ಎಟಿಎಂ ಕಾರ್ಡ್ ನೀಡಲು ಪತ್ನಿಯ ನಿರಾಕರಣೆ – ಪತ್ನಿಯನ್ನು ಥಳಿಸಿದ ಪತಿ woman thrashed by husband
ಪಂಜಾಬ್, ನವೆಂಬರ್09: ಮಹಿಳೆಯೊಬ್ಬಳು ತನ್ನ ಎಟಿಎಂ ಕಾರ್ಡ್ ಅನ್ನು ಪತಿಗೆ ನೀಡಲು ನಿರಾಕರಿಸಿದ ಕಾರಣಕ್ಕೆ ಪತಿ ಮತ್ತು ಇತರ ಮೂವರು ಆಕೆಯನ್ನು ಥಳಿಸಿದ ಘಟನೆಯೊಂದು ಪಂಜಾಬ್ ನಿಂದ ವರದಿಯಾಗಿದೆ. ಪಂಜಾಬ್‌ನಲ್ಲಿ ಪೊಲೀಸ್ ಅಧಿಕಾರಿಯಾಗಿ ಕೆಲಸ ಮಾಡುತ್ತಿರುವ ಮಹಿಳೆಯನ್ನು ಸದರ್ ನಾಭಾ ನಿಲ್ದಾಣದ ವ್ಯಾಪ್ತಿಯಲ್ಲಿ ಆರೋಪಿಗಳು ಕ್ರೂರವಾಗಿ ಥಳಿಸಿದ್ದಾರೆ. woman thrashed by husband
Related posts
ಮಹಿಳೆಯ ಪತಿಯನ್ನು ದಿಲ್ಬರ್ ಖಾನ್ ಎಂದು ಗುರುತಿಸಲಾಗಿದೆ. ಖಾನ್ ಪಟಿಯಾಲದ ಖಾಸಗಿ ಕಾರ್ಖಾನೆಯಲ್ಲಿ ಕೆಲಸ ಮಾಡುತ್ತಾನೆ. ಖಾನ್ ಮತ್ತು ಆತನ ಪತ್ನಿ ಮದುವೆಯಾಗಿ ಎಂಟು ವರ್ಷಗಳಾಗಿವೆ. ಪ್ರಕರಣ ಬೆಳಕಿಗೆ ಬಂದ ನಂತರ ಆತ ಮತ್ತು ಆತನ ಸಹಚರರ ಮೇಲೆ ಪ್ರಕರಣ ದಾಖಲಾಗಿದೆ.
ಶುಕ್ರವಾರ, ಖಾನ್ ತನ್ನ ಪತ್ನಿಯ ಬಳಿ ಹಣವನ್ನು ಖರ್ಚು ಮಾಡಲು ಎಟಿಎಂ ಕಾರ್ಡ್ ನೀಡುವಂತೆ ಹೇಳಿದ್ದಾನೆ.
ಶೌಚಾಲಯದ ನೀರನ್ನು ಬಳಸಿ ಪಾನಿಪೂರಿ ತಯಾರಿಸುತ್ತಿದ್ದ ವ್ಯಕ್ತಿಯ ಬಂಧನ
ಆದರೆ ಅನಾವಶ್ಯಕ ವೆಚ್ಚಗಳನ್ನು ಭರಿಸಲು ನಿರಾಕರಿಸಿದ ಮಹಿಳೆ ಎಟಿಎಂ ಕಾರ್ಡ್ ಅನ್ನು ಹಸ್ತಾಂತರಿಸಲಿಲ್ಲ. ನಂತರ ಪೋಲೀಸ್ ಅಧಿಕಾರಿ ಮತ್ತು ಅವಳ ಪತಿಯ ನಡುವೆ ವಾಗ್ವಾದ ನಡೆದಿದೆ.
ವಾದವು ಉಲ್ಬಣಗೊಂಡಾಗ, ಆಕೆಯ ಪತಿಯು ಮಹಿಳೆಯ ಮೇಲೆ ಹಲ್ಲೆ ಮಾಡಿದನೆಂದು ವರದಿ ತಿಳಿಸಿದೆ. ಆರೋಪಿ ತನ್ನ ಸಹೋದರ ಮತ್ತು ಇತರ ಇಬ್ಬರು ಸಂಬಂಧಿಕರ ಜೊತೆಗೂಡಿ ಮಹಿಳೆಯನ್ನು ಮರದ ತುಂಡುಗಳಿಂದ ಹೊಡೆದು ಆಕೆಯ ತಲೆಗೆ ಹೊಡೆದಿದ್ದಾರೆ. ತಲೆಗೆ ಪೆಟ್ಟಾಗಿರುವ ಮಹಿಳೆಯನ್ನು ಸರ್ಕಾರಿ ಆಸ್ಪತ್ರೆಗೆ ಸಾಗಿಸಲಾಗಿದ್ದು, ಅಲ್ಲಿ ಆಕೆಗೆ ಚಿಕಿತ್ಸೆ ನೀಡಲಾಗುತ್ತಿದೆ.
ಪ್ರಕರಣಕ್ಕೆ ಸಂಬಂಧಿಸಿದಂತೆ ಪೊಲೀಸರು ಪ್ರಕರಣ ದಾಖಲಿಸಿದರೂ ಆರೋಪಿಗಳನ್ನು ಇನ್ನೂ ಬಂಧಿಸಿಲ್ಲ. ಪೊಲೀಸರ ಪ್ರಕಾರ, ಮಹಿಳೆ ಅಪಾಯದಿಂದ ಪಾರಾಗಿದ್ದು, ನಾಲ್ವರು ಆರೋಪಿಗಳನ್ನು ಬಂಧಿಸಲು ಪೊಲೀಸರು ಹುಡುಕಾಟ ನಡೆಸುತ್ತಿದ್ದಾರೆ.
Our Website : https://saakshatv.com/
Subscribe Now on YouTube
Like us on Facebook
Follow us on Twitter
Follow us on Instagram
Subscribe to our Telegram Channel
ಟ್ವಿಟರ್ ಮೂಲಕ ನಮ್ಮ ಸುದ್ದಿಗಳ ಅಪ್ ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ
