AK-47 ಹಿಡಿದ 79ರ ವಯೋವೃದ್ಧೆ Saaksha Tv
ಉಕ್ರೇನ್: ಉಕ್ರೇನ್ ನಲ್ಲಿ ವಯೋವೃದ್ಧೆಯೊಬ್ಬಳು ಕೈಯಲ್ಲಿ ಎಕೆ-47 ಹಿಡಿದು ಯುದ್ಧದ ತಾಲೀಮು ನಡೆಸುತ್ತಿರುವ ಚಿತ್ರವು ಅಂತರ್ಜಾಲದಲ್ಲಿ ವೈರಲ್ ಆಗಿದೆ.
ರಷ್ಯಾವು ಉಕ್ರೇನ್ ಗಡಿಯಲ್ಲಿ ತನ್ನ ಸಾವಿರಾರು ಸೈನಿಕ ಪಡೆಯನ್ನು ನಿಯೋಜಿಸಿರುವ ಬೆನ್ನಲ್ಲೇ, ರಷ್ಯಾದ ಸಂಭವನೀಯ ಆಕ್ರಮಣವನ್ನು ಎದುರಿಸಲು ಉಕ್ರೇನ್ ಸರ್ಕಾರಕ್ಕೆ ನಾಗರಿಕರೂ ಕೈಜೋಡಿಸಿದ್ದಾರೆ. ಈ ಹಿನ್ನಲೆಯಲ್ಲಿ 79 ವರ್ಷದ ವಯೋವೃದ್ಧೆ ವ್ಯಾಲೆಂಟೈನಾ ಕಾಂಸ್ಟಾಂಟಿನೋವಸ್ಕ್ ಎಕೆ-47 ರೈಫಲ್ (AK-47) ಹಿಡಿದು ತಾಲೀಮು ನಡೆಸುತ್ತಿರುವ ಚಿತ್ರ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಈ ಚಿತ್ರವು ಉಕ್ರೇನ್ನಲ್ಲಿ ನಡೆಯುತ್ತಿರುವ ನಾಗರಿಕ ಯುದ್ಧ ತರಬೇತಿಯಲ್ಲಿ ಈ ವಯೋವೃದ್ಧೆಯು ಎಕೆ-47 ರೈಫಲ್ (AK-47) ಹಿಡಿದು ತಾಲೀಮು ನಡೆಸುತ್ತಿರುವುದನ್ನು ಪ್ರದರ್ಶಿಸಿದೆ. ಖಾಸಗಿ ಸುದ್ದಿ ಸಂಸ್ಥೆಯ ವರದಿ ಪ್ರಕಾರ, ಪೂರ್ವ ಉಕ್ರೇನ್ನ ಮರಿಯುಪೋಲ್ನಲ್ಲಿ ವ್ಯಾಲೆಂಟಿನಾಗೆ ದಾಳಿಗೆ ಬಳಸುವ ರೈಫಲ್ ತಾಲೀಮನ್ನು ನ್ಯಾಷನಲ್ ಗಾರ್ಡ್ ನೀಡಿದೆ. ಈ ತರಬೇತಿಯ ಡ್ರಿಲ್ನ ಭಾಗವಾಗಿದ್ದು, ಸಂಭಾವ್ಯ ರಷ್ಯಾ ಆಕ್ರಮಣವನ್ನು ಎದುರಿಸಲು ವಯೋವೃದ್ಧರು ಮತ್ತು ಮಕ್ಕಳು ಸೇರಿದಂತೆ ಉಕ್ರೇನ್ ನಾಗರಿಕರಿಗೆ ತರಬೇತಿ ನೀಡಲಾಗಿದೆ ಎಂದು ವರದಿ ಮಾಡಿದೆ.
ಸ್ಥಳೀಯ ಸುದ್ದಿ ಸಂಸ್ಥೆಯೊಂದಿಗೆ ಮಾತನಾಡಿರುವ ಈ ವಯೋವೃದ್ಧೆ, ಏನಾದರೂ ಅವಘಡ ಸಂಭವಿಸಿದರೆ ತಾನು ಗುಂಡು ಹಾರಿಸಲು ಹಿಂದೆ ಮುಂದೆ ನೋಡುವುದಿಲ್ಲ ಎಂದು ಹೇಳಿದ್ದಾಳೆ. ನಾನು ನನ್ನ ಮನೆ, ನಗರ ಮತ್ತು ಮಕ್ಕಳನ್ನು ರಕ್ಷಿಸಿಕೊಳ್ಳಲು ಕಟಿಬದ್ಧವಾಗಿದ್ದೇನೆ ಎಂದೂ ಆಕೆ ದೃಢವಾಗಿ ಹೇಳಿದ್ದಾಳೆ.
