ಕಾಂಗ್ರೆಸ್ ಪಕ್ಷವನ್ನು ಉಳಿಸುವಂತೆ ಸೋನಿಯಾ ಗಾಂಧಿಗೆ ಮತ್ತೊಂದು ‘ಪತ್ರ ಬಾಂಬ್’
ಹೊಸದಿಲ್ಲಿ, ಸೆಪ್ಟೆಂಬರ್06: ಕಾಂಗ್ರೆಸ್ ನಾಯಕತ್ವಕ್ಕೆ ಸಂಬಂಧಿಸಿದಂತೆ ಮತ್ತೊಂದು ಪತ್ರ ಬಾಂಬ್ ಸಿಡಿದಿದ್ದು, ಈ ಬಾರಿ ಉತ್ತರ ಪ್ರದೇಶದಲ್ಲಿ ಪಕ್ಷದಿಂದ ಹೊರಹಾಕಲ್ಪಟ್ಟ ನಾಯಕರು ಪತ್ರವನ್ನು ಬರೆದಿದ್ದಾರೆ.
ಕಳೆದ ವರ್ಷ ಪಕ್ಷದಿಂದ ಹೊರಹಾಕಲ್ಪಟ್ಟ ಒಂಬತ್ತು ನಾಯಕರು ಪಕ್ಷದ ಮಧ್ಯಂತರ ಅಧ್ಯಕ್ಷರಿಗೆ ಬರೆದ ಪತ್ರದಲ್ಲಿ ಪಕ್ಷದ ಬಗ್ಗೆ ತಲೆಕೆಡಿಸಿಕೊಳ್ಳುವಂತೆ ಮತ್ತು ಪಕ್ಷವು ಇತಿಹಾಸ ಕ್ಕೆ ಇಳಿಯುವ ಮೊದಲು ಅದನ್ನು ಉಳಿಸಿಕೊಳ್ಳುವಂತೆ ಒತ್ತಾಯಿಸಿದ್ದಾರೆ.
ನಾಲ್ಕು ಪುಟಗಳ ಪತ್ರದಲ್ಲಿ ಸೋನಿಯಾ ಗಾಂಧಿಯನ್ನು ಕುಟುಂಬದ ವ್ಯಾಮೋಹದಿಂದ ಹೊರಗೆ ಬರುವಂತೆ ಒತ್ತಾಯಿಸಿದ್ದು, ಪಕ್ಷದ ಪ್ರಜಾಪ್ರಭುತ್ವ ಸಂಪ್ರದಾಯಗಳನ್ನು ಪುನಃಸ್ಥಾಪಿಸಿ. ಪಕ್ಷವು ಇತಿಹಾಸಕ್ಕೆ ಇಳಿಯುವ ಮೊದಲು ಅದನ್ನು ಉಳಿಸಿ ಎಂದು ಬರೆದಿದ್ದಾರೆ.
ಮಾಜಿ ಸಂಸದ ಸಂತೋಷ್ ಸಿಂಗ್, ಮಾಜಿ ಸಚಿವ ಸತ್ಯದೇವ್ ತ್ರಿಪಾಠಿ, ಮಾಜಿ ಶಾಸಕರಾದ ವಿನೋದ್ ಚೌಧರಿ, ಭೂದಾರ್ ನರೈನ್ ಮಿಶ್ರಾ, ನೆಕ್ಚಂದ್ ಪಾಂಡೆ, ಸ್ವಯಂ ಪ್ರಕಾಶ್ ಗೋಸ್ವಾಮಿ ಮತ್ತು ಸಂಜೀವ್ ಸಿಂಗ್ ಅವರು ಸಹಿ ಮಾಡಿದ ಪತ್ರದಲ್ಲಿ ಕಾಂಗ್ರೆಸ್ ಉತ್ತರಪ್ರದೇಶದಲ್ಲಿ ದುಸ್ಥಿತಿಯಲ್ಲಿದೆ ಸಾಗುತ್ತಿದೆ.
ಕಳೆದ ಒಂದು ವರ್ಷದಿಂದ ಸೋನಿಯಾ ಗಾಂಧಿಯನ್ನು ಭೇಟಿಯಾಗಲು ಅಪಾಯಿಂಟ್ಮೆಂಟ್ ಕೋರಿರುವುದಾಗಿ ನಾಯಕರು ಪತ್ರದಲ್ಲಿ ಹೇಳಿಕೊಂಡಿದ್ದು ಆದರೆ ಅದನ್ನು ನಿರಾಕರಿಸಲಾಗಿದೆ ಎಂದು ಬರೆದಿದ್ದಾರೆ.
ರಾಜ್ಯ ವ್ಯವಹಾರಗಳ ಉಸ್ತುವಾರಿಗಳು ಚಾಲ್ತಿಯಲ್ಲಿರುವ ಪರಿಸ್ಥಿತಿಯ ಬಗ್ಗೆ ನಿಮಗೆ ತಿಳಿಸುತ್ತಿಲ್ಲ ಎಂಬ ಆತಂಕವಿದೆ. ನಮ್ಮ ಉಚ್ಚಾಟನೆಯ ವಿರುದ್ಧ ನಾವು ಮೇಲ್ಮನವಿ ಸಲ್ಲಿಸಿದ್ದೆವು. ಅದು ಕಾನೂನುಬಾಹಿರವಾಗಿತ್ತು. ಆದರೆ ಕೇಂದ್ರ ಶಿಸ್ತಿನ ಸಮಿತಿಗೆ ಸಹ ನಮ್ಮ ಮನವಿಯನ್ನು ಪರಿಗಣಿಸಲು ಸಮಯ ಸಿಕ್ಕಿಲ್ಲ ಎಂದು ಪತ್ರದಲ್ಲಿ ಬರೆದಿದ್ದಾರೆ.
1977-80ರ ಬಿಕ್ಕಟ್ಟಿನ ಸಂದರ್ಭದಲ್ಲಿ ಕಾಂಗ್ರೆಸ್ನಲ್ಲಿ ಬಂಡೆಯಂತೆ ನಿಂತ ನಾಯಕರ ಪ್ರದರ್ಶನವನ್ನು ಈ ಜನರು ನಿರ್ಣಯಿಸುತ್ತಿದ್ದಾರೆ ಎಂದು ಪತ್ರದಲ್ಲಿ ಮತ್ತಷ್ಟು ಬರೆಯಲಾಗಿದೆ.
