ಒಂದೂ ರೂಪಾಯಿ ದುಡ್ಡು ಬೇಡ ಅವಕಾಶ ಕೊಡಿ ಪ್ಲೀಸ್ – ಚಾನ್ಸ್ ಗಾಗಿ ನಿರ್ದೇಶಕನ ಬಳಿ ಬೇಡಿಕೊಂಡ ಆಲಿಯಾ..!
ಬಾಲಿವುಡ್ ನಲ್ಲಿ ಸಾಲು ಸಾಲು ಸಿನಿಮಾಗಳಲ್ಲಿ ಬ್ಯುಸಿಯಾಗಿರುವ ಆಲಿಯಾ ಸದ್ಯ ಸ್ಟಾರ್ ನಿರ್ದೇಶಕ ರಾಜಮೌಳಿ ನಿರ್ದೇಶನದ ರಾಮ್ ಚರಣ್ , ಜ್ಯೂ. NTR ನಟನೆಯ RRR ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ.. ಇದರ ಜೊತೆಗೆ ಇನ್ನೂ ಹಲವಾರು ಪ್ರಾಜೆಕ್ಟ್ ಗಳು ಕೈಲಿವೆ.. ಅವರ ನಟನೆಯ ಗಂಗೂ ಬಾಯಿ ಕಾತಿಯಾವಾಡಿ ಸಿನಿಮಾ ರಿಲೀಸ್ ಗೆ ರೆಡಿಯಾಗಿದೆ..
ಹೀಗಿದ್ರೂ ಸಿನಿಮಾದ ಆಫರ್ ಗಳಿಗೆ ಬರ ಬಂದವರಂತೆ ಆಲಿಯಾ ಭಟ್ ಸ್ಟಾರ್ ನಿರ್ದೇಶಕರೊಬ್ಬರ ಬಳಿ ಚಾನ್ಸ್ ಗಾಗಿ ಅಂಗಲಾಚಿದ್ದಾರೆ.. ಒಂದೇ ಒಂದು ರೂಪಾಯಿ ದುಡ್ಡು ಬೇಡ ಚಾನ್ಸ್ ಕೊಡಿ ಸಾಕು ಅಂತ ಆಲಿಯಾ ಗೋಗರೆದಿದ್ದಾರೆ.. ಅಂದ್ಹಾಗೆ ಆ ಡೈರೆಕ್ಟರ್ ಬೇರೆ ಯಾರೂ ಅಲ್ಲಾ ಭಾರತೀಯ ಸಿನಿಮಾರಂಗದ ಸ್ಟಾರ್ ನಿರ್ದೇಶಕ ಸಂಜಯ್ ಲೀಲಾ ಬನ್ಸಾಲಿ.
‘ಹೀರಾ ಮಂಡಿ’ ಹೆಸರಿನ ವೆಬ್ ಸೀರಿಸ್ ಡೈರೆಕ್ಷನ್ ಮಾಡೋಕೆ ಸಂಜಯ್ ಲೀಲಾ ಬನ್ಸಾಲಿ ರೆಡಿ ಆಗಿದ್ದಾರೆ. ಇದು ನೆಟ್ಫ್ಲಿಕ್ಸ್ನಲ್ಲಿ ಬಿಡುಗಡೆ ಆಗಲಿದೆ. ಇದು ಬನ್ಸಾಲಿ ಪಾಲಿಗೆ ವಿಶೇಷ ಪ್ರಾಜೆಕ್ಟ್ ಆಗಿದೆ. ಏಕೆಂದರೆ ಅವರಿಗೆ ಇದು ಮೊದಲ ಒಟಿಟಿ ಪ್ರಾಜೆಕ್ಟ್. ಈ ವೆಬ್ ಸೀರಿಸ್ ಅನ್ನು ನೆಟ್ಫ್ಲಿಕ್ಸ್ ನಿರ್ಮಾಣ ಮಾಡುತ್ತಿದೆ. ಹೀರಾ ಮಂಡಿ ಕಥೆ ಸ್ವಾತಂತ್ರ್ಯ ಪೂರ್ವದ ಹಿನ್ನೆಲೆಯಲ್ಲಿ ಸಾಗಲಿದೆ. ಇಡೀ ಕಥೆ ನಡೆಯುವುದು ಲಾಹೋರ್ ನಲ್ಲಿ. ಐಶ್ವರ್ಯಾ ರೈ, ಮಾಧುರಿ ದೀಕ್ಷಿತ್, ದೀಪಿಕಾ ಪಡುಕೋಣೆ, ಪರಿಣೀತಿ ಚೋಪ್ರಾ, ವಿದ್ಯಾ ಬಾಲನ್ ಮೊದಲಾದವರನ್ನು ಪಾತ್ರವರ್ಗಕ್ಕೆ ಸೇರಿಸಬೇಕು ಎಂಬುದು ಬನ್ಸಾಲಿ ಆಲೋಚನೆ.
ಆದ್ರೆ ಆಲಿಯಾ ಭಟ್ ಕೂಡ ಈ ವೆಬ್ ಸೀರಿಸ್ನಲ್ಲಿ ನಟಿಸುವ ಇಚ್ಛೆ ವ್ಯಕ್ತಪಡಿಸಿದ್ದಾರೆ. ಆಲಿಯಾ ಭಟ್ ಹಾಗೂ ಬನ್ಸಾಲಿ ಕಾಂಬಿನೇಷನ್ನಲ್ಲಿ ‘ಗಂಗೂಬಾಯಿ ಕಾಠಿಯಾವಾಡಿ’ ಸಿನಿಮಾ ಮೂಡಿ ಬರುತ್ತಿದೆ. ಈಗಾಗಲೇ ಸಿನಿಮಾ ಕೆಲಸಗಳು ಪೂರ್ಣಗೊಂಡಿದ್ದು, ರಿಲೀಸ್ಗೆ ರೆಡಿ ಇದೆ. ಈ ಚಿತ್ರದ ಕೆಲಸದ ಸಂದರ್ಭದಲ್ಲಿ ಆಲಿಯಾ ಅವರು ಬನ್ಸಾಲಿ ಅವರ ವೆಬ್ ಸೀರಿಸ್ನಲ್ಲಿ ನಟಿಸುವ ಇಂಗಿತ ವ್ಯಕ್ತಪಡಿಸಿದ್ದರು. ಅಲ್ಲದೆ, ಯಾವುದೇ ಪಾತ್ರ ಕೊಟ್ಟರೂ ನಟಿಸುತ್ತೇನೆ. ಅದಕ್ಕೆ ನನಗೆ ಸಂಭಾವನೆಯೂ ಬೇಡ ಎಂಬುದಾಗಿ ಆಲಿಯಾ ಹೇಳಿದ್ದರು ಎನ್ನಲಾಗಿದೆ.
ಡಿ ಬಾಸ್ ದರ್ಶನ್ : 24 ವರ್ಷಗಳ ಬಾಸಿಸಂ
ಆದರೆ, ಆಲಿಯಾ ಮನವಿಯನ್ನು ಬನ್ಸಾಲಿ ತಿರಸ್ಕರಿಸಿದ್ದಾರೆ. ವೆಬ್ ಸೀರಿಸ್ನಲ್ಲಿ ನಟಿಸೋಕೆ ಅವಕಾಶ ನೀಡುವ ಭರವಸೆ ಜತೆಗೆ ಸಂಭಾವನೆ ತೆಗೆದುಕೊಳ್ಳಲೇಬೇಕು ಎನ್ನುವ ಷರತ್ತು ಹಾಕಿದ್ದಾರೆ. ಹೀರಾ ಮಂಡಿಯ ಸಂಪೂರ್ಣ ನಿರ್ಮಾಣ ಜವಾಬ್ದಾರಿ ನೆಟ್ಫ್ಲಿಕ್ಸ್ ತೆಗೆದುಕೊಂಡಿದೆ. ಹೀಗಾಗಿ, ಎಲ್ಲಾ ಕಲಾವಿದರಿಗೆ ಅವರೇ ಸಂಭಾವನೆ ನೀಡಲಿದ್ದಾರೆ. ಹೀರಾ ಮಂಡಿ 7 ಎಪಿಸೋಡ್ಗಳಲ್ಲಿ ಮೂಡಿ ಬರುತ್ತಿದೆ. ಮೊದಲ ಎಪಿಸೋಡ್ಗೆ ಮಾತ್ರ ಬನ್ಸಾಲಿ ನಿರ್ದೇಶನ ಇರಲಿದೆ. ಉಳಿದ ಆರು ಎಪಿಸೋಡ್ಗೆ ವಿಭು ಪುರಿ ನಿರ್ದೇಶನ ಮಾಡಲಿದ್ದಾರೆ.
