ಬಟಾಣಿ ಕೂರ್ಮ ಮಾಡಲು ಬೇಕಾಗುವ ಸಾಮಗ್ರಿಗಳು ಮತ್ತು ಮಾಡುವ ವಿಧಾನ ಇಲ್ಲಿದೆ:
ಬೇಕಾಗುವ ಸಾಮಗ್ರಿಗಳು
* ಒಣಗಿದ ಬಟಾಣಿ – 2 ಬಟ್ಟಲು (8 ಗಂಟೆಗಳ ಕಾಲ ನೆನೆಸಿದ್ದು)
* ಉಪ್ಪು – ರುಚಿಗೆ ತಕ್ಕಷ್ಟು
* ತೆಂಗಿನ ಕಾಯಿ ತುರಿ – 1 ಬಟ್ಟಲು
* ಗಸಗಸೆ – 1 ಚಮಚ (15 ನಿಮಿಷ ನೀರಿನಲ್ಲಿ ನೆನೆಸಿದ್ದು)
* ಗೋಡಂಬಿ – ಸ್ವಲ್ಪ (15 ನಿಮಿಷ ನೀರಿನಲ್ಲಿ ನೆನೆಸಿದ್ದು)
* ಎಣ್ಣೆ – ಸ್ವಲ್ಪ
* ಚಕ್ಕೆ, ಲವಂಗ – ಸ್ವಲ್ಪ
* ಕರಿಬೇವು – ಸ್ವಲ್ಪ
ಮಾಡುವ ವಿಧಾನ
* ಮೊದಲಿಗೆ ನೆನೆಸಿಟ್ಟ ಬಟಾಣಿ, ನೀರು ಹಾಗೂ ಉಪ್ಪನ್ನು ಕುಕ್ಕರ್ ಹಾಕಿ ಬಟಾಣಿ ಮೆತ್ತಗಾಗುವರೆಗೆ ಕೂಗಿಸಿಕೊಂಡು ಪಕ್ಕಕ್ಕಿಡಿ.
* ತೆಂಗಿನ ಕಾಯಿ ತುರಿ, ಗಸಗಸೆ, ಗೋಡಂಬಿ ಹಾಗೂ ಸ್ವಲ್ಪ ನೀರು ಹಾಕಿ ನುಣ್ಣಗೆ ರುಬ್ಬಿಕೊಳ್ಳಿ.
* ಇದೇ ರೀತಿ ಮತ್ತೊಂದು ಬಟ್ಟಲು ತೆಂಗಿನ ಕಾಯಿ ತುರಿ ತೆಗೆದುಕೊಂಡು ಗಟ್ಟಿಯಾಗಿ ರುಬ್ಬಿ ತೆಂಗಿನ ಹಾಲು ತೆಗೆದಿಟ್ಟುಕೊಳ್ಳಿ.
* ಒಂದು ಪಾತ್ರೆಯಲ್ಲಿ ಎಣ್ಣೆ ಹಾಕಿ ಚಕ್ಕೆ, ಲವಂಗ ಹಾಗೂ ಕರಿಬೇವು ಹಾಕಿ ಸ್ವಲ್ಪ ಹುರಿದುಕೊಳ್ಳಿ.
* ರುಬ್ಬಿಕೊಂಡ ಮಸಾಲೆಯನ್ನು ಹಾಕಿ ಹಸಿ ವಾಸನೆ ಹೋಗುವವರೆಗೆ ಹುರಿದುಕೊಳ್ಳಿ.
* ನಂತರ ಬೇಯಿಸಿದ ಬಟಾಣಿ, ರುಚಿಗೆ ತಕ್ಕಷ್ಟು ಉಪ್ಪು ಹಾಗೂ ಸ್ವಲ್ಪ ನೀರು ಹಾಕಿ ಕುದಿಯಲು ಬಿಡಿ.
* ಕುದಿಯುತ್ತಿರುವ ಕೂರ್ಮಕ್ಕೆ ತೆಂಗಿನ ಹಾಲು ಸೇರಿಸಿ 5 ನಿಮಿಷ ಕುದಿಸಿದರೆ ಬಟಾಣಿ ಕೂರ್ಮ ಸಿದ್ಧ.
ಈಗ ಬಿಸಿ ಬಿಸಿ ಬಟಾಣಿ ಕೂರ್ಮ ಸವಿಯಲು ಸಿದ್ಧವಾಗಿದೆ. ಇದನ್ನು ಚಪಾತಿ, ಪೂರಿ ಮತ್ತು ಅನ್ನದೊಂದಿಗೆ ಸವಿಯಬಹುದು.
