ಯೂರೋ ಕಪ್ ಫುಟ್ ಬಾಲ್ – ಟರ್ಕಿ ವಿರುದ್ಧ ಇಟಲಿಗೆ ಭರ್ಜರಿ ಜಯ
2021ರ ಯೂರೋ ಕಪ್ ಫುಟ್ ಬಾಲ್ ಟೂರ್ನಿಯಲ್ಲಿ ಇಟಲಿ ತಂಡ ಶುಭಾರಂಭ ಮಾಡಿದೆ. ಎ ಗುಂಪಿನ ಮೊದಲ ಪಂದ್ಯದಲ್ಲಿ ಇಟಲಿ ತಂಡ 3-0 ಗೋಲುಗಳಿಂದ ಟರ್ಕಿ ತಂಡದ ವಿರುದ್ಧ ಅಮೋಘ ಜಯ ಸಾಧಿಸಿತು.
ರೋಮ್ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯ ರೋಚಕವಾಗಿಯೇ ಸಾಗಿತ್ತು. ಪಂದ್ಯದ ಮೊದಲಾರ್ಧದಲ್ಲಿ ಬಲಿಷ್ಠ ಇಟಲಿ ತಂಡಕ್ಕೆ ಮುನ್ನಡೆ ಸಾಧಿಸಲು ಟರ್ಕಿ ತಂಡ ಬಿಡಲಿಲ್ಲ. ಅಲ್ಲದೆ ಇಟಲಿ ತಂಡಕ್ಕೆ ಟರ್ಕಿ ತಂಡದ ರಕ್ಷಣಾ ಕೋಟೆಯನ್ನು ಮುರಿಯಲು ಸಾಧ್ಯವಾಗಲಿಲ್ಲ.
ಆದ್ರೆ ದ್ವಿತಿಯಾರ್ಧದಲ್ಲಿ ಇಟಲಿ ತಂಡ ಟರ್ಕಿ ತಂಡದ ಲೆಕ್ಕಚಾರಗಳನ್ನು ಬುಡಮೇಲು ಮಾಡಿತ್ತು. ಪಂದ್ಯದ 53ನೇ ನಿಮಿಷದಲ್ಲಿ ಮೆರಿಹ್ ಡಿಮಿರಲ್ ಮೊದಲ ಗೋಲು ದಾಖಲಿಸಿ ಇಟಲಿ ತಂಡಕ್ಕೆ ಮುನ್ನಡೆ ಒದಗಿಸಿದ್ರು. ಬಳಿಕ 66ನೇ ನಿಮಿಷದಲ್ಲಿ ಸಿರೊ ಇಮೊಬಿಲಿ ಅವರು ತಂಡದ ಪರ ಎರಡನೇ ಗೋಲು ದಾಖಲಿಸಿದ್ರೆ, 79 ನೇ ನಿಮಿಷದಲ್ಲಿ ಇಟಲಿ ತಂಡದ ಲಾರೆಂಝೊ ಇಂಸಿಗ್ನೆ ಅವರು ಮೂರನೇ ಗೋಲು ಹೊಡೆಯುವ ಮೂಲಕ ತಂಡದ ಗೆಲುವಿನ ಅಂತರವನ್ನು ಹೆಚ್ಚಿಸಿದ್ರು.
