ರೇಣುಕಾಸ್ವಾಮಿ ಹತ್ಯೆ ಪ್ರಕರಣದಲ್ಲಿ ಪರಪ್ಪನ ಅಗ್ರಹಾರ ಸೆರೆಮನೆಗೆ ಕಳುಹಿಸಲ್ಪಟ್ಟಿರುವ ನಟ ದರ್ಶನ್ಗೆ ಕೋರ್ಟ್ನಿಂದ ಒಂದೇ ಸಮಯದಲ್ಲಿ ರಿಲೀಫ್ ಮತ್ತು ಶಾಕ್ ಕೂಡಾ ಬಂದಿದೆ.
ಸದ್ಯ ಜೈಲು ಶಿಫ್ಟ್ ಹಾಗೂ ಬೆಡ್ಶೀಟ್ ಅರ್ಜಿಗಳ ವಿಚಾರವಾಗಿ ತೀರ್ಪಿಗಾಗಿ ಕಾಯುತ್ತಿದ್ದ ದರ್ಶನ್ ಪರವಾಗಿ, ಕೋರ್ಟ್ ಕೆಲವು ಮಟ್ಟಿಗೆ ಅನುಕೂಲಕರ ಆದೇಶ ಹೊರಡಿಸಿದೆ. ಎಸ್ಪಿಪಿ ಸಲ್ಲಿಸಿದ್ದ ಅರ್ಜಿಯಲ್ಲಿ ದರ್ಶನ್ ಅವರನ್ನು ಬಳ್ಳಾರಿ ಜೈಲಿಗೆ ಶಿಫ್ಟ್ ಮಾಡುವಂತೆ ಕೇಳಿಕೊಂಡಿದ್ದನ್ನು ಕೋರ್ಟ್ ವಜಾ ಮಾಡಿದೆ. ಜೊತೆಗೆ, ಜೈಲು ಮ್ಯಾನುವಲ್ ಪ್ರಕಾರ ಆರೋಪಿಗೆ ಅಗತ್ಯವಿರುವ ಬೆಡ್ಶೀಟ್ ಮತ್ತು ದಿಂಬು ನೀಡಬೇಕು ಎಂದು ಸೂಚನೆ ನೀಡಿದೆ.
ಆದರೆ, ದರ್ಶನ್ ಅವರನ್ನು ಬಳ್ಳಾರಿ ಜೈಲಿಗೆ ಸ್ಥಳಾಂತರಿಸಲು ಸಲ್ಲಿಸಿದ್ದ ಅರ್ಜಿಯನ್ನು 57ನೇ ಸಿಸಿಎಚ್ ನ್ಯಾಯಾಲಯ ತಳ್ಳಿ ಹಾಕಿದೆ.
ನ್ಯಾಯಾಲಯ ತನ್ನ ಆದೇಶದಲ್ಲಿ, ಬಳ್ಳಾರಿ ಜೈಲಿಗೆ ಸ್ಥಳಾಂತರಿಸಲು ಸೂಕ್ತ ಕಾರಣಗಳಿಲ್ಲ. ಜೈಲು ಮ್ಯಾನುವಲ್ ಅನ್ನು ಕಟ್ಟುನಿಟ್ಟಾಗಿ ಪಾಲಿಸಬೇಕು. ಹಾಗೂ ಜೈಲು ನಿಯಮ ಉಲ್ಲಂಘನೆ ನಡೆದರೆ ಜೈಲು ಐಜಿಯಿಂದ ಕ್ರಮ ಕೈಗೊಳ್ಳಲಾಗುವುದು ಎಂದು ಸ್ಪಷ್ಟಪಡಿಸಿದೆ.
ಇದರಿಂದಾಗಿ, ನಟ ದರ್ಶನ್ ಪರಪ್ಪನ ಅಗ್ರಹಾರದಲ್ಲಿಯೇ ಇರಬೇಕಾಗಿದೆ. ಆದರೆ, ಜೈಲು ಮ್ಯಾನುವಲ್ ಪ್ರಕಾರ ಅವನಿಗೆ ಕನಿಷ್ಠ ಸೌಲಭ್ಯಗಳಾದ ದಿಂಬು ಹಾಗೂ ಬೆಡ್ಶೀಟ್ ದೊರಕಲಿದೆ.
