ನಟ ಸುದೀಪ್ (Sudeep) ತಾಯಿಯ (Mother) ಅಂತಿಮ ದರ್ಶನವನ್ನು ಲಹರಿ ವೇಲು (Lahari Velu) ಪಡೆದಿದ್ದಾರೆ.
ಬೆಂಗಳೂರಿನ ಜೆಪಿ ನಗರದಲ್ಲಿರುವ ನಟನ ನಿವಾಸಕ್ಕೆ ತೆರಳಿ ಭೇಟಿ ನೀಡಿದ್ದಾರೆ. ಈ ವೇಳೆ ಮಾತನಾಡಿದ ಅವರು, ಸುದೀಪ್ ಅವರನ್ನು ನೋಡಲು ಆಗುತ್ತಿಲ್ಲ. ಸುದೀಪ್ ಸರ್ ಅವರ ತಾಯಿ ಬಹಳ ವರ್ಷದಿಂದ ನಮ್ಮ ಕುಟುಂಬಕ್ಕೆ ಪರಿಚಯಸ್ಥರು. ಅವರು ಸದಾ ನಗು ನಗುತ್ತಲೇ ಇರುತ್ತಿದ್ದರು. ಸುದೀಪ್ ಇಂಡಸ್ಟ್ರಿಗೆ ಬರುವುದಕ್ಕೂ ಮುನ್ನವೇ ನಮಗೆ ಪರಿಚಯ ಎಂದಿದ್ದಾರೆ.
ಈಗ ಅವರು ಇಲ್ಲ ಅನ್ನೋದು ಆಘಾತವಾಗಿದೆ. ದುಃಖದಲ್ಲಿರುವ ಸುದೀಪ್ರನ್ನು ನೋಡೋಕೆ ಆಗುತ್ತಿಲ್ಲ. ಇಡೀ ಕುಟುಂಬಕ್ಕೆ ದುಃಖ ತಡೆದುಕೊಳ್ಳುವ ಶಕ್ತಿಯನ್ನು ದೇವರು ದಯಪಾಲಿಸಲಿ ಎಂದು ಪ್ರಾರ್ಥಿಸಿದ್ದಾರೆ. ಸುದೀಪ್ ಅವರ ತಾಯಿ ಇಂದು ಆಸ್ಪತ್ರೆಯಲ್ಲಿ ಸಾವನ್ನಪ್ಪಿದ್ದಾರೆ.








