ಏಕದಿನ ವಿಶ್ವಕಪ್ ಟೂರ್ನಿಯ ಮಹತ್ವದ ಪಂದ್ಯದಲ್ಲಿ ಆಸ್ಟ್ರೇಲಿಯಾ ಹಾಗೂ ಅಫ್ಘಾನಿಸ್ತಾನ ತಂಡಗಳು ಮುಖಾಮುಖಿ ಆಗುತ್ತಿವೆ. ಮುಂಬೈನ ವಾಂಖೆಡೆ ಅಂಗಳದಲ್ಲಿ ನಡೆಯುವ ಈ ಪಂದ್ಯದಲ್ಲಿ ಉಭಯ ತಂಡಗಳ ಚಾಣಾಕ್ಷ ಸ್ಪಿನ್ನರ್ಗಳಾದ ರಶೀದ್ ಖಾನ್ ಮತ್ತು ಆಡಮ್ ಜ್ಹಂಪ ನಡುವಿನ ಮುಖಾಮುಖಿ ಎಲ್ಲರ ಗಮನ ಸೆಳೆದಿದೆ.
ಟೂರ್ನಿಯ ಸೆಮೀಸ್ ರೇಸ್ನಲ್ಲಿರುವ ಉಭಯ ತಂಡಗಳು ಜಿದ್ದಾಜಿದ್ದಿನ ಕಾದಾಟಕ್ಕೆ ಅಣಿಯಾಗಿದ್ದು, ಈ ಪಂದ್ಯದಲ್ಲಿ ಸ್ಟಾರ್ ಸ್ಪಿನ್ನರ್ಗಳು ತಮ್ಮ ಚಾಣಾಕ್ಷ ಕೈಚಳಕದ ಮೂಲಕ ಕಮಾಲ್ ಮಾಡಲು ಸಜ್ಜಾಗಿದ್ದಾರೆ. ಪ್ರಮುಖವಾಗಿ ಅಫ್ಘಾನಿಸ್ತಾನದ ʼಸ್ಪಿನ್ ಕಿಂಗ್ʼ ರಶೀದ್ ಖಾನ್ ಹಾಗೂ ಆಸ್ಟ್ರೇಲಿಯಾದ ಲೆಗ್ ಸ್ಪಿನ್ನರ್ ಆಡಮ್ ಜ್ಹಂಪ ಅವರ ಪ್ರದರ್ಶನದ ಮೇಲೆ ಎಲ್ಲರ ಗಮನ ನೆಟ್ಟಿದೆ.
ಪ್ರಸಕ್ತ ಟೂರ್ನಿಯಲ್ಲಿ ನಿರೀಕ್ಷಿತ ಪ್ರದರ್ಶನ ನೀಡುವಲ್ಲಿ ಯಶಸ್ಸು ಕಾಣದ ರಶೀದ್ ಖಾನ್, ಈವರೆಗೂ ಕೇವಲ 7 ವಿಕೆಟ್ಗಳನ್ನ ಮಾತ್ರವೇ ಪಡೆದಿದ್ದಾರೆ. ಆದರೆ ಪ್ರಸಕ್ತ ವರ್ಷದಲ್ಲಿ ಆಸೀಸ್ ಆಟಗಾರರು ರಶೀದ್ ಸ್ಪಿನ್ ದಾಳಿಯನ್ನ ಎದುರಿಸಿದ ಕಾರಣ ಇಂದಿನ ಮುಖಾಮುಖಿ ಸಾಕಷ್ಟು ಕುತೂಹಲ ಮೂಡಿಸಿದೆ. ರಶೀದ್ ಖಾನ್ ಅವರೊಂದಿಗೆ ಮುಜೀಬ್ ಉರ್ ರಹಮಾನ್ ಹಾಗೂ ಮೊಹಮ್ಮದ್ ನಬಿ ಅವರುಗಳು ಕೂಡ ಚಾಣಾಕ್ಷ ಸ್ಪಿನ್ ಮೂಲಕ ಆಸೀಸ್ ಬ್ಯಾಟರ್ಗಳಿಗೆ ಕಡಿಹಾಣ ಹಾಕುವ ಸಾಮರ್ಥ್ಯ ಹೊಂದಿದ್ದಾರೆ.
ಮತ್ತೊಂದೆಡೆ ಆಸೀಸ್ನ ಲೆಗ್ ಸ್ಪಿನ್ನರ್ ಆಡಂ ಜ್ಹಂಪ ಕೂಡ ಅಫ್ಘಾನ್ ಬ್ಯಾಟರ್ಗಳನ್ನ ಕಟ್ಟಿಹಾಕಲು ಸಜ್ಜಾಗಿದ್ದಾರೆ. ಟೂರ್ನಿಯಲ್ಲಿ ಅದ್ಭುತ ಪ್ರದರ್ಶಣ ನೀಡಿರುವ ಜ್ಹಂಪ, ಈವರೆಗೂ ಆಡಿರುವ 7 ಪಂದ್ಯಗಳಲ್ಲಿ 19 ವಿಕೆಟ್ಗಳನ್ನ ಪಡೆದು ಮಿಂಚಿದ್ದಾರೆ. ಹೀಗಾಗಿ ಇಂದಿನ ಪಂದ್ಯದಲ್ಲೂ ಸಹ ಜ್ಹಂಪ ಅವರ ಪ್ರದರ್ಶನ, ಆಸೀಸ್ ತಂಡಕ್ಕೆ ದೊಡ್ಡ ಅಸ್ತ್ರವಾಗಿದೆ. ಹೀಗಾಗಿ ಇಂದಿನ ಪಂದ್ಯದಲ್ಲಿ ರಶೀದ್ ಖಾನ್ ಮತ್ತು ಆಡಮ್ ಜ್ಹಂಪ ನಡುವಿನ ಮುಖಾಮುಖಿ ಸಾಕಷ್ಟು ಕುತೂಹಲ ಮೂಡಿಸಿದೆ.
AUS v AFG, Australia, Afghanistan, World Cup, ODI Cricket
