UP Election – ಉತ್ತರ ಪ್ರದೇಶದ ಮತ ಎಣಿಕೆಗೆ ಸಿದ್ಧವಾದ ವೇದಿಕೆ…
ಉತ್ತರ ಪ್ರದೇಶದ ಮಹತ್ವದ ಚುನಾವಣೆಯ ಮತ ಎಣಿಕೆ ಗುರುವಾರ ನಡೆಯಲಿದ್ದು, ಇದರ ಫಲಿತಾಂಶ ಬಿಜೆಪಿ ಸತತ ಎರಡನೇ ಅವಧಿಗೆ ಅಧಿಕಾರಕ್ಕೆ ಬರಲಿದೆಯೇ ಎಂಬುದನ್ನು ನಿರ್ಧರಿಸಲಿದೆ.
“ರಾಜ್ಯದ ಎಲ್ಲಾ 75 ಜಿಲ್ಲೆಗಳಲ್ಲಿ ಬೆಳಗ್ಗೆ 8 ಗಂಟೆಗೆ ಎಣಿಕೆ ಆರಂಭವಾಗಲಿದ್ದು, ಮೊದಲು ಅಂಚೆ ಮತಪತ್ರಗಳನ್ನು ಎಣಿಕೆ ಮಾಡಲಾಗುವುದು, ನಂತರ ಇವಿಎಂಗಳಲ್ಲಿ ಚಲಾವಣೆಯಾದ ಮತಗಳನ್ನು ಎಣಿಕೆ ಮಾಡಲಾಗುತ್ತದೆ” ಎಂದು ಹಿರಿಯ ಚುನಾವಣಾ ಅಧಿಕಾರಿಯೊಬ್ಬರು ಪಿಟಿಐಗೆ ತಿಳಿಸಿದ್ದಾರೆ.
ಬಹುತೇಕ ಎಲ್ಲಾ ಎಕ್ಸಿಟ್ ಪೋಲ್ಗಳು ಬಿಜೆಪಿ ಮತ್ತೆ ಅಧಿಕಾರಕ್ಕೆ ಬರಲಿದೆ ಎಂದು ಭವಿಷ್ಯ ನುಡಿದಿವೆ. ಸಮಾಜವಾದಿ ಪಕ್ಷದ ಸಂಖ್ಯಾಬಲ ಹೆಚ್ಚಾಗಬಹುದು ಆದರೆ ಸರ್ಕಾರ ರಚಿಸಲು ಸಾಕಾಗುವುದಿಲ್ಲ ಎಂದು ಎಕ್ಸಿಟ್ ಪೋಲ್ ಮುನ್ಸೂಚನೆ ನೀಡಿವೆ.
ಎಕ್ಸಿಟ್ ಪೋಲ್ಗಳು ಬಿಎಸ್ಪಿಗೆ ಎರಡಂಕಿ ಮತ್ತು ಕಾಂಗ್ರೆಸ್ಗೆ ಒಂದೇ ಅಂಕೆಗಳ ಸ್ಥಾನ ಗೆಲ್ಲುವ ಬಗ್ಗೆ ಭವಿಷ್ಯ ನುಡಿದಿವೆ. ಎಸ್ಪಿ ಮತ್ತು ಬಿಎಸ್ಪಿ ಎರಡೂ ಪಕ್ಷಗಳು ಎಕ್ಸಿಟ್ ಪೋಲ್ಗಳನ್ನು ತಳ್ಳಿಹಾಕಿವೆ, ಚುನಾವಣೆಯಲ್ಲಿ ಆರಾಮವಾಗಿ ಗೆದ್ದು 403 ಸದಸ್ಯರ ವಿಧಾನಸಭೆಯನ್ನು ಹೊಂದಿರುವ ರಾಜ್ಯದಲ್ಲಿ ತಮ್ಮ ಸರ್ಕಾರವನ್ನು ರಚಿಸುತ್ತೇವೆ ಎಂದು ಹೇಳಿಕೊಂಡಿವೆ.
ಬಿಜೆಪಿ ಅಧಿಕಾರಕ್ಕೆ ಬಂದರೆ, ಮೂರು ದಶಕಗಳಲ್ಲಿ ಎರಡನೇ ಅವಧಿಗೆ ಪಕ್ಷವೊಂದು ಮರು ಆಯ್ಕೆಯಾಗಿರುವುದು ಉತ್ತರ ಪ್ರದೇಶದಲ್ಲಿ ದಾಖಲೆಯಾಗಿದೆ.
2017 ರಲ್ಲಿ, ಬಿಜೆಪಿ ತನ್ನದೇ ಆದ 312 ಸ್ಥಾನಗಳನ್ನು ಗೆದ್ದಿದ್ದರೆ ಎನ್ಡಿಎ ಅಲೆಯನ್ಸ್ ಜೊತೆ 325 ಸೀಟ್ ಗೆದ್ದಿತ್ತು.. ಎಸ್ಪಿ 47, ಬಿಎಸ್ಪಿ 19 ಮತ್ತು ಕಾಂಗ್ರೆಸ್ ಏಳು ಸ್ಥಾನಗಳನ್ನು ಗೆದ್ದಿತ್ತು.
