Covid19 : ವಾಸನೆ ಗ್ರಹಿಸಲು ಸಾಧ್ಯವಾಗದೇ ಇರುವುದು ಧೀರ್ಘಾವಧಿ ಕೋವಿಡ್ ನ ಲಕ್ಷಣ..!!!
ಕೊರೊನಾ ಭಯದಿಂದ ಇಡೀ ವಿಶ್ವವೇ ಮುಕ್ತವಾಗಿ ಸಹಜ ಜೀವನಕ್ಕೆ ಮರಳುವ ಹೊತ್ತಲ್ಲೇ ಇದೀಗ ಮತ್ತೊಮ್ಮೆ ಮಹಾಮಾರಿಯ ಆತಂಕ ಚೀನಾ , ಅಮೆರಿ ಕಾ ಸೇರಿದಂತೆ ಹಲವು ದೇಶಗಳಲ್ಲಿ ಇದ್ದು , ಭಾರತದಲ್ಲೂ ಅದ್ರಲ್ಲೂ ರಾಜ್ಯದಲ್ಲಿ ಆರೋಗ್ಯ ಇಲಾಖೆ ಹೈ ಅಲರ್ಟ್ ಆಗಿದೆ.. ಸಾಕಷ್ಟು ಕಟ್ಟು ನಿಟ್ಟಿನ ಕ್ರಮಗಳನ್ನ ತರಲು ಚಿಂತನೆ ನಡೆಸುತ್ತಿದೆ..
ಈ ಹೊತ್ತಲ್ಲೇ ಧೀರ್ಘಾವಧಿ ಕೋವಿಡ್ ನ ಮತ್ತೊಂದು ಪ್ರಮುಖ ಲಕ್ಷಣವನ್ನ ಅಧ್ಯಯನ ತಿಳಿಸಿದೆ.. ವಾಸನೆ ಗುರುತಿಸಲು ಸಾಧ್ಯವಾಗದಿರುವುದು ದೀರ್ಘಾವಧಿ ಕೋವಿಡ್ ನ ಪ್ರಮುಖ ಲಕ್ಷಣ ಎಂದು ಅಧ್ಯಯನವೊಂದು ತಿಳಿಸಿದೆ.
ಸಂಶೋಧನೆಯ ಪ್ರಕಾರ, ಸುಮಾರು ಮೂರನೇ ಒಂದು ಭಾಗದಷ್ಟು ದೀರ್ಘಾವಧಿ ಕೋವಿಡ್ ರೋಗಿಗಳಿಗೆ ವಾಸನೆ ಗ್ರಹಿಸಲು ಸಾಧ್ಯವಾಗುತ್ತಿಲ್ಲ. ಐದನೇ ಒಂದು ಭಾಗದಷ್ಟು ಮಂದಿ ರುಚಿಯ ನಷ್ಟವನ್ನು ಅನುಭವಿಸುತ್ತಿದ್ದಾರೆ.
ಇಂಗ್ಲೆಂಡ್ ನ ಈಸ್ಟ್ ಆಗ್ಲಿಯಾ ವಿಶ್ವವಿದ್ಯಾಲಯದ ಅಧ್ಯಯನ ತಂಡವು ದೀರ್ಘಾವಧಿ ಕೋವಿಡ್ ಹೊಂದಿದವರ ತಪಾಸಣೆ ನಡೆಸಿದೆ. ಮುಖ್ಯವಾಗಿ ಕಿವಿ, ಮೂಗು ಮತ್ತು ಗಂಟಲಿಗೆ ಸಂಬಂಧಿಸಿದ ಲಕ್ಷಣಗಳನ್ನು ಕಲೆ ಹಾಕಿದೆ. ಹೆಚ್ಚಿನವರು ಘ್ರಾಣಶಕ್ತಿ ಕಳೆದುಕೊಂಡಿರುವುದು ಹಾಗೂ ಹಿತಕರವಲ್ಲದ ವಾಸನೆ ಗ್ರಹಿಸುವಿಕೆಯಂತಹ ಸಮಸ್ಯೆಗಳು ಕಂಡುಬಂದಿವೆ.
ಈ ಅಂಶಗಳನ್ನು ಒಳಗೊಂಡ ಅಧ್ಯಯನ ವರದಿಯು ಇಂಟರ್ ನ್ಯಾಷನಲ್ ಫೋರಂ ಆಫ್ ಅಲರ್ಜಿ ಮತ್ತು ರೈನಾಲಜಿ ಪತ್ರಿಕೆಯಲ್ಲಿ ಪ್ರಕಟಗೊಂಡಿದೆ.
ದೀರ್ಘಾವಧಿ ಕೋವಿಡ್ ಎಂಬುದು ಒಂದು ಸಂಕೀರ್ಣ ಸ್ಥಿತಿ. ಇದು ಸೋಂಕು ತಗುಲಿದಾಗ ಅಥವಾ ಬಳಿಕ ವೃದ್ಧಿಯಾಗುತ್ತದೆ. 12ಕ್ಕೂ ಹೆಚ್ಚು ವಾರಗಳ ಕಾಲ ರೋಗದ ಲಕ್ಷಣಗಳು ಕಂಡುಬರುವುದನ್ನು ದೀರ್ಘಾವಧಿ ಕೋವಿಡ್ ಎಂದು ಗುರುತಿಸಲಾಗುತ್ತದೆ ಎಂದು ಅಧ್ಯಯನ ತಂಡದ ಮುಖ್ಯಸ್ಥ ಕರ್ಲ್ ಫಿಲ್ಪೊಟ್ ವಿವರಿಸಿದ್ದಾರೆ ..