ತಮ್ಮ ಪಾತ್ರಕ್ಕಾಗಿ ಕಾರ್ಮಿಕನಾಗಿ ದುಡಿದು 100ರೂ ವೇತನ ಪಡೆದ ರಾಜ್ಕುಮಾರ್ ರಾವ್
ರಾಜ್ಕುಮಾರ್ ರಾವ್ ಖಂಡಿತವಾಗಿಯೂ ಭಾರತೀಯ ಚಲನಚಿತ್ರೋದ್ಯಮದ ಅತ್ಯಂತ ಬಹುಮುಖ ಮತ್ತು ಅತ್ಯುತ್ತಮ ನಟರಲ್ಲಿ ಒಬ್ಬರು. ಅವರು ಇಲ್ಲಿಯವರೆಗೆ ಅನೇಕ ಅದ್ಭುತ ಪ್ರದರ್ಶನಗಳನ್ನು ನೀಡಿದ್ದಾರೆ. ಇದಕ್ಕಾಗಿ ಅವರಿಗೆ ಒಂದು ರಾಷ್ಟ್ರೀಯ ಪ್ರಶಸ್ತಿ ಸೇರಿದಂತೆ ಹಲವಾರು ಪ್ರಶಸ್ತಿಗಳು ಸಂದಿವೆ.
ರಾಮ್ ಗೋಪಾಲ್ ವರ್ಮಾ ಅವರ ‘ರಾನ್’ (2010) ಚಿತ್ರದಲ್ಲಿ ರಾಜ್ಕುಮಾರ್ ರಾವ್ ಸಣ್ಣ ಪಾತ್ರವನ್ನು ನಿರ್ವಹಿಸಿದರು. ನಂತರ ಅವರು ದಿಬಕರ್ ಬ್ಯಾನರ್ಜಿ ಅವರ ‘ಲವ್, ಸೆಕ್ಸ್ ಔರ್ ಧೋಖಾ’ ಚಿತ್ರದಲ್ಲಿ ಕೆಲಸ ಮಾಡಿದರು. ಇದು ಪ್ರೇಕ್ಷಕರಿಗೆ ಇಷ್ಟವಾಗಿತ್ತು.
ತನ್ನ ಅಭಿನಯದ ಪ್ರತಿಯೊಂದು ಪಾತ್ರಕ್ಕೂ ಸರಿಯಾದ ರೀತಿಯಲ್ಲಿ ತಯಾರಿ ನಡೆಸುವ ನಟರಲ್ಲಿ ರಾಜ್ಕುಮಾರ್ ರಾವ್ ಕೂಡ ಒಬ್ಬರು. 2014 ರಲ್ಲಿ ಬಿಡುಗಡೆಯಾದ ‘ಸಿಟಿಲೈಟ್ಸ್’ ನಲ್ಲಿ, ರಾಜ್ಕುಮಾರ್ ಒಬ್ಬ ಕಾರ್ಮಿಕನ ಪಾತ್ರವನ್ನು ನಿರ್ವಹಿಸಿದ್ದರು ಮತ್ತು ಆ ಪಾತ್ರಕ್ಕಾಗಿ ತಯಾರಿ ಮಾಡುವ ಸಲುವಾಗಿ ಅವರು ನಿರ್ಮಾಣ ಸ್ಥಳದಲ್ಲಿ ಕೆಲಸಗಾರರಾಗಿ ಕೆಲಸ ನಿರ್ವಹಿಸಿದರು. ಅಲ್ಲಿ ಅವರು ಇಡೀ ದಿನ ಸಿಮೆಂಟ್ ಚೀಲಗಳನ್ನು ಹೊತ್ತುಕೊಂಡು ಆ ದಿನ 100 ರೂ. ವೇತನ ಪಡೆದಿದ್ದರು.
ಈ ಘಟನೆಯು ಈ ನಟನು ತನ್ನ ಕೆಲಸಕ್ಕಾಗಿ ಎಷ್ಟು ಸಮರ್ಪಣಾ ಭಾವ ಹೊಂದಿದ್ದಾರೆ ಎಂಬುದನ್ನು ತೋರಿಸುತ್ತದೆ.
ರಾಜ್ಕುಮಾರ್ ರಾವ್ ಅವರ ಇತ್ತೀಚಿನ ಬಿಡುಗಡೆಯಾದ ‘ರೂಹಿ’ ಚಿತ್ರದ ಅಭಿನಯವನ್ನೂ ವೀಕ್ಷಕರು ಇಷ್ಟಪಡುತ್ತಿದ್ದಾರೆ ಮತ್ತು ಅವರು ಅದರ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ . ಹಾರ್ದಿಕ್ ಮೆಹ್ತಾ ನಿರ್ದೇಶನದ ‘ರೂಹಿ’ ಹಾಸ್ಯ ಭಯಾನಕ ಚಿತ್ರವಾಗಿದ್ದು, ಜಾನ್ವಿ ಕಪೂರ್ ಮತ್ತು ವರುಣ್ ಶರ್ಮಾ ಮುಖ್ಯ ಪಾತ್ರಗಳಲ್ಲಿ ನಟಿಸಿದ್ದಾರೆ.
ರಾಜ್ಕುಮಾರ್ ರಾವ್ ಅವರ ಮುಂದಿನ ಚಿತ್ರ ‘ಬಾದೈ ದೋ’, ಇದರಲ್ಲಿ ಅವರು ಭೂಮಿ ಪೆಡ್ನೇಕರ್ ಅವರೊಂದಿಗೆ ಕೆಲಸ ಮಾಡಲಿದ್ದಾರೆ. ಈ ಚಿತ್ರವು ಆಯುಷ್ಮಾನ್ ಖುರಾನಾ ಅಭಿನಯದ ‘ಬಾದೈ ಹೋ’ ಚಿತ್ರದ ಮುಂದುವರಿದ ಭಾಗವಾಗಿದ್ದು, ಇದರಲ್ಲಿ ಸನ್ಯಾ ಮಲ್ಹೋತ್ರಾ, ನೀನಾ ಗುಪ್ತಾ ಮತ್ತು ಗಜರಾಜ್ ಸಿಂಗ್ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ.
https://twitter.com/SaakshaTv/status/1381078249464291328?s=19
https://twitter.com/SaakshaTv/status/1381042914327945218?s=19
https://twitter.com/SaakshaTv/status/1381088314170736640?s=19
https://twitter.com/SaakshaTv/status/1381034954281345024?s=19
#RajkummarRao #bollywoodactor #entertainment
