ವಿಂಬಲ್ಡನ್ ಮಹಿಳಾ ಡಬಲ್ಸ್ – ಎರಡನೇ ಸುತ್ತು ಪ್ರವೇಶಿಸಿದ ಸಾನಿಯಾ -ಮಾಟೆಕ್ ಜೋಡಿ
ವಿಂಬಲ್ಡನ್ ಟೆನಿಸ್ ಟೂರ್ನಿಯ ಮಹಿಳೆಯರ ಡಬಲ್ಸ್ ನಲ್ಲಿ ಭಾರತದ ಸಾನಿಯಾ ಮಿರ್ಜಾ ಮತ್ತು ಅಮೆರಿಕಾದ ಬೆಥಾನಿ ಮಾಟೆಕ್ ಸ್ಯಾಂಡ್ಸ್ ಅವರು ಎರಡನೇ ಸುತ್ತು ಪ್ರವೇಶಿಸಿದ್ದಾರೆ.
ಮೊದಲ ಸುತ್ತಿನ ಪಂದ್ಯದಲ್ಲಿ ಸಾನಿಯಾ ಮಿರ್ಜಾ ಮತ್ತು ಮಾಟೆಕ್ ಅವರು ಅದ್ಭುತ ಆಟವನ್ನಾಡಿದ್ರು. ಅಲ್ಲದೆ ಆರನೇ ಶ್ರೇಯಾಂಕಿತೆಯರಾದ ಡೆಸಿರೆಯ್ ಕ್ರಾವೆಝೆಕ್ ಮತ್ತು ಅಲೆಕ್ಸಾ ಗೌರಾಚಿ ಅವರಿಗೆ ಆಘಾತವನ್ನು ನೀಡಿದ್ರು.
ಸಾನಿಯಾ ಮತ್ತು ಮಾಟೆಕ್ ಅವರು ಪಂದ್ಯದ ಆರಂಭದಲ್ಲಿ ಸ್ವಲ್ಪ ಮಟ್ಟಿಗೆ ಲಯ ಕಂಡುಕೊಳ್ಳುವಲ್ಲಿ ವಿಫಲರಾದ್ರು. ಆದ್ರೆ ಹಂತ ಹಂತವಾಗಿ ಆಟದ ಮೇಲೆ ಹಿಡಿತ ಸಾಧಿಸಿಕೊಂಡ ಸಾನಿಯಾ ಮಿರ್ಜಾ ಮತ್ತು ಮಾಟೆಕ್ ಸ್ಯಾಂಡ್ಸ್ ಅವರು 7-5, 6-3 ನೇರ ಸೆಟ್ ಗಳಿಂದ ಡೆಸಿರೆಯ್ ಕ್ರಾವೆಝೆಕ್ ಮತ್ತು ಅಲೆಕ್ಸಾ ಗೌರಾಚಿ ಅವರನ್ನು ಸೋಲಿಸಿದ್ರು.
ಇನ್ನೊಂದೆಡೆ ಭಾರತದ ಅಂಕಿತಾ ರೈನಾ ಮತ್ತು ಅಮೆರಿಕಾದ ಲಾರೆನ್ ಡೇವಿಸ್ ಅವರು ಕೂಡ ಈ ಬಾರಿಯ ವಿಂಬಲ್ಡನ್ ಟೂರ್ನಿಯಲ್ಲಿ ಆಡುತ್ತಿದ್ದಾರೆ. ವಿಂಬಲ್ಡನ್ ಟೆನಿಸ್ ಟೂರ್ನಿಯಲ್ಲಿ ಭಾರತದ ಇಬ್ಬರು ಮಹಿಳಾ ಆಟಗಾರ್ತಿಯರು ಕಣದಲ್ಲಿರುವುದು ಇದು ಮೊದಲನೇ ಬಾರಿ. ಅಂಕಿತಾ ರೈನಾ ಅವರು ಆಸ್ಟ್ರೇಲಿಯನ್ ಓಪನ್, ಫ್ರೆಂಚ್ ಓಪನ್ ಈಗ ವಿಂಬಲ್ಡನ್ ಟೂರ್ನಿಯಲ್ಲಿ ಆಡುತ್ತಿದ್ದಾರೆ.
ಇನ್ನು ಸಾನಿಯಾ ಮಿರ್ಜಾ ಅವರು ಮಹತತ್ವದ ಗ್ರ್ಯಾಂಡ್ ಸ್ಲ್ಯಾಂ ಟೂರ್ನಿಗಳಲ್ಲಿ 2005ರಿಂದ ಆಡುತ್ತಿದ್ದಾರೆ. ಮೂರು ಡಬಲ್ಸ್ ಗ್ರ್ಯಾಂಡ್ ಸ್ಲ್ಯಾಂ ಹಾಗೂ ಒಂದು ರನ್ನರ್ ಅಪ್ ಪ್ರಶಸ್ತಿಗಳನ್ನು ಪಡೆದುಕೊಂಡಿದ್ದಾರೆ.
