ಟೆಸ್ಟ್ ಕ್ರಿಕೆಟ್ ನ ಸುಪ್ರೀಂ ಯಾರು..?
ಟೆಸ್ಟ್ ಕ್ರಿಕೆಟ್ ನಲ್ಲಿ ಅತೀ ಹೆಚ್ಚು ಗಂಟೆ ಕ್ರೀಸ್ ನಲ್ಲಿ ನಿಂತ ಬ್ಯಾಟ್ಸ್ ಮನ್ ಯಾರು..?
ಭಾರತ ಮತ್ತು ಕ್ರಿಕೆಟ್ ಗೆ ಅವಿನಭಾವ ಸಂಬಂಧ ಇದೆ. ಕ್ರಿಕೆಟ್ ಅಂದ್ರೆ ನಮ್ಮಲ್ಲಿ ಕೇವಲ ಒಂದು ಕ್ರೀಡೆ ಮಾತ್ರವಲ್ಲ, ಅದೊಂದು ಧರ್ಮ. ಕ್ರಿಕೆಟ್ ಆಂಗ್ಲರ ಕ್ರೀಡೆಯಾದ್ರೂ, ಅದನ್ನ ಆರಾಧಿಸಿದ್ದು ಮಾತ್ರ ಭಾರತೀಯರು. ದೇಶದಲ್ಲಿ ಕ್ರಿಕೆಟ್ ಗೆ ಈ ಮಟ್ಟಿನ ಕ್ರೇಜ್ ಗೆ ಕಾರಣ, ನಮ್ಮ ಕ್ರಿಕೆಟ್ ಆಟಗಾರರು.
ಹೌದು..! ಭಾರತೀಯ ಕ್ರಿಕೆಟ್ ಇತಿಹಾಸದ ಪುಟಗಳನ್ನ ತೆರೆದರೇ ಅಲ್ಲಿ ಅಮೃತಾಕ್ಷರಗಳಿಂದ ಬರೆದಿರುವ ಸಾಲು ಸಾಲು ಆಟಗಾರರ ಹೆಸರುಗಳು ಸಿಗುತ್ವೆ. ಒಂದೊಂದು ಹಂತದಲ್ಲಿ, ಒಬ್ಬರ ಆಟಗಾರ ಅತ್ಯದ್ಭುತ ಆಟವಾಡಿ ಭಾರತದ ಪತಾಕೆಯನ್ನ ಹಾರಿಸಿದ್ದಾರೆ. ಅಂತಹ ದಿಗ್ಗಜ ಹೆಸರುಗಳಲ್ಲಿ ಮಾಸ್ಟರ್ ಬ್ಲಾಸ್ಟರ್, ಕ್ರಿಕೆಟ್ ದೇವರು ಸಚಿನ್ ತೆಂಡುಲ್ಕರ್. ದಿ ಗ್ರೇಟ್ ವಾಲ್, ಜಂಟಲ್ ಮ್ಯಾನ್ ಗೇಮ್ ನ ರಿಯಲ್ ಜಂಟಲ್ ಮ್ಯಾನ್ ರಾಹುಲ್ ದ್ರಾವಿಡ್ ಅಗ್ರಸ್ಥಾನದಲ್ಲಿ ಇರ್ತಾರೆ.
ಯಾಕೆಂದ್ರೆ ಸಚಿನ್ ತೆಂಡುಲ್ಕರ್, ರಾಹುಲ್ ದ್ರಾವಿಡ್ ಒಟ್ಟಿಗೆ ವಿಶ್ವಕ್ರಿಕೆಟ್ ದುನಿಯಾವನ್ನ ಆಳಿದವರು. ದಶಕಗಳ ಕಾಲ ಕ್ರಿಕೆಟ್ ಜಗತ್ತಿನ ಅನಾಭಿಷಕ್ತ ದೊರೆಗಳಾಗಿ ಮೆರೆದವರು. ಸಚಿನ್ ಭೀಮನಂತೆ ಗುಡುಗಿದರೇ ದ್ರಾವಿಡ್ ಅರ್ಜುನನಂತೆ ಮಿಂಚಿದವರು. ಸಚಿನ್ ಆಟ ಜ್ವಾಲಾಮುಖಿಯಾದ್ರೆ ದ್ರಾವಿಡ್ ಆಟ ಶಾಂತ ಸಾಗರದಲ್ಲಿ ಹುಟ್ಟುವ ಸುನಾಮಿಯಂತಿರುತ್ತಿತ್ತು. ಈ ಇಬ್ಬರು ಆಟದಲ್ಲಿ ಒಂದಿಷ್ಟು ಬದಲಾವಣೆಗಳಿದ್ದರೂ ರಿಸಲ್ಟ್ ಒಂದೇ ಆಗಿರುತ್ತಿತ್ತು.
ದ್ರಾವಿಡ್ ಟೀಂ ಇಂಡಿಯಾದ ಕೋಟೆಯಂತೆ ನಿಂತ್ರೆ, ಸಚಿನ್ ಟೀಂ ಇಂಡಿಯಾ ತ್ರಿವಿಕ್ರಮರಾಗಿ ಎದುರಾಗಳಲ್ಲಿ ಭಯ ಹುಟ್ಟಿಸುತ್ತಿದ್ದರು. ಇಂತಹ ದಿಗ್ಗಜರ ಮಧ್ಯೆ ಯಾರು ಗ್ರೇಟ್ ಅನ್ನೋ ಚರ್ಚೆ ಆಗಾಗ ಸದ್ದು ಮಾಡುತ್ತಲೇ ಇರುತ್ತೆ. ಕೆಲವರು ಸಚಿನ್ ಪರ ಬ್ಯಾಟ್ ಬೀಸಿದ್ರೆ ಇನ್ನೂ ಕೆಲವರು ದ್ರಾವಿಡ್ ಪರ ನಿಲ್ಲುತ್ತಾರೆ. ಆದ್ರೆ ಈ ಉಭಯರೂ ಟೀಂ ಇಂಡಿಯಾ ಗರ್ಭಗುಡಿಯ ದೊರೆಗಳು ಅನ್ನೋದನ್ನ ಯಾರು ಹಳ್ಳಗೆಳೆಯುವುದಿಲ್ಲ.
ಆದ್ರೆ ಟೆಸ್ಟ್ ಕ್ರಿಕೆಟ್ ವಿಚಾರಕ್ಕೆ ಬಂದ್ರೆ ಸಚಿನ್ ಗಿಂತ ದ್ರಾವಿಡ್ ಒಂದು ಹೆಜ್ಜೆ ಮುಂದು ಅನ್ನೋ ಸಾರ್ವಕಾಲಿಕ ಸತ್ಯ. ಸೀಮಿತ ಓವರ್ ಗಳ ಕ್ರಿಕೆಟ್ ನಲ್ಲಿ ಸಚಿನ್ ಎಷ್ಟೋ ಮಿಂಚಿದ್ರೂ, ಕ್ರಿಕೆಟ್ ನ ಆತ್ಮ, ಅಸ್ತಿತ್ವವೇ ಆಗಿರುವ ಟೆಸ್ಟ್ ನಲ್ಲಿ ದ್ರಾವಿಡ್ ಮೆಗಾಸ್ಟಾರ್. ಟೆಸ್ಟ್ ನಲ್ಲಿ ಸ್ಟಾರ್ಸ್, ಸೂಪರ್ ಸ್ಟಾರ್ಸ್ ಎಷ್ಟೇ ಬಂದರೂ ಸ್ಟಾರ್ ಗಳಿಗೆ ಸ್ಟಾರ್ ಮೆಗಾಸ್ಟಾರ್ ಮಾತ್ರ ಒನ್ ಅಂಡ್ ಓನ್ಲಿ ನಮ್ಮ ಹೆಮ್ಮೆಯ ರಾಹುಲ್ ದ್ರಾವಿಡ್.
ಹೌದು..! ಇದು ಯಾರೋ ಒಬ್ಬರ ಅಭಿಪ್ರಾಯವಲ್ಲ. ಇದು ಇಡೀ ಕ್ರಿಕೆಟ್ ಜಗತ್ತು ಒಪ್ಪಿ ಅಪ್ಪಿಕೊಂಡಿರುವ ಸತ್ಯ. ಇದಕ್ಕೆ ಅಂಕಿಅಂಶಗಳು ಕೂಡ ಪುಷ್ಠಿ ನೀಡುತ್ವೆ.
ರನ್ ಗಳಿಕೆಯಲ್ಲಿ ಕ್ರಿಕೆಟ್ ದೇವರು ಸಚಿನ್ ತೆಂಡುಲ್ಕರ್, ದ್ರಾವಿಡ್ ಗಿಂತ ಮುಂದೆ ಇದ್ದರೂ ಟೆಸ್ಟ್ ಗೆ ನಿಜವಾದ ಅರ್ಥ, ಬೆಲೆ ಮತ್ತು ಗೌರವ ಕೊಟ್ಟವರು ರಾಹುಲ್ ದ್ರಾವಿಡ್. ಅಂದಹಾಗೆ ಟೆಸ್ಟ್ ಕ್ರಿಕೆಟ್ ನಲ್ಲಿ ಈವರೆಗೂ ಯಾರು ಮಾಡದಂತಹ, ಕೆಲ ವಿಶೇಷ ಸಾಧನೆಗಳು ಇರೋದು ದ್ರಾವಿಡ್ ಹೆಸರಲ್ಲೇ.. ಅವುಗಳಲ್ಲಿ ಪ್ರಮುಖವಾದದ್ದು, ಟೆಸ್ಟ್ ಕ್ರಿಕೆಟ್ ನಲ್ಲಿ ಅತೀ ಹೆಚ್ಚು ಗಂಟೆಗಳ ಕಾಲ ಕ್ರೀಸ್ ನಲ್ಲಿ ನಿಂತಿರುವ ಬ್ಯಾಟ್ಸ್ ಮೆನ್ ದ್ರಾವಿಡ್.
ದ್ರಾವಿಡ್ ಅವರು ಒರೋಬ್ಬರಿ 44,152 ನಿಮಿಷಗಳು ಅಂದ್ರೆ 736 ಗಂಟೆಗಳ ಕಾಲ ಕ್ರೀಸ್ ನಲ್ಲಿ ನಿಂತಿದ್ದಾರೆ. ಇದರಲ್ಲಿ ಅವರು 31,258 ಎಸೆತಗಳನ್ನ ಎದುರಿಸಿದ್ದಾರೆ.
ಅದೇ ಸಚಿನ್ ಸಚಿನ್ ತೆಂಡುಲ್ಕತ್ ಟೆಸ್ಟ್ ಕ್ರಿಕೆಟ್ ನಲ್ಲಿ ಒಟ್ಟಾರೆ 688 ಗಂಟೆಗಳ ಕಾಲ ಕ್ರೀಸ್ ನಲ್ಲಿದ್ದು ಬ್ಯಾಟ್ ಬೀಸಿದ್ದಾರೆ. ಇದರಲ್ಲಿ ಅವರು 29,437 ಎಸೆತಗಳನ್ನ ಎದುರಿಸಿದ್ದಾರೆ.
ಇದು ದ್ರಾವಿಡ್ ಟೆಸ್ಟ್ ಕ್ರಿಕೆಟ್ ನ ಮೆಗಾಸ್ಟಾರ್ ಅನ್ನೋದಕ್ಕೆ ಒಂದು ಉದಾಹರಣೆ ಅಷ್ಟೆ, ಇಂತಹ ಅನೇಕ ಉದಾಹರಣಗಳು ವಿಶ್ವ ಟೆಸ್ಟ್ ಕ್ರಿಕೆಟ್ ಇತಿಹಾಸದ ಪುಟಗಳಲ್ಲಿವೆ.
Our Website : https://saakshatv.com/
Subscribe Now on YouTube
Like us on Facebook
Follow us on Twitter
Follow us on Instagram
Subscribe to our Telegram Channel