ನೀವು ಕಾಫಿ ಪ್ರಿಯರಾಗಿದ್ದರೆ ಈ ಮಾಹಿತಿಯನ್ನೊಮ್ಮೆ ನೋಡಿ
ಮಂಗಳೂರು, ಅಕ್ಟೋಬರ್01: ಪ್ರತಿ ವರ್ಷ ಅಕ್ಟೋಬರ್ 1 ರಂದು ಅಂತರರಾಷ್ಟ್ರೀಯ ಕಾಫಿ ದಿನವನ್ನು ಆಚರಿಸಲಾಗುತ್ತದೆ. ಕಾಫಿ ವ್ಯವಹಾರದೊಂದಿಗೆ ಸಂಬಂಧ ಹೊಂದಿರುವ ಮತ್ತು ಪ್ರಪಂಚದಾದ್ಯಂತ ಇದನ್ನು ಪ್ರಚಾರ ಮಾಡುತ್ತಿರುವ ಎಲ್ಲ ಜನರ ಪ್ರಯತ್ನಗಳಿಗೆ ಧನ್ಯವಾದಗಳನ್ನು ಹೇಳಲು ಈ ದಿನವನ್ನು ಆಚರಿಸಲಾಗುತ್ತದೆ. ಅಂತರರಾಷ್ಟ್ರೀಯ ಕಾಫಿ ಸಂಸ್ಥೆ (ಐಸಿಒ) ಮಿಲನ್‌ನಲ್ಲಿ 2015 ರಲ್ಲಿ ಮೊದಲ ವಿಶ್ವ ಕಾಫಿ ದಿನವನ್ನು ಆಯೋಜಿಸಿ ಪ್ರಾರಂಭಿಸಿತು. ಜಗತ್ತಿನಾದ್ಯಂತ ಕಾಫಿ ಕೃಷಿಕರ ಸಮಸ್ಯೆಗಳ ಬಗ್ಗೆ ಜಾಗೃತಿ ಮೂಡಿಸಲು ಈ ದಿನವನ್ನು ಆಚರಿಸಲಾಗುತ್ತದೆ.
ಅಕ್ಟೋಬರ್15 ರವರೆಗೂ ವಿದ್ಯಾರ್ಥಿಗಳಿಗೆ ಶಾಲಾ-ಕಾಲೇಜುಗೆ ಭೇಟಿ ನೀಡಲು ಅನುಮತಿ ಇಲ್ಲ
ಹೆಚ್ಚಾಗಿ ಎಲ್ಲರೂ ಕಾಫಿಯನ್ನು ಪ್ರೀತಿಸುತ್ತೇವೆ. ಕಾಫಿ ನಮ್ಮ ದೈನಂದಿನ ಜೀವನದ ಪ್ರಮುಖ ಭಾಗಗಳಲ್ಲಿ ಒಂದಾಗಿದೆ. ಇದು ಉತ್ತಮ ರುಚಿಯ ಜೊತೆಗೆ ಶಕ್ತಿಯನ್ನು ಹೆಚ್ಚಿಸುತ್ತದೆ. ಅಷ್ಟೇ ಅಲ್ಲ ನಮ್ಮ ಆಪ್ತರೊಂದಿಗೆ ಗುಣಮಟ್ಟದ ಕೆಲ ಸಮಯ ಕಳೆಯಲು ನೆರವಾಗುತ್ತದೆ.
ನೀವು ಕೂಡ ಕಾಫಿ ಪ್ರಿಯರಾಗಿದ್ದರೆ ಕಾಫಿಯ ಬಗ್ಗೆ ತಿಳಿದುಕೊಳ್ಳಬೇಕಾದ 10 ವಿಷಯಗಳು ಇಲ್ಲಿವೆ.
ಇಥಿಯೋಪಿಯನ್ ಮೇಕೆ ಸಾಕುವವನು ಮೊದಲು ಜಗತ್ತಿನಲ್ಲಿ ಕಾಫಿ ಬೀಜಗಳನ್ನು ಕಂಡುಹಿಡಿದನು.
ಅಂತರರಾಷ್ಟ್ರೀಯ ವರದಿಗಳ ಪ್ರಕಾರ, ತೈಲದ ನಂತರ ಕಾಫಿ ವಿಶ್ವದ ಅತಿ ಹೆಚ್ಚು ವಹಿವಾಟು ನಡೆಸುವ ಎರಡನೇ ಸರಕು.
ಭಾರತದಲ್ಲಿ ಕಾಫಿ ಉತ್ಪಾದನೆಯಲ್ಲಿ ದಕ್ಷಿಣ ರಾಜ್ಯಗಳು ಪ್ರಾಬಲ್ಯ ಹೊಂದಿವೆ. ಕರ್ನಾಟಕವು ಒಟ್ಟು ಕಾಫಿ ಉತ್ಪಾದನೆಯಲ್ಲಿ 71% ನಷ್ಟು ಬೆಳೆಯುತ್ತಿದ್ದರೆ, ಕೇರಳ ಮತ್ತು ತಮಿಳುನಾಡು ಕ್ರಮವಾಗಿ 21% ಮತ್ತು ಒಟ್ಟು ರಾಷ್ಟ್ರೀಯ ಉತ್ಪಾದನೆಯಲ್ಲಿ 5% ರಷ್ಟು ಬೆಳೆಯುತ್ತವೆ.
ಕರ್ನಾಟಕದಲ್ಲಿ, ಚಿಕ್ಕಮಗಳೂರು ಅನ್ನು ಕರ್ನಾಟಕದ ಕಾಫಿ ಭೂಮಿ ಎಂದು ಕರೆಯಲಾಗುತ್ತದೆ ಏಕೆಂದರೆ ಇದನ್ನು ಮೊದಲು ಇಲ್ಲಿ ಮಾತ್ರ ಪರಿಚಯಿಸಲಾಯಿತು.
ವಿವಿಧ ಇಥಿಯೋಪಿಯನ್ ಬುಡಕಟ್ಟು ಜನಾಂಗದವರು ಕಾಫಿ ಬೀಜಗಳನ್ನು ತಿನ್ನುತ್ತಿದ್ದರು ಮತ್ತು ನಂತರ ಅವರು ಅದನ್ನು ಪಾನೀಯವಾಗಿ ಬಳಸಲು ಕಲಿತರು ಎಂದು ಹೇಳಲಾಗಿದೆ.
ಬ್ರೆಜಿಲ್, ವಿಯೆಟ್ನಾಂ, ಕೊಲಂಬಿಯಾ, ಇಂಡೋನೇಷ್ಯಾ ಮತ್ತು ಇಥಿಯೋಪಿಯಾದ ನಂತರ ಭಾರತ ವಿಶ್ವದ ಆರನೇ ಅತಿದೊಡ್ಡ ಕಾಫಿ ಉತ್ಪಾದಕ ರಾಷ್ಟ್ರವಾಗಿದೆ.
ಭಾರತದ ಕಾಫಿ ಉತ್ಪಾದನೆಯ ದೊಡ್ಡ ಖರೀದಿದಾರರು ಇಟಲಿ, ರಷ್ಯಾ ಮತ್ತು ಜರ್ಮನಿ.
ಭಾರತದಲ್ಲಿ ಎರಡು ಕಾಫಿ ಪ್ರಭೇದಗಳಾದ ರೋಬಸ್ಟಾ (ಅಥವಾ ಕಾಫಿಯಾ ಕ್ಯಾನೆಫೊರಾ) ಮತ್ತು ಕಾಫಿಯಾ ಅರೇಬಿಕಾವನ್ನು ದೊಡ್ಡ ಪ್ರಮಾಣದಲ್ಲಿ ಬೆಳೆಯಲಾಗುತ್ತದೆ.
ಭಾರತದಲ್ಲಿ, ಸುಮಾರು 4.54 ಲಕ್ಷ ಹೆಕ್ಟೇರ್ ಭೂಮಿಯಲ್ಲಿ 98% ಸಣ್ಣ ರೈತರು ಕಾಫಿ ಬೆಳೆ ಮಾಡುತ್ತಿದ್ದಾರೆ.
2017-18ರ ಅವಧಿಯಲ್ಲಿ ಭಾರತ 3.16 ಲಕ್ಷ ಟನ್ ಕಾಫಿ ಉತ್ಪಾದಿಸಿತು ಮತ್ತು ಭಾರತದ ರಫ್ತು 3.92 ಲಕ್ಷ ಟನ್ ಆಗಿದೆ.
ವೀಳ್ಯದೆಲೆಗಳ 6 ಬೆರಗುಗೊಳಿಸುವ ಆರೋಗ್ಯ ಪ್ರಯೋಜನಗಳು
ಅಂತರರಾಷ್ಟ್ರೀಯ ಕಾಫಿ ಸಂಸ್ಥೆ :
ಲಂಡನ್‌ನಲ್ಲಿ 1963ರಲ್ಲಿ ಅಂತರರಾಷ್ಟ್ರೀಯ ಕಾಫಿ ಸಂಸ್ಥೆ (ಐಸಿಒ) ಯನ್ನು ಸ್ಥಾಪಿಸಲಾಯಿತು. ಅಂತರರಾಷ್ಟ್ರೀಯ ಸಹಕಾರದ ಮೂಲಕ ವಿಶ್ವ ಕಾಫಿ ಕ್ಷೇತ್ರವು ಎದುರಿಸುತ್ತಿರುವ ಸವಾಲುಗಳನ್ನು ನಿಭಾಯಿಸುವುದು ಇದರ ಮುಖ್ಯ ಉದ್ದೇಶವಾಗಿದೆ. ಐಸಿಒ ಸದಸ್ಯ ಸರ್ಕಾರಗಳು ವಿಶ್ವ ಕಾಫಿ ಉತ್ಪಾದನೆಯ 98% ಮತ್ತು ವಿಶ್ವ ಬಳಕೆಯ 67% ಅನ್ನು ಪ್ರತಿನಿಧಿಸುತ್ತವೆ.
ಟ್ವಿಟರ್ ಮೂಲಕ ನಮ್ಮ ಸುದ್ದಿಗಳ ಅಪ್ ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ
