ಏಕದಿನ ವಿಶ್ವಕಪ್ನಲ್ಲಿ ಅತ್ಯುತ್ತಮ ಬೌಲಿಂಗ್ ಪ್ರದರ್ಶಿಸುವ ಮೂಲಕ ಆಸ್ಟ್ರೇಲಿಯಾ ತಂಡದ ಯಶಸ್ಸಿಗೆ ಕಾರಣವಾಗಿರುವ ಲೆಗ್ ಸ್ಪಿನ್ನರ್ ಆಡಂ ಜ಼ಂಪ, ವಿಶ್ವಕಪ್ನ ಒಂದೇ ಆವೃತ್ತಿಯಲ್ಲಿ ಹೆಚ್ಚು ವಿಕೆಟ್ ಪಡೆಯುವ ಮೂಲಕ ಹೊಸ ದಾಖಲೆ ಬರೆದಿದ್ದಾರೆ.
ಭಾರತದಲ್ಲಿ ನಡೆಯುತ್ತಿರುವ ವಿಶ್ವಕಪ್ನ ಆರಂಭಿಕ ಪಂದ್ಯಗಳಲ್ಲಿ ನಿರೀಕ್ಷಿತ ಪ್ರದರ್ಶನ ನೀಡುವಲ್ಲಿ ವಿಫಲವಾಗಿದ್ದ ಆಡಮ್ ಜ಼ಂಪ, ನಂತರದ ಪಂದ್ಯಗಳಲ್ಲಿ ತಮ್ಮ ಬೌಲಿಂಗ್ ಲಯ ಕಂಡುಕೊಂಡಿದ್ದಾರೆ. ಹೀಗಾಗಿ ಬಾಂಗ್ಲಾದೇಶ ವಿರುದ್ಧ ಪುಣೆಯಲ್ಲಿ ನಡೆದ ಪಂದ್ಯದಲ್ಲಿ ಸಹ ಅತ್ತುತ್ತಮ ಬೌಲಿಂಗ್ ಪ್ರದರ್ಶನ ಬಾಂಗ್ಲಾ ಬ್ಯಾಟರ್ಗಳಿಗೆ ಕಡಿವಾಣ ಹಾಕಿದರು. ಅಲ್ಲದೇ ಬಾಂಗ್ಲಾದೇಶ ವಿರುದ್ಧದ ಈ ಪ್ರದರ್ಶನದ ಮೂಲಕ ಪ್ರಸಕ್ತ ವಿಶ್ವಕಪ್ನಲ್ಲಿ ಒಟ್ಟಾರೆ 22 ವಿಕೆಟ್ಗಳನ್ನ ಪಡೆದು ಮಿಂಚಿದ್ದಾರೆ.
ಈ ಪ್ರದರ್ಶನದೊಂದಿಗೆ ಏಕದಿನ ವಿಶ್ವಕಪ್ ಆವೃತ್ತಿಯೊಂದರಲ್ಲಿ ಹೆಚ್ಚು ವಿಕೆಟ್ಗಳನ್ನ ಪಡೆದ ಆಸ್ಟ್ರೇಲಿಯಾ ತಂಡದ ಮೊದಲ ಸ್ಪಿನ್ನರ್ ಎಂಬ ಹೆಗ್ಗಳಿಕೆ ಪಡೆದಿದ್ದಾರೆ. ಆಸೀಸ್ ಪರ ಈ ಹಿಂದೆ 2007ರಲ್ಲಿ ಬ್ರಾಡ್ ಹಾಗ್ 21 ವಿಕೆಟ್ಗಳನ್ನ ಪಡೆದಿದ್ದು, ಈವರೆಗಿನ ದಾಖಲೆಯಾಗಿತ್ತು. ಆದರೆ ಈ ಬಾರಿಯ ವಿಶ್ವಕಪ್ನಲ್ಲಿ ತಮ್ಮ ಸ್ಪಿನ್ ಕೈಚಳಕ ತೋರಿರುವ ಜ಼ಂಪಾ, 22 ವಿಕೆಟ್ಗಳನ್ನ ಪಡೆದಿದ್ದು, ಸೆಮಿಫೈನಲ್ನಲ್ಲೂ ಸಹ ಇದೇ ಪ್ರದರ್ಶನ ಮುಂದುವರಿಸುವ ನಿರೀಕ್ಷೆಯಲ್ಲಿದ್ದಾರೆ.
ಸದ್ಯ ಏಕದಿನ ವಿಶ್ವಕಪ್ನ ಒಂದೇ ಆವೃತ್ತಿಯಲ್ಲಿ ಹೆಚ್ಚು ವಿಕೆಟ್ಗಳನ್ನ ಪಡೆದ ಬೌಲರ್ಗಳ ಸಾಲಿನಲ್ಲಿ ಶ್ರೀಲಂಕಾದ ದಿಗ್ಗಜ ಸ್ಪಿನ್ನರ್ ಮುತ್ತಯ್ಯ ಮುರಳಿಧರನ್ ಈ ದಾಖಲೆ ಹೊಂದಿದ್ದಾರೆ. 2007ರ ವಿಶ್ವಕಪ್ನಲ್ಲಿ ಮುರಳಿಧರನ್ ಒಂದೇ ಆವೃತ್ತಿಯಲ್ಲಿ 23 ವಿಕೆಟ್ಗಳನ್ನ ಪಡೆದಿದ್ದರು. ಇದೀಗ 2023ರ ವಿಶ್ವಕಪ್ನಲ್ಲಿ 22 ವಿಕೆಟ್ಗಳನ್ನ ಪಡೆದಿರುವ ಆಡಮ್ ಜ಼ಂಪ(22 ವಿಕೆಟ್ಗಳು) ಈ ದಾಖಲೆಯನ್ನ ಮುರಿಯುವ ಅವಕಾಶವನ್ನ ಕೂಡ ಹೊಂದಿದ್ದಾರೆ.
ವಿಶ್ವಕಪ್ನಲ್ಲಿ ಹೆಚ್ಚು ವಿಕೆಟ್ಗಳು(ಸ್ಪಿನ್ನರ್ಗಳ ಪರ)
23 – ಮುತ್ತಯ್ಯ ಮುರಳಿಧರನ್ (2007)
22 – ಆಡಮ್ ಜ಼ಂಪ (2023)*
21 – ಬ್ರಾಡ್ ಹಾಗ್ (2007)
21 – ಶಾಹಿದ್ ಅಫ್ರಿದಿ (2011)
20 – ಶೇನ್ ವಾರ್ನ್ (1999)
AUS v BAN, Australia, Adam Zampa, World Cup, Most Wickets
