ಮಂಗಳೂರು ಶೈಲಿ ಚಿಕನ್ ಸುಕ್ಕ & ಪುಡಿ ಮಾಡುವ ವಿಧಾನ
ಪದಾರ್ಥಗಳು:
– ಚಿಕನ್: 500 ಗ್ರಾಂ
– ಈರುಳ್ಳಿ: 3-4
– ತೆಂಗಿನಕಾಯಿ ತುರಿ: 1 ಕಪ್
– ಬ್ಯಾಡಗಿ ಮೆಣಸಿನಕಾಯಿ: 10
– ಒಣ ಮೆಣಸು: 5
– ಶುಂಠಿ: 1 ಇಂಚು
– ಬೆಳ್ಳುಳ್ಳಿ: 6-7 ಕಲೆ
– ಕರಿಬೇವಿನ ಸೊಪ್ಪು: 1 ಕಪ್
– ಅರಿಶಿನದ ಪುಡಿ: 1 ಟೀಸ್ಪೂನ್
– ಹುಣಸೆಹಣ್ಣು: 1
– ಧನಿಯಾ ಕಾಳು: 2 ಟೀಸ್ಪೂನ್
– ಜೀರಿಗೆ: 1 ಟೀಸ್ಪೂನ್
– ಸೋಂಪು ಕಾಳು: 1 ಟೀಸ್ಪೂನ್
– ಮೆಂತ್ಯ ಕಾಳು: 1/2 ಟೀಸ್ಪೂನ್
– ಕಾಳು ಮೆಣಸು: 1 ಟೀಸ್ಪೂನ್
– ಚಕ್ಕೆ: 1 ಇಂಚು
– ಲವಂಗ: 4-5
– ಉಪ್ಪು: ರುಚಿಗೆ ತಕ್ಕಷ್ಟು
– ಎಣ್ಣೆ: 2 ಟೇಬಲ್ಸ್ಪೂನ್
ಮಾಡುವ ವಿಧಾನ:
ಮಸಾಲೆ ತಯಾರಿ:
1. ಮೊದಲು ಒಲೆ ಮೇಲೆ ಬಾಣಲೆ ಇಟ್ಟು, ಒಣ ಮೆಣಸು, ಬ್ಯಾಡಗಿ ಮೆಣಸು ಹಾಕಿ, ಎಣ್ಣೆ ಹಾಕಿ ಹುರಿದುಕೊಳ್ಳಿ.
2. ನಂತರ ಅದೇ ಬಾಣಲೆಗೆ ಧನಿಯಾ ಕಾಳು, ಜೀರಿಗೆ, ಸೋಂಪು ಕಾಳು, ಮೆಂತ್ಯ ಕಾಳು, ಕಾಳು ಮೆಣಸು, ಚಕ್ಕೆ, ಲವಂಗ ಹಾಕಿ 3 ನಿಮಿಷ ಫ್ರೈ ಮಾಡಿ.
3. ಹುರಿದ ಎಲ್ಲಾ ಪದಾರ್ಥಗಳನ್ನು ಮಿಕ್ಸಿ ಜಾರ್ಗೆ ಹಾಕಿ ಪುಡಿ ಮಾಡಿಕೊಂಡು ಬೌಲ್ಗೆ ಹಾಕಿಟ್ಟುಕೊಳ್ಳಿ.
ಚಿಕನ್ ತಯಾರಿ:
1. ಬಾಣಲೆ ಬಿಸಿ ಮಾಡಿ, ಎಣ್ಣೆ ಹಾಕಿ, ಈರುಳ್ಳಿ ಹಾಕಿ 10 ನಿಮಿಷ ಫ್ರೈ ಮಾಡಿ.
2. ಕರಿಬೇವು ಹಾಕಿ ಮಿಕ್ಸ್ ಮಾಡಿ, ಚಿಕನ್ ಪೀಸ್ಗಳನ್ನು ಹಾಕಿ, ಉಪ್ಪು, ಅರಶಿನ ಹಾಕಿ ಮಿಕ್ಸ್ ಮಾಡಿ 5 ನಿಮಿಷ ಬಿಸಿ ಮಾಡಿ.
3. ಚಿಕನ್ ನೀರು ಬಿಟ್ಟುಕೊಳ್ಳುತ್ತದೆ. ರುಬ್ಬಿದ ಮಸಾಲೆ ಪುಡಿಯನ್ನು ಹಾಕಿ ಚೆನ್ನಾಗಿ ಮಿಕ್ಸ್ ಮಾಡಿ 10 ನಿಮಿಷ ಬೇಯಿಸಿಕೊಳ್ಳಿ.
4. ಸ್ವಲ್ಪ ನೀರು ಹಾಕಿ ಮಿಕ್ಸ್ ಮಾಡಿ ಮುಚ್ಚಳ ಮುಚ್ಚಿ 5 ನಿಮಿಷ ಬೇಯಲು ಬಿಡಿ.
5. ನೀರಿನಲ್ಲಿ ಅದ್ದಿದ ಹುಣಸೆ ಹಣ್ಣಿನ ಹುಳಿ ಹಾಕಿ ಮಿಕ್ಸ್ ಮಾಡಿ ಮತ್ತೆ 5 ನಿಮಿಷ ಬೇಯಲು ಬಿಡಿ.
ತೆಂಗಿನಕಾಯಿ ಮಸಾಲೆ:
1. ಮತ್ತೊಂದು ಪಾತ್ರೆ ಬಿಸಿ ಮಾಡಿ, ಈರುಳ್ಳಿ, ಬೆಳ್ಳುಳ್ಳಿ, ಶುಂಠಿ, ಎಣ್ಣೆ ಹಾಕಿ 5 ನಿಮಿಷ ಫ್ರೈ ಮಾಡಿ.
2. ತೆಂಗಿನಕಾಯಿ ತುರಿ ಹಾಕಿ ಮತ್ತೆ 5 ನಿಮಿಷ ಫ್ರೈ ಮಾಡಿ.
3. ತಣ್ಣಗಾದ ಮೇಲೆ ಮಿಕ್ಸಿ ಜಾರ್ಗೆ ಹಾಕಿ ರುಬ್ಬಿ, ತರಿ ತರಿಯಾಗಿ ಪುಡಿ ಮಾಡಿ.
4. ಈ ರುಬ್ಬಿದ ವಸ್ತುಗಳನ್ನು ಬೇಯುತ್ತಿರುವ ಚಿಕನ್ಗೆ ಹಾಕಿ ಮಿಕ್ಸ್ ಮಾಡಿ ಮತ್ತೆ 5 ನಿಮಿಷ ಬೇಯಲು ಬಿಡಿ.
ಮಂಗಳೂರು ಶೈಲಿ ಚಿಕನ್ ಸುಕ್ಕ ರೆಡಿಯಾಗಿದೆ!
ಸೂಚನೆ:ತಳ ಹಿಡಿಯದಂತೆ ತಿರುಗಿಸುತ್ತಾ ಇರಿ. 5 ನಿಮಿಷ ಬೇಯಿಸಿದರೆ ನಿಮ್ಮ ಮುಂದೆ ಚಿಕನ್ ಸುಕ್ಕ ರೆಡಿಯಾಗುತ್ತದೆ.
