Asia Cup 2022 : ಏಷ್ಯಾಕಪ್ ನಲ್ಲಿ ರವೀಂದ್ರ ಜಡೇಜಾ ದಾಖಲೆ
ಟೀಂ ಇಂಡಿಯಾದ ಸ್ಟಾರ್ ಆಲ್ ರೌಂಡರ್ ರವೀಂದ್ರ ಜಡೇಜಾ ಏಷ್ಯಾಕಪ್ ಟೂರ್ನಿಯ ಇತಿಹಾಸದಲ್ಲಿ ಹೊಸ ಇತಿಹಾಸ ನಿರ್ಮಿಸಿದ್ದಾರೆ.
ಈ ಮೆಗಾ ಇವೆಂಟ್ನಲ್ಲಿ ಭಾರತದ ಪರ ಅತಿ ಹೆಚ್ಚು ವಿಕೆಟ್ ಪಡೆದ ಬೌಲರ್ ಎನಿಸಿಕೊಂಡಿದ್ದಾರೆ.
ಏಷ್ಯಾ ಕಪ್-2022ರ ಅಂಗವಾಗಿ ಬುಧವಾರ (ಆಗಸ್ಟ್ 31) ನಡೆದ ಹಾಂಗ್ ಕಾಂಗ್ ವಿರುದ್ಧದ ಪಂದ್ಯದಲ್ಲಿ ಬಾಬರ್ ಹಯಾತ್ ವಿಕೆಟ್ ಪಡೆಯುವ ಮೂಲಕ ಜಡ್ಡು ಈ ಸಾಧನೆ ಮಾಡಿದರು.
ಈ ಅನುಕ್ರಮದಲ್ಲಿ ಜಡ್ಡು ಭಾರತದ ಮಾಜಿ ವೇಗಿ ಇರ್ಫಾನ್ ದಾಖಲೆಯನ್ನು ಮುರಿದರು.
ಜಡೇಜಾ ಈ ಪ್ರತಿಷ್ಠಿತ ಟೂರ್ನಿಯಲ್ಲಿ ಇದುವರೆಗೆ ಒಟ್ಟು 23 ವಿಕೆಟ್ ಪಡೆದಿದ್ದಾರೆ.
2010 ರಿಂದ ಏಷ್ಯಾಕಪ್ ಟೂರ್ನಿಯಲ್ಲಿ ಆಡುತ್ತಿರುವ ಆಲ್ ರೌಂಡರ್, ಈ ಸಾಧನೆ ಮಾಡುವ ಮೂಲಕ ಲೆಜೆಂಡರಿ ಬೌಲರ್ ಮುತ್ತಯ್ಯ ಮುರಳೀಧರನ್, ಲಸಿತ್ ಮಾಲಿಂಗ, ಅಜಂತಾ ಮೆಂಡಿಸ್ ಮತ್ತು ಸಯೀದ್ ಅಜ್ಮಲ್ ಸಾಲಿಗೆ ಸೇರಿದ್ದಾರೆ.
ಹಾಂಕಾಂಗ್ ವಿರುದ್ಧದ ಪಂದ್ಯದಲ್ಲಿ ಜಡೇಜಾ 4 ಓವರ್ಗಳ ಬೌಲಿಂಗ್ ಕೋಟಾ ಪೂರ್ಣಗೊಳಿಸಿ ಕೇವಲ 15 ರನ್ ನೀಡಿ ಒಂದು ವಿಕೆಟ್ ಪಡೆದರು.
ಇದಕ್ಕೂ ಮುನ್ನ ಪಾಕಿಸ್ತಾನ ವಿರುದ್ಧದ ಆರಂಭಿಕ ಪಂದ್ಯದಲ್ಲಿ 2 ಓವರ್ಗಳಲ್ಲಿ 11 ರನ್ಗಳನ್ನು ನೀಡಿದ್ದರು.
2010 ರಿಂದ 2022 ರಲ್ಲಿ ಹಾಂಕಾಂಗ್ ವಿರುದ್ಧದ ಪಂದ್ಯದವರೆಗೆ ಏಷ್ಯಾ ಕಪ್ ಟೂರ್ನಿಯಲ್ಲಿ ರವೀಂದ್ರ ಜಡೇಜಾ ಅವರ ವಿಕೆಟ್:
►2010- ನಾಲ್ಕು ವಿಕೆಟ್ಗಳು
►2012- ಒಂದು ವಿಕೆಟ್
►2014- ಏಳು ವಿಕೆಟ್ಗಳು
►2016- ಮೂರು ವಿಕೆಟ್ಗಳು
►2018- ಏಳು ವಿಕೆಟ್ಗಳು
►2022 ರ ಹಾಂಗ್ ಕಾಂಗ್ ವಿರುದ್ಧದ ಪಂದ್ಯ – ಒಂದು
ಏಷ್ಯಾ ಕಪ್ ಇತಿಹಾಸದಲ್ಲಿ ಅತಿ ಹೆಚ್ಚು ವಿಕೆಟ್ ಪಡೆದವರು
- ಮುರಳೀಧರನ್ (ಶ್ರೀಲಂಕಾ)- 30
- ಲಸಿತ್ ಮಾಲಿಂಗ (ಶ್ರೀಲಂಕಾ)- 29
- ಅಜಂತಾ ಮೆಂಡಿಸ್ (ಶ್ರೀಲಂಕಾ)- 26
- ಸಯೀದ್ ಅಜ್ಮಲ್ (ಪಾಕಿಸ್ತಾನ)- 25
- ರವೀಂದ್ರ ಜಡೇಜಾ (ಭಾರತ)- 23
