ಈ ವಾರವೂ ಬಿಗ್ ಬಾಸ್ ವೇದಿಕೆ ಮೇಲೆ ಸುದೀಪ್ ದರ್ಶನವಾಗಲ್ಲ..!
ಬೆಂಗಳೂರು : ಜನಪ್ರಿಯ ಕನ್ನಡದ ರಿಯಾಲಿಟಿ ಶೋ…ಕಳೆದ 2 ವಾರಗಳಿಮದ ಜೀವ ಕಳೆದುಕೊಂಡಿದೆ. ಪ್ರೇಕ್ಷಕರು ನಿರಾಸೆಯಾಗಿದ್ದಾರೆ. ಕಾರಣ ವೀಕೆಂಡ್ ಸಂಚಿಕೆಯಿಲ್ಲದೆ. ಕಿಚ್ಚನ ನಿರೂಪಣೆಯನ್ನ ಜನ ಮಿಸ್ ಮಾಡಿಕೊಳ್ತಿದ್ದಾರೆ. 2 ವಾರದಿಂದ ಕಿಚ್ಚನಿಲ್ಲದೆ ವೀಕೆಂಡ್ ಸಂಚಿಕೆ ಸಿಕ್ಕಾಪಟ್ಟೆ ಬೋರಿಂಗ್ ಆಗಿಬಿಟ್ಟಿದೆ. ಕಿಚ್ಚ ಸುದೀಪ್ ಅನಾರೋಗ್ಯಕ್ಕೆ ಒಳಗಾಗಿದ್ದು, ನಿರೂಪಾಣೆ ಮಾಡಲು 2 ವಾರ ಸಾಧ್ಯವಗಲ್ಲ ಎಂದು ಟ್ವೀಟ್ ಮೂಲಕ ತಿಳಿಸಿದ್ದರು.
ಇತ್ತೀಚೆಗೆ ಅವರು ಟ್ವೀಟ್ ಮಾಡಿ ನಾನು ಗುಣಮುಖನಾಗಿದ್ದೇನೆ ಎಂದು ಬರೆದುಕೊಂಡಿದ್ದರು. ಹೀಗಾಗಿ ಸುದೀಪ್ ಅವರು ಈ ವಾರ ಸ್ಟೇಜ್ ಮೇಲೆ ಕಾಣಿಸಿಕೊಳ್ಳಲಿದ್ದಾರೆ ಎನ್ನಲಾಗಿತ್ತು. ಆದ್ರೆ ಮತ್ತೆ ಅಭಿಮಾನಿಗಳಿಗೆ ನಿರಾಸೆಯಾಗಿದೆ. ಈ ವಾರವೂ ಬಿಗ್ ಬಾಸ್ ಗೆ ಕಿಚ್ಚ ಸುದೀಪ್ ಹೋಸ್ಟ್ ಮಾಡಲು ಬರುತ್ತಿಲ್ಲ. ಸದ್ಯ ಇರುವ ಸಂಕಷ್ಟದ ಸನ್ನಿವೇಶದ ಹಿನ್ನೆಲೆಯಲ್ಲಿ ಸುದೀಪ್ ಅವರ ಜೊತೆಯಲ್ಲಿ ನಡೆಯಬೇಕಿದ್ದ ವಾರಾಂತ್ಯ ಪಂಚಾಯಿತಿ ಚಿತ್ರೀಕರಣ ನಡೆಯುತ್ತಿಲ್ಲ. ಈ ವಾರ ಬಿಗ್ ಬಾಸ್ ವಾರಾಂತ್ಯ ಸಂಚಿಕೆಗಳಲ್ಲಿ ಸುದೀಪ್ ಉಪಸ್ಥಿತರಿರುವುದಿಲ್ಲ ಎಂದು ಹೇಳಲಾಗಿದೆ.
