Cheteshwar Pujara | ಒಂದೇ ಸೀಸನ್ ನಲ್ಲಿ ಸಾವಿರ ರನ್ ಗಳಿಸಿದ ಪೂಜಾರಾ
ಟೀಂ ಇಂಡಿಯಾ ಟೆಸ್ಟ್ ಸ್ಪೆಷಲಿಸ್ಟ್ ಚೇತೇಶ್ವರ್ ಪೂಜಾರಾ ಕೌಂಟಿಯಲ್ಲಿ ಅಬ್ಬರಿಸಿ ಬೊಬ್ಬಿರಿಯುತ್ತಿದ್ದಾರೆ.
ಸತತ ಡಬಲ್ ಸೆಂಚೂರಿಗಳೊಂದಿಗೆ ಫುಲ್ ಜೋಷ್ ನೊಂದಿಗೆ ಪುಜಾರಾ ಈ ಸೀರಿಸ್ ನಲ್ಲಿ ಸಸೆಕ್ಸ್ ತಂಡದ ಪರ 1000ಕ್ಕೂ ಹೆಚ್ಚು ರನ್ ಗಳಿಸಿದ್ದಾರೆ.
ಈ ಸಿರೀಸ್ ನಲ್ಲಿ ಪೂಜಾರಾ ಸಸೆಕ್ಸ್ ತಂಡದ ಪರ ಎಂಟು ಪಂದ್ಯಗಳನ್ನಾಡಿ 1095 ರನ್ ಗಳನ್ನು ಸಾಧಿಸಿದ್ದಾರೆ. ಇದರಲ್ಲಿ ಐದು ಸೆಂಚೂರಿಗಳಿವೆ, ಅದರಲ್ಲಿ ಮೂರು ಡಬಲ್ ಸೆಂಚೂರಿಗಳಿವೆ.
ಪೂಜಾರ ಈ ಋತುವಿನಲ್ಲಿ ಡರ್ಬಿಶೈರ್, ಡರ್ಹಾಮ್ ಮತ್ತು ಮಿಡ್ಲ್ಸೆಕ್ಸ್ ವಿರುದ್ಧ ದ್ವಿಶತಕಗಳನ್ನು ಗಳಿಸಿದ್ದಾರೆ.
ಈ ಋತುವಿನಲ್ಲಿ, ಗ್ಲಾಮೊರ್ಗಾನ್ ನ ಆಟಗಾರ ಸ್ಯಾಮ್ ನಾರ್ತ್ ಈಸ್ಟ್ 10 ಪಂದ್ಯಗಳಲ್ಲಿ 1127 ರನ್ಗಳೊಂದಿಗೆ ಕೌಂಟಿಗಳಲ್ಲಿ ಅತಿ ಹೆಚ್ಚು ರನ್ ಗಳಿಸಿದವರ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದ್ದಾರೆ.
ಇತ್ತೀಚೆಗೆ ಲೀಸೆಸ್ಟರ್ಶೈರ್ ವಿರುದ್ಧದ ಪಂದ್ಯದಲ್ಲಿ ಅವರು ನಾರ್ತ್ ಈಸ್ಟ್ ಪರ 401* ರನ್ಗಳ ದಾಖಲೆಯ ಇನ್ನಿಂಗ್ಸ್ನೊಂದಿಗೆ ಮಿಂಚಿದರು.
ಸಸೆಕ್ಸ್ ಪರ ಆಡುತ್ತಿರುವ ಪೂಜಾರ 8 ಪಂದ್ಯಗಳಲ್ಲಿ 1095 ರನ್ ಗಳಿಸಿ ಎರಡನೇ ಸ್ಥಾನದಲ್ಲಿದ್ದರೆ, ಡರ್ಬಿಶೈರ್ ಆಟಗಾರ ಶಾನ್ ಮಸೂದ್ 8 ಪಂದ್ಯಗಳಲ್ಲಿ 1074 ರನ್ ಗಳಿಸಿ ಮೂರನೇ ಸ್ಥಾನದಲ್ಲಿದ್ದಾರೆ.
ಪೂಜಾರಾ ವೈಯಕ್ತಿಕ ದಾಖಲೆಯೊಂದಿಗೆ ಮಿಂಚಿದರೂ ಅವರು ಪ್ರತಿನಿಧಿಸಿದ್ದ ಸಸೆಕ್ಸ್ ಸೋಲಿನಿಂದ ಪಾರಾಗಲು ಸಾಧ್ಯವಾಗಲಿಲ್ಲ.
ನಾಟಿಂಗ್ ಹ್ಯಾಮ್ ಶೈರ್ ವಿರುದ್ಧದ ಪಂದ್ಯದಲ್ಲಿ ಸಸೆಕ್ಸ್ 256 ರನ್ ಗಳಿಂದ ಹೀನಾಯ ಸೋಲು ಕಂಡಿದೆ.
