KGF 2 : ಜುಲೈ 29ಕ್ಕೆ ಅಧೀರನ ಪಾತ್ರದ ಟೀಸರ್ ರಿಲೀಸ್..?
ಭಾರತೀಯರು ಅತ್ಯಂತ ಕಾತರದಿಂದ ಕಾಯುತ್ತಿರುವ ಸಿನಿಮಾ ಅಂದ್ರೆ ಅದು ಕನ್ನಡದ ಕೆಜಿಎಫ್ ಚಾಪ್ಟರ್ 2. ಗರುಡನ ಸಾವಿನಲ್ಲಿ ಮೊದಲ ಅಧ್ಯಾಯ ಅಂತ್ಯಗೊಂಡಿತ್ತು.. ಆದ್ರೆ ಅಸಲಿ ಕಥೆಯಿರೋದೇ 2ನೇ ಅಧ್ಯಾಯದಲ್ಲಿ ಗರುಡನ ಸಾವಿನ ನಂತರ ಏನಾಗುತ್ತೆ ಅನ್ನೋ ಕ್ಯೂರಿಯಾಸಿಟಿ ಹೆಚ್ಚಾಗಿದೆ.. ಈ ಚಾಪ್ಟರ್ ನಲ್ಲಿ ದೊಡ್ಡ ಮಟ್ಟದಲ್ಲಿ ಕ್ಯೂರಿಯಾಸಿಟಿ ಕ್ರಿಯೇಟ್ ಮಾಡಿರೋ ಪಾತ್ರ ಅಂದ್ರೆ ಅದು ‘ಅಧೀರ’…!
ಸಂಜಯ್ ದತ್ ನಿಭಾಯಿಸುತ್ತಿರುವ ಅಧೀರನ ಪಾತ್ರದ ಫಸ್ಟ್ ಲುಕ್ ಅಭಿಮಾನಿಗಳ ಕ್ರೇಜ್ ಹೆಚ್ಚಿಸಿದೆ.. ಟೀಸರ್ ವಿಶ್ವ ದಾಖಲೆ ಮಾಡಿದೆ.. ಸಿನಿಮಾ ಒಂದೊಂದೇ ಹಳೆಯ ಸೂಪರ್ ಡೂಪರ್ ಹಿಟ್ ಆಗಿದ್ದ ಸಿನಿಮಾಗಳ ರೆಕಾರ್ಡ್ ಬ್ರೇಕ್ ಮಾಡ್ತಿದೆ.. ಮುಮದೆಯೂ ಮಾಡುತ್ತೆ.. ಹೀಗಿರೋವಾಗ ಟೀಸರ್ ನಲ್ಲಿ ಅಧೀರನನ್ನ ಅಷ್ಟಾಗಿ ತೋರಿಸಿಲ್ಲ.. ಇದು ಕೊಂಚ ನಿರಾಸೆ ಮೂಡಿಸಿತ್ತು.. ಆದ್ರೆ ಇದೀಗ ಅಭಿಮಾನಿಗಳಿಗೆ ಒಂದು ಬಿಗ್ ಗಿಫ್ಟ್ ಕೊಡೋದಕ್ಕೆ ಸಿನಿಮಾ ತಂಡ ಚಿಂತನೆ ನಡೆಸಿದೆ ಎಂಬ ಸುದ್ದಿ ಹರಿದಾಡ್ತಿದೆ.. ಅದೇನೆಂದ್ರೆ ಜುಲೈ 29ರಂದು ‘ಕೆಜಿಎಫ್ 2’ ತಂಡದಿಂದ ಮುಖ್ಯವಾದ ಅಪ್‌ಡೇಟ್ ಒಂದು ಹೊರಗೆ ಬೀಳಲಿದೆ. ‘ಕೆಜಿಎಫ್ 2’ ಸಿನಿಮಾದ ಮುಖ್ಯ ಪಾತ್ರ ಅಧೀರನ ಪಾತ್ರದ ಟೀಸರ್ ಅಥವಾ ಪ್ರೋಮೊ ಅಂದು ಬಿಡುಗಡೆ ಆಗುವ ಸಾಧ್ಯತೆಗಳಿವೆ ಎನ್ನಲಾಗ್ತಿದೆ.
ಈ ರೀತಿಯ ಸುದ್ದಿ ಹರಿದಾಡುವುದಕ್ಕೂ ಕಾರಣ ಇದೆ.. ಅಂದು ಸಂಜು ಬಾಬಾ ಬರ್ತ್ ಡೇ ಇದೆ.. ಹೀಗಾಗಿ ಕೆಜಿಎಫ್ 2 ನ ಅಧೀರನ ಪಾತ್ರದ ಪ್ರೋಮೊ ಅಥವಾ ಟೀಸರ್ ಬಿಡುಗಡೆ ಮಾಡಲಿದೆ ಎನ್ನಲಾಗ್ತಿದೆ. ಸದ್ಯ ಕೆಜಿಎಫ್ 2ನಲ್ಲಿ ಅತಿ ಭಯಂಕರ ಅಧೀರ ಹಾಗೂ ರಾಖಿ ಭಾಯ್ ಮುಖಾಮುಖಿಯಾಗಲಿದ್ದು, ಸಿನಿಮಾ ಬಗ್ಗೆ ಕಾತರತೆ ದಿನದಿಂದ ದಿನಕ್ಕೆ ಹೆಚ್ಚಾಗ್ತಲೇ ಇದೆ.. ಎಲ್ಲಾ ಸರಿ ಇದ್ದಿದ್ರೆ ಇಷ್ಟೊತ್ತಿಗಾಗ್ಲೇ ಸಿನಿಮಾ ರಿಲೀಸ್ ಆಗಿ ಧೂಳೆಬ್ಬಿಸಬೇಕಾಗಿತ್ತು.. ಆದ್ರೆ ಕೊರೊನಾ ಅಲೆಯಿಂದಾಗಿ ಮತ್ತೆ ಸಿನಿಮಾ ರಿಲೀಸ್ ದಿನಾಂಕ ಮುಂದೂಡಿಕೆಯಾಗಿದೆ.. ಆದ್ರೆ ನಿಖರವಾಗಿ ಯಾವಾಗ ರಿಲೀಸ್ ಆಗುತ್ತೆ ಅನ್ನೋದನ್ನ ಮುಂದಿನ ದಿನಗಳಲ್ಲಿ ಸಿನಿಮಾ ಮಾಹಿತಿ ನೀಡಲಿದೆ.. ಪ್ರಶಾಂತ್ ನೀಲ್ ಸಾರಥ್ಯದ ರಾಕಿಂಗ್ ಸ್ಟಾರ್ ಯಶ್ ಅಭಿನಯದ ಕೆಜಿಎಫ್ ಸಿನಿಮಾ ಕೇವಲ ಭಾರತ ಅಷ್ಟೇ ಅಲ್ಲ ನೆರೆ ರಾಷ್ಟ್ರಗಳಲ್ಲೂ ಸಾಕಷ್ಟು ಸೌಂಡ್ ಮಾಡಿತ್ತು. ಇನ್ನೂ ಮುಂದೆ ಅಬ್ಬರಿಸುವ ಸರದಿ ಕೆಜಿಎಫ್ ಚಾಪ್ಟರ್ 2 ನದ್ದು.
