Agriculture : ನರೇಂದ್ರ ಸಿಂಗ್ ತೋಮರ್, ಮೆಲಿಂಡಾ ಗೇಟ್ಸ್ ಭೇಟಿ; ‘ಕೃಷಿ ಹೂಡಿಕೆ ಪೋರ್ಟಲ್’ ಬಿಡುಗಡೆ…
ಬಿಲ್ ಮತ್ತು ಮೆಲಿಂದಾ ಗೇಟ್ಸ್ ಫೌಂಡೇಶನ್‌ನ ಸಹ-ಅಧ್ಯಕ್ಷರಾದ ಮೆಲಿಂದಾ ಫ್ರೆಂಚ್ ಗೇಟ್ಸ್ ಅವರು ಇಂದು ನವದೆಹಲಿಯಲ್ಲಿ ಕೇಂದ್ರ ಕೃಷಿ ಮತ್ತು ರೈತರ ಕಲ್ಯಾಣ ಸಚಿವ ನರೇಂದ್ರ ಸಿಂಗ್ ತೋಮರ್ ಅವರನ್ನು ಭೇಟಿ ಮಾಡಿ ಸಭೆ ನಡೆಸಿದರು.
ಸಭೆಯಲ್ಲಿ ಕೃಷಿ ಮತ್ತು ರೈತರ ಕಲ್ಯಾಣ ಸಚಿವಾಲಯದ ಸಮಗ್ರ “ಕೃಷಿ ಹೂಡಿಕೆ ಪೋರ್ಟಲ್” (Agriculture Investment Portal) ಅನ್ನು ತೋಮರ್ ಉದ್ಘಾಟಿಸಿದರು.
ನಂತರ ಮಾತನಾಡಿದ ಕೇಂದ್ರ ಸಚಿವ ತೋಮರ್, ಪ್ರಧಾನಿ ನರೇಂದ್ರ ಮೋದಿ ನೇತೃತ್ವದ ಸರ್ಕಾರ ಮಹಿಳಾ ರೈತರ ಮೇಲೆ ಸಂಪೂರ್ಣ ಗಮನ ಹರಿಸುತ್ತಿದೆ. ಕೃಷಿ ಕ್ಷೇತ್ರದಲ್ಲಿನ ಹಲವಾರು ಸವಾಲುಗಳನ್ನು ಎದುರಿಸಲು ಪ್ರಧಾನಿ ಮೋದಿಯವರ ನಿರ್ದೇಶನದ ಅಡಿಯಲ್ಲಿ ಭಾರತ ಸರ್ಕಾರವು ನಿರಂತರವಾಗಿ ಪರಿಣಾಮಕಾರಿಯಾಗಿ ಕಾರ್ಯನಿರ್ವಹಿಸುತ್ತಿದೆ ಎಂದು ಸಭೆಯಲ್ಲಿ ಹೇಳಿದರು.
“ದೇಶದಲ್ಲಿ ಹಿಂದೆಂದಿಗಿಂತಲೂ ಹೆಚ್ಚು ಸಣ್ಣ ರೈತರಿದ್ದಾರೆ ಅವರ ಸಂಖ್ಯೆ ಹೆಚ್ಚಾದರೆ ಕೃಷಿ ಉದ್ಯಮ ಅಭಿವೃದ್ಧಿ ಹೊಂದುತ್ತದೆ ಮತ್ತು ಉತ್ಪಾದನೆ ಹೆಚ್ಚಾಗುತ್ತದೆ ಎಂದು ಭಾವಿಸುವ ಕಾರಣ ಸರ್ಕಾರ ಈ ದಿಕ್ಕಿನಲ್ಲಿ ಪ್ರಯತ್ನಗಳನ್ನು ಮಾಡುತ್ತಿದೆ. ಭಾರತದ ಕೃಷಿ ಕ್ಷೇತ್ರದಲ್ಲಿ ಸಾಂಪ್ರದಾಯಿಕ ಕೃಷಿ ಪದ್ಧತಿಗಳು ರೂಢಿಯಲ್ಲಿತ್ತು, ಆದರೆ ದೇಶಕ್ಕೆ ಈಗ ಹೂಡಿಕೆಯ ಅಗತ್ಯವಿದೆ ಎಂದು ಹೇಳಿದ್ದಾರೆ.
ಭಾರತದ ವಿವಿಧ ಕ್ಷೇತ್ರಗಳಲ್ಲಿ ಗೇಟ್ಸ್ ಫೌಂಡೇಶನ್ ಮಾಡುತ್ತಿರುವ ಕಾರ್ಯವನ್ನು ಶ್ಲಾಘಿಸಿದ ತೋಮರ್, ದೇಶದ ಕೃಷಿ ಕ್ಷೇತ್ರದಲ್ಲಿ ಫೌಂಡೇಶನ್‌ನ ಕಾರ್ಯವು ಸಕಾರಾತ್ಮಕ ಕಲಿಕೆಯ ಅನುಭವವಾಗಲಿ ಎಂದು ಹಾರೈಸಿದರು. ಮೆಲಿಂಡಾ ಗೇಟ್ಸ್ ಅವರು ಕೃಷಿ ಸಚಿವಾಲಯದೊಂದಿಗೆ ಸಹಕರಿಸಲು ಸಂತೋಷಪಡುವುದಾಗಿ ಘೋಷಿಸಿದರು. ಸಾಧ್ಯವಾದಷ್ಟು ಮಹಿಳಾ ರೈತರು ಭಾಗವಹಿಸಬೇಕೆಂದು ಅವರು ಬಯಸುತ್ತಾರೆ. ಫೌಂಡೇಶನ್ ಹಲವಾರು ರಾಷ್ಟ್ರಗಳಲ್ಲಿ ಕೆಲಸ ಮಾಡುತ್ತದೆ ಮತ್ತು ಅಲ್ಲಿ ಸಕಾರಾತ್ಮಕ ಅನುಭವಗಳನ್ನು ಹೊಂದಿದೆ ಎಂದು ಅವರು ಹೇಳಿದ್ದಾರೆ.
Agriculture : Narendra Singh Tomar, Melinda Gates meet; Launch of ‘Agriculture Investment Portal’…
