ಕಳೆದ ವರ್ಷದಂತೆ ದೇಶದಲ್ಲಿ ಮತ್ತೊಮ್ಮೆ ಸಂಪೂರ್ಣ ಲಾಕ್ಡೌನ್ ಘೋಷಿಸಬೇಕಾಗಿದೆ – ಏಕೆ ಗೊತ್ತಾ ?
ಕೊರೋನಾ ವೈರಸ್ ಅಬ್ಬರಕ್ಕೆ ದೇಶವೇ ತಲ್ಲಣಗೊಂಡಿದೆ.
ಕೊರೋನಾ ವೈರಸ್ ಯಾವುದೇ ವ್ಯಕ್ತಿಗಳ ಸ್ಥಾನಮಾನವನ್ನು ಸಹ ನೋಡುತ್ತಿಲ್ಲ. ಕೊರೋನಾದಿಂದ ಮೃತಪಟ್ಟವರ ಪಟ್ಟಿಯಲ್ಲಿ ವಿಐಪಿಗಳ ಹೆಸರುಗಳು ಸಹ ಸಾಮಾನ್ಯ ಜನರ ಹೆಸರಿನ ಜೊತೆ ಬರುತ್ತಿವೆ. ಜಮ್ಮುವಿನಿಂದ ಕನ್ಯಾಕುಮಾರಿಯವರೆಗೆ ಮತ್ತು ಅಹಮದಾಬಾದ್ನಿಂದ ಗೌಹತಿಯವರೆಗೆ ಜನರು ಆಮ್ಲಜನಕ ಸಿಲಿಂಡರ್ಗಾಗಿ ಅಲೆದಾಡುತ್ತಿದ್ದಾರೆ. ಆಮ್ಲಜನಕದ ಕೊರತೆಯಿಂದಾಗಿ ಕೊರೋನಾ ಪೀಡಿತರು ತಮ್ಮ ಪ್ರಾಣವನ್ನು ತ್ಯಜಿಸುತ್ತಿದ್ದಾರೆ. ಆರ್ಟಿ ಪಿಸಿಆರ್ ಪರೀಕ್ಷೆಗೆ ಬಲವಾದ ಶಿಫಾರಸು ಇದ್ದರೆ ಮಾತ್ರ ಪರೀಕ್ಷೆಯನ್ನು ಮಾಡಲಾಗುತ್ತಿದೆ. ಆದರೆ ಫಲಿತಾಂಶವು ಯಾವಾಗ ದೃಢೀಕರಿಸಲ್ಪಡುತ್ತದೆ ಎಂದು ಹೇಳಲು ಸಾಧ್ಯವಿಲ್ಲ.
ರೆಮ್ಡೆಸಿವಿರ್ ಅನ್ನು ಮರೆತುಬಿಡಿ, ಸಣ್ಣ ಪ್ಯಾರಸಿಟಮಾಲ್ ಅನ್ನು ಸಹ ಪಡೆಯುವುದು ಕಷ್ಟಕರವಾಗಿದೆ. ಇಂತಹ ಬಿಕ್ಕಟ್ಟಿನ ಪರಿಸ್ಥಿತಿಯಲ್ಲಿ ಕಳೆದ ವರ್ಷದಂತೆ ಮತ್ತೊಮ್ಮೆ ಸಂಪೂರ್ಣ ಲಾಕ್ಡೌನ್ ಘೋಷಿಸಬೇಕಾದ ಅವಶ್ಯಕತೆ ಇದೆ.
ಕೊರೋನಾ ವೈರಸ್ಗಳು ಗಾಳಿಯಲ್ಲಿ ಹರಡುತ್ತಿವೆ ಎಂದು ಆರೋಗ್ಯ ತಜ್ಞರು ಅಂದಾಜಿಸಿದ್ದಾರೆ. ಇಲ್ಲಿ ಅನೇಕ ವೈದ್ಯರು ಬೇಸಿಗೆಯಲ್ಲಿ ಉಸಿರಾಟದ ಗಾಳಿಯು ವಾತಾವರಣದಲ್ಲಿ ಆವಿಯಾಗುತ್ತದೆ ಎಂದು ಹೇಳಿದ್ದಾರೆ. ಈ ಕಾರಣಕ್ಕಾಗಿ, ಕೊರೋನಾ ವೈರಸ್ ತೆರೆದ ಗಾಳಿಯಲ್ಲಿ ಹರಡುವುದರಿಂದ ಜನರು ತುಂಬಾ ವೇಗವಾಗಿ ಸೋಂಕಿಗೆ ತುತ್ತಾಗುತ್ತಿದ್ದಾರೆ. ಆದ್ದರಿಂದ, ಸಾರ್ವಜನಿಕರಿಗೆ ಡಬಲ್ ಮಾಸ್ಕ್ಗಳನ್ನು ತೆರೆದ ಸ್ಥಳದಲ್ಲಿ ಬಳಸಲು ಎಚ್ಚರಿಕೆ ನೀಡಲಾಗುತ್ತಿದೆ.
ಹಾಗಾಗಿ ಕೊರೋನಾ ಸೋಂಕು ಮತ್ತಷ್ಟು ಹರಡುವುದನ್ನು ತಡೆಗಟ್ಟಲು ಸಂಪೂರ್ಣ ಲಾಕ್ಡೌನ್ ಅನ್ನು ನಿರ್ಧರಿಸುವ ಅವಶ್ಯಕತೆಯಿದೆ. ವೀಕೆಂಡ್ ಲಾಕ್ಡೌನ್ ಅಥವಾ ನೈಟ್ ಕರ್ಫ್ಯೂ ಈ ಹೊಸ ಕೊರೋನಾ ಸೋಂಕನ್ನು ನಿಭಾಯಿಸಲು ಸಾಧ್ಯವಿಲ್ಲ. ಭಾರತದ ಕಿರಿದಾದ ಬೀದಿಗಳು, ಜನನಿಬಿಡ ಮಾರುಕಟ್ಟೆಗಳು, ಕಚೇರಿಗಳು ಕೊರೋನಾ ಭೀತಿಯನ್ನು ಎದುರಿಸಲು ಸಿದ್ಧವಾಗಿಲ್ಲ. ಹಾಗಾಗಿ ಕೊನೆಯ ಆಯ್ಕೆಯು ಸಂಪೂರ್ಣ ಲಾಕ್ಡೌನ್ ಆಗಿದೆ.
ಭಾರತದಲ್ಲಿ ಟ್ರಿಪಲ್ ಮ್ಯಟೆಂಟ್ಸ್ ಅಪಾಯವು ಹೆಚ್ಚಾಗಿದೆ ಎಂದು ಆರೋಗ್ಯ ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ. ಈ ರೂಪಾಂತರದ ರೋಗಿಗಳು ಬಂಗಾಳ, ದೆಹಲಿ ಮತ್ತು ಮಹಾರಾಷ್ಟ್ರಗಳಲ್ಲಿ ಕಂಡುಬಂದಿದ್ದಾರೆ. ಈ ಮೂರು ಮುಖದ ಕೊರೋನಾ ಎಂಬ ರಾವಣನೊಂದಿಗೆ ಹೋರಾಡುವುದು ತುಂಬಾ ಕಷ್ಟ. ಇದು ಪ್ರಸ್ತುತ ಇರುವ ಎಲ್ಲಾ ರೀತಿಯ ಲಸಿಕೆಗಳನ್ನು ತಟಸ್ಥಗೊಳಿಸುತ್ತದೆ ಮತ್ತು ಅದರ ಹರಡುವಿಕೆಯ ವೇಗವು ಡಬಲ್ ಮ್ಯಟೆಂಟ್ಸ್ ಹೊಂದಿರುವ ವೈರಸ್ಗಳಿಗಿಂತ ವೇಗವಾಗಿರುತ್ತದೆ ಎಂದು ಹೇಳಲಾಗುತ್ತಿದೆ. ಇದೀಗ ಡಬಲ್ ಮ್ಯಟೆಂಟ್ಸ್ ಹೊಂದಿರುವ ವೈರಸ್ ಮುಂಬೈ, ಲಕ್ನೋ ಮತ್ತು ದೆಹಲಿಯಲ್ಲಿ ಕೊರೋನದ ತ್ವರಿತ ಬೆಳವಣಿಗೆಗೆ ಕಾರಣವೆಂದು ನಂಬಲಾಗಿದೆ. ಈ ಡಬಲ್ ರೂಪಾಂತರದೊಂದಿಗೆ ಮೂರನೇ ರೂಪಾಂತರವು ಇನ್ನಷ್ಟು ಅಪಾಯಕಾರಿಯಾಗುವುದು ಖಚಿತ. ವಿಶ್ವದ ಹದಿನೈದು ದೇಶಗಳನ್ನು ತಲುಪಿದ ಈ ರೂಪಾಂತರಕ್ಕೆ ಸ್ವಲ್ಪ ಕಡಿವಾಣ ಬೀಳುವವರೆಗೆ ದೇಶದಲ್ಲಿ ಸಂಪೂರ್ಣ ಲಾಕ್ ಡೌನ್ ಮಾಡುವುದು ಸೂಕ್ತವಾಗಿದೆ.
ಸಾಮಾನ್ಯವಾಗಿ, ದೇಶದಲ್ಲಿ ಪ್ರತಿದಿನ ಹೊಸ ಪ್ರಕರಣಗಳ ಸಂಖ್ಯೆ 10 ರಿಂದ 20 ಸಾವಿರಕ್ಕೆ ಹೆಚ್ಚಾಗಿದ್ದರೆ ವಾರಾಂತ್ಯದ ಲಾಕ್ಡೌನ್, ರಾತ್ರಿ ಕರ್ಫ್ಯೂ ಮತ್ತು ಕೆಲವು ನಿರ್ಬಂಧಗಳು ಸಾಕಾಗುತ್ತಿತ್ತು. ಆದರೆ ಈಗ ಪರಿಸ್ಥಿತಿ ಗಂಭೀರವಾಗಿದೆ. ಕೊರೋನಾ ಸ್ಫೋಟಗೊಂಡಿದೆ. ಕಳೆದ ಮೂರು ದಿನಗಳಿಂದ, ಕೊರೋನಾದ ಹೊಸ ಪ್ರಕರಣಗಳ ಸಂಖ್ಯೆ ಪ್ರತಿದಿನ 3 ಲಕ್ಷಕ್ಕಿಂತ ಹೆಚ್ಚುತ್ತಿದೆ. ಹೊಸ ಪ್ರಕರಣಗಳ ಸಂಖ್ಯೆ ಪ್ರತಿದಿನ ಏರುಗತಿಯಲ್ಲಿ ಹೆಚ್ಚುತ್ತಿದೆ. ಇದರರ್ಥ ಭಾಗಶಃ ಲಾಕ್ಡೌನ್ ಕಾರ್ಯನಿರ್ವಹಿಸುತ್ತಿಲ್ಲ. ದೇಶಕ್ಕೆ ಸಂಪೂರ್ಣ ಲಾಕ್ಡೌನ್ ಅಗತ್ಯವಿದೆ.
ದೇಶದಲ್ಲಿ ಪ್ರತಿದಿನ ಒಟ್ಟು 7000 ಟನ್ ಆಮ್ಲಜನಕವನ್ನು ಉತ್ಪಾದಿಸುತ್ತದೆ. ಇದರಲ್ಲಿ ಮಹಾರಾಷ್ಟ್ರವು ಪ್ರತಿದಿನ 1350 ಟನ್ ಬಳಸುತ್ತಿದೆ. ಗುಜರಾತ್ಗೆ 500 ಟನ್ ಬೇಕಾಗಿದ್ದರೆ, ಮಧ್ಯಪ್ರದೇಶಕ್ಕೂ 250 ಟನ್ ಅಗತ್ಯವಿದೆ. ಆಮ್ಲಜನಕ ಕೊರತೆಯ ಹಿನ್ನೆಲೆಯಲ್ಲಿ, ಎಲ್ಲಾ ಕೈಗಾರಿಕೆಗಳಲ್ಲಿ ಆಮ್ಲಜನಕದ ಪೂರೈಕೆಯನ್ನು ಸರ್ಕಾರ ನಿಲ್ಲಿಸಿದೆ. ಜೊತೆಗೆ ದೇಶದಲ್ಲಿ ಸಿಲಿಂಡರ್ಗಳು ಮತ್ತು ಕ್ರಯೋಜೆನಿಕ್ ಟ್ಯಾಂಕರ್ಗಳ ಕೊರತೆಯೂ ಇದೆ. ಹಾಗಾಗಿ, ಆಮ್ಲಜನಕ ಕಾರ್ಖಾನೆಗಳಿಂದ ಆಸ್ಪತ್ರೆಯನ್ನು ತಲುಪಲು 6 ರಿಂದ 8 ದಿನಗಳನ್ನು ತೆಗೆದುಕೊಳ್ಳುತ್ತಿದೆ.
ಆರೋಗ್ಯ ಕಾರ್ಯಕರ್ತರು ಮತ್ತು ಪೊಲೀಸರು ಸೇರಿದಂತೆ
ಫ್ರಂಟ್ಲೈನ್ ಕಾರ್ಮಿಕರು ನಿರಂತರವಾಗಿ ಕೊರೋನಾ ವಿರುದ್ಧ ಹೋರಾಡುತ್ತಿದ್ದಾರೆ. ಆಸ್ಪತ್ರೆಯ ಸಿಬ್ಬಂದಿ ಮತ್ತು ಪೊಲೀಸ್ ಸಿಬ್ಬಂದಿಯ ಮೇಲೆ ಬಹಳಷ್ಟು ಜವಾಬ್ದಾರಿಯ ಹೊರೆಗಳಿವೆ. ಅರ್ಧಕ್ಕಿಂತ ಹೆಚ್ಚು ಕಾರ್ಮಿಕರು ಅನಾರೋಗ್ಯದಿಂದ ಬಳಲುತ್ತಿದ್ದಾರೆ. ಹಲವರು ಪ್ರಾಣ ಕಳೆದುಕೊಂಡಿದ್ದಾರೆ. ಸಂಖ್ಯೆಯ ಬಲದಲ್ಲಿನ ಇಳಿಕೆ, ಕೆಲಸದ ಸಮಯ ಹೆಚ್ಚಳ ಮತ್ತು ನಿರಂತರ ಕರ್ತವ್ಯದಿಂದ ಅವರಿಗೆ ಈಗ ಸ್ವಲ್ಪ ವಿರಾಮ ಬೇಕಾಗಿದೆ.
ಕೊರೋನಾ ರೋಗಿಗಳಿಗೆ ದೇಶಾದ್ಯಂತ ಆಸ್ಪತ್ರೆಗಳನ್ನು ಕಾಯ್ದಿರಿಸಿದ ನಂತರವೂ ಹಾಸಿಗೆಗಳ ಕೊರತೆ ಇದೆ. ಭಾರತದ ಆಸ್ಪತ್ರೆಗಳಲ್ಲಿ ಹಾಸಿಗೆಗಳ ಲಭ್ಯತೆಯೂ ತುಂಬಾ ಕಡಿಮೆ. ಸ್ವಾತಂತ್ರ್ಯದ ಎಪ್ಪತ್ತು ವರ್ಷಗಳ ನಂತರವೂ ನಮ್ಮ ದೇಶದಲ್ಲಿ ಹತ್ತು ಸಾವಿರ ಜನರಿಗೆ 5 ಹಾಸಿಗೆಗಳು ಮಾತ್ರ ಲಭ್ಯವಿದೆ. ಈ ವಿಷಯದಲ್ಲಿ ಜಗತ್ತಿನಲ್ಲಿ ಕೇವಲ 12 ದೇಶಗಳು ಭಾರತಕ್ಕಿಂತ ಕೆಟ್ಟದಾಗಿದೆ. ಆಸ್ಪತ್ರೆ ಹಾಸಿಗೆಗಳ ವಿಷಯದಲ್ಲಿ ಪಾಕಿಸ್ತಾನ ಮತ್ತು ಬಾಂಗ್ಲಾದೇಶ ಕೂಡ ಭಾರತಕ್ಕಿಂತ ಉತ್ತಮವಾಗಿದೆ. ಮಾನವ ಅಭಿವೃದ್ಧಿ ವರದಿ 2020 ರ ಪ್ರಕಾರ, ಆಸ್ಪತ್ರೆ ಹಾಸಿಗೆಗಳ ವಿಷಯದಲ್ಲಿ, ವಿಶ್ವದ 167 ದೇಶಗಳಲ್ಲಿ ಭಾರತ 155 ನೇ ಸ್ಥಾನದಲ್ಲಿದೆ.
ಯುರೋಪ್ ಮತ್ತು ಅಮೆರಿಕದಂತಹ ದೇಶಗಳು ಕೊರೋನಾ ಸೋಂಕನ್ನು ಎದುರಿಸಲು ಭಾಗಶಃ ಲಾಕ್ಡೌನ್ ಅನ್ನು ಆಶ್ರಯಿಸುತ್ತಿದೆ. ಆಸ್ಪತ್ರೆ ಹಾಸಿಗೆಗಳಿಗಾಗಿ ಹತಾಶರಾಗಿರುವ ದೇಶದಲ್ಲಿ ತಕ್ಷಣದ ಪೂರ್ಣ ಲಾಕ್ಡೌನ್ ಸ್ವಲ್ಪ ಪರಿಹಾರವನ್ನು ನೀಡಬಹುದು. ದಿನದಿಂದ ದಿನಕ್ಕೆ ಪರಿಸ್ಥಿತಿ ಕೈಮೀರುತ್ತಿದ್ದು, ಗಗನಕ್ಕೇರುತ್ತಿರುವ ಪ್ರಕರಣಗಳಿಗೆ ಕಡಿವಾಣ ಹಾಕಲು ಕಳೆದ ವರ್ಷದಂತೆ ಮತ್ತೊಮ್ಮೆ ಸಂಪೂರ್ಣ ಲಾಕ್ಡೌನ್ ಘೋಷಿಸುವುದಷ್ಟೇ ಈಗ ನಮ್ಮ ಮುಂದಿರುವ ಪರಿಹಾರ.
ಆರೋಗ್ಯಕರ ಶಕ್ತಿಯುತ ಲಿವರ್/ಶ್ವಾಸಕೋಶಕ್ಕಾಗಿ ಮನೆಮದ್ದುಗಳು#Saakshatv #healthtips #Homeremedies https://t.co/N9Q4oC4hwR
— Saaksha TV (@SaakshaTv) April 20, 2021
ದರ್ಶನ್ ಮೇಲೆ ನಾನು ಬಹಳ ಕ್ರಶ್ ಹೊಂದಿದ್ದೇನೆ – ನಟಿ ಗಾಯತ್ರಿ ಐಯ್ಯರ್#Darshan #VinodhPrabhakar #gayathri #sandalwood https://t.co/ovvgICjjcW
— Saaksha TV (@SaakshaTv) April 20, 2021
ಬಿರುಬಿಸಿಲಿಗೆ ಚಾಕಲೇಟ್ ಮಿಲ್ಕ್ ಶೇಕ್#Saakshatv #cookingrecipe #chocolate #milkshake https://t.co/JCAQoyp8GI
— Saaksha TV (@SaakshaTv) April 20, 2021
ಕೋವಿಡ್ -19 ಎರಡನೇ ಅಲೆ ಪ್ರಕರಣಗಳು ಭಾರತದಲ್ಲಿ ಎಷ್ಟು ಸಮಯದ ಬಳಿಕ ಇಳಿಮುಖ ಕಾಣಲಿದೆ ?#covid19 #secondwave https://t.co/ViqnbxhzTN
— Saaksha TV (@SaakshaTv) April 20, 2021
ಮೇ 1 ರಿಂದ ಕೋವಿಡ್-19 ವ್ಯಾಕ್ಸಿನೇಷನ್ 3ನೇ ಡ್ರೈವ್ – ಯಾವ್ಯಾವ ಲಸಿಕೆಗಳು ಲಭ್ಯ? ದರವೆಷ್ಟು ? ಯಾವುದು ಸುರಕ್ಷಿತ ? – ಸಂಪೂರ್ಣ ಮಾಹಿತಿ ಇಲ್ಲಿದೆ.#Covid19vaccinationdrive #coronavaccination https://t.co/8fhRzUu4AT
— Saaksha TV (@SaakshaTv) April 24, 2021
#completelockdown
