ಅಮೆರಿಕ ಮತ್ತು ಚೀನ ನಡುವೆ ಗಂಭೀರ ಸ್ವರೂಪ ಪಡೆದ ಸಂಘರ್ಷ
ಬೀಜಿಂಗ್, ಅಗಸ್ಟ್27: ಅಮೆರಿಕ ಮತ್ತು ಚೀನ ನಡುವಿನ ಸಂಘರ್ಷ ಮತ್ತೊಮ್ಮೆ ಗಂಭೀರ ಸ್ವರೂಪ ಪಡೆದು ಕೊಂಡಿದೆ. ಅಮೆರಿಕದ ಸುಧಾರಿತ ಯು -2 ಪತ್ತೇದಾರಿ ವಿಮಾನವು ಗಡಿಯನ್ನು ಪ್ರವೇಶಿಸಿ ಮಿಲಿಟರಿ ತರಬೇತಿಯ ಮೇಲೆ ಕಣ್ಣಿಟ್ಟು ಸೇನೆ ಕುರಿತಾದ ಮಾಹಿತಿಗಳನ್ನು ದಾಖಲಿಸಿದೆ ಎಂದು ಚೀನಾ ಹೇಳಿಕೊಂಡಿದೆ. ಅಮೆರಿಕದ ನಡೆಯು ಅಪಾಯಕಾರಿಯಾಗಿದ್ದು ಇದು ಎರಡು ದೇಶಗಳ ನಡುವೆ ಸಂಘರ್ಷಕ್ಕೆ ಕಾರಣವಾಗಬಹುದು ಎಂದು ಚೀನಾ ಆಕ್ರೋಶ ವ್ಯಕ್ತಪಡಿಸಿದೆ.
ಅಮೆರಿಕ ಸರ್ಕಾರವು ಚೀನಾದ ಆರೋಪಕ್ಕೆ ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ. ಈ ಘಟನೆ ಆಗಸ್ಟ್ 25 ರಂದು ಚೀನಾದ ಉತ್ತರ ಕರಾವಳಿಯ ಹಳದಿ ಸಮುದ್ರದ ಮೇಲೆ ನಡೆದಿದೆ ಎಂದು ವರದಿಯಾಗಿದೆ. ಚೀನೀ ಮಾಧ್ಯಮಗಳ ಪ್ರಕಾರ, ಚೀನಾದ ಮಿಲಿಟರಿ ಬೋಹೈ ಸಮುದ್ರ ಮತ್ತು ಹಳದಿ ಸಮುದ್ರದಲ್ಲಿ ಮಿಲಿಟರಿ ತರಬೇತಿಯನ್ನು ನಡೆಸುತ್ತಿತ್ತು. ಮತ್ತೊಂದು ಮೂಲವು ದಕ್ಷಿಣಕ್ಕೆ ಕಿಂಗ್ಡಾವೊ ಮತ್ತು ಲಿಯಾನ್ಯುಂಗ್ಗಾಂಗ್ ನಗರಗಳ ನಡುವೆ ತರಬೇತಿಯನ್ನು ನಡೆಸುತ್ತಿತ್ತು.
ಅಮೆರಿಕದ ಎರಡು ಸುಧಾರಿತ ಯು -2 ಪತ್ತೆದಾರಿ ವಿಮಾನಗಳು ಮಿಲಿಟರಿಯ ತರಬೇತಿಯ ಮೇಲೆ ಹಲವು ಗಂಟೆಗಳ ಕಾಲ ಕಣ್ಣಿಟ್ಟಿದ್ದವು ಎಂದು ವರದಿಗಳು ತಿಳಿಸಿವೆ
ಚೀನಾದ ಮಿಲಿಟರಿ ಶಕ್ತಿಯ ಕುರಿತು 2019 ರ ವಾರ್ಷಿಕ ವರದಿಯು ಚೀನಾದ ಉತ್ತರ ಫ್ಲೀಟ್ನಲ್ಲಿ ಒಂದು ವಿಮಾನವಾಹಕ ನೌಕೆ, ನಾಲ್ಕು ಪರಮಾಣು-ಚಾಲಿತ ಜಲಾಂತರ್ಗಾಮಿ ನೌಕೆಗಳು, 16 ಡೀಸೆಲ್ ವಿದ್ಯುತ್ ಜಲಾಂತರ್ಗಾಮಿ ನೌಕೆಗಳು, 11 ಯುದ್ಧ ನೌಕೆಗಳು ಮತ್ತು ಎಂಟು ಲ್ಯಾಂಡಿಂಗ್ ಹಡಗುಗಳನ್ನು ಒಳಗೊಂಡಿದೆ.
ಚೀನಾ ಸೇನೆ ತರಬೇತಿ ನಡೆಸುತ್ತಿದ್ದ ಪ್ರದೇಶದ ಬಳಿಯಿಂದ ಅಮೆರಿಕ ವಿಮಾನವು ಗಡಿ ಪ್ರವೇಶಿಸಿದೆ ಎಂದು ಹೇಳಲಾಗಿದ್ದು, ಸತತ ಎರಡನೇ ದಿನವೂ ಇದು ಪುನರಾವರ್ತನೆಯಾಗಿದೆ. ಚೀನಾ ಆರೋಪವನ್ನು ನಿರಾಕರಿಸದ ಅಮೆರಿಕ
ನಾವು ಈ ಹಿಂದೆಯೂ ಹಿಂದೂ ಮಹಾಸಾಗರದಲ್ಲಿ ಕಾರ್ಯಾಚರಣೆ ನಡೆಸಿದ್ದೇವೆ. ಅದನ್ನು ಮುಂದುವರಿಸುತ್ತೇವೆ ಎಂದು ಹೇಳಿದ್ದಾಗಿ ವರದಿ ಆಗಿದೆ.
ಕೆಲವು ವರದಿಗಳ ಪ್ರಕಾರ ಸುಧಾರಿತ ಯು -2 ಪತ್ತೇದಾರಿ ವಿಮಾನವು 70 ಸಾವಿರ ಅಡಿಗಳ ಎತ್ತರದಿಂದ ನೆಲದ ಮೇಲೆ ನಡೆಯುತ್ತಿರುವ ಸಣ್ಣ ಚಲನೆಯ ಮೇಲೆ ಕಣ್ಣಿಟ್ಟು, ಅದರ ಸೂಕ್ಷ್ಮ ಚಲನೆಗಳ ಚಿತ್ರದ ಜೊತೆಗೆ ಎಚ್ಡಿ ವೀಡಿಯೋಗಳನ್ನು ಮಾಡಬಹುದಾಗಿದೆ.
ಅಮೆರಿಕ ವಿಮಾನದ ಅತಿಕ್ರಮ ಪ್ರವೇಶವು ಸಂಘರ್ಷಕ್ಕೆ ಪ್ರಚೋದನೆಯಾಗಿದ್ದು, ವಿಮಾನವನ್ನು ಹೊಡೆದುರುಳಿಸಬಹುದಾದ ಎಲ್ಲ ಸಾಧ್ಯತೆಗಳಿದ್ದವು ಎಂದು ಹೇಳಿದೆ. ಉಭಯ ದೇಶಗಳ ನಡುವಿನ ಒಪ್ಪಂದವನ್ನು ಅಮೆರಿಕ ಉಲ್ಲಂಘಿಸಿದೆ ಎಂದು ವಿದೇಶಾಂಗ ಸಚಿವಾಲಯ ತನ್ನ ದೂರನ್ನು ದಾಖಲಿಸಿದೆ.
