ಕನ್ನಡ ನಾಡಿಗೆ ಪ್ರತಿ ವರ್ಷ ಏಪ್ರಿಲ್ 24 ಬಂದರೇ, ಒಂದು ಸ್ಮರಣೆ ತಲೆ ಎತ್ತಿ ನಿಲ್ಲುತ್ತದೆ – ಅಣ್ಣಾವ್ರ ಜನ್ಮದಿನ ಅಂತ..
ಹೌದು, ಅವರಿಲ್ಲಿ ಹುಟ್ಟಿದ್ದು, ನಟಿಸಿದ್ದು, ಹಂಚಿಕೊಂಡಿದ್ದು, ಹಾಡಿದ್ದು ಎಲ್ಲವೂ ಕನ್ನಡದ ಹೆಮ್ಮೆ. 1929ರಲ್ಲಿ ಮಂಡ್ಯದ ದೊಡ್ಡಗಾಜನೂರಿನಲ್ಲಿ ಜನಿಸಿದ ಪುಟ್ಟಸ್ವಾಮಿ ಮುತ್ತುರಾಜ್, ಮುಂದೆ ರಾಜ್‌ಕುಮಾರ್ ಅನ್ನೋ ಹೆಸರಿನಲ್ಲಿ ಕನ್ನಡ ಚಿತ್ರರಂಗದ ದೈವವಾಗಿ ರೂಪಾಂತರವಾದರು. ಏಪ್ರಿಲ್ ತಿಂಗಳಲ್ಲೇ ಅವರು ವಿದಾಯ ಕೂಡ ಹೇಳಿದ್ರು ಮತ್ತು ಅಂದು ನಾಡು ಮೌನವಾಗಿದ್ದು ಇಂದಿಗೂ ಮರೆಯಲಾಗದು.
ಇವರ ಬಾಲ್ಯ ಹಳ್ಳಿಯ ಜಾನಪದದ ನಡುವೆ, ಭಕ್ತಿಯ ಭಾವನೆಗಳ ನಡುವೆ ಕಳೆದಿತ್ತು.
ಅಣ್ಣಾವ್ರ ನಟನೆಗೆ ಮೊದಲ ಹೆಜ್ಜೆ – ಬೇಡರ ಕಣ್ಣಪ್ಪ (1954). ಈ ಚಿತ್ರದ ಮೂಲಕ ರಾಜ್ ಕುಮಾರ್ ಕೇವಲ ನಾಯಕನಾಗಿ ಅಲ್ಲ, ಭಕ್ತನಾಗಿ, ಸಾಹಸಿಯಾಗಿ, ಸಂಗೀತಸಜ್ಜನನಾಗಿ ಎಲ್ಲರ ಹೃದಯ ಗೆದ್ದರು.
ಈ ಸಿನಿಮಾ ಏನು ಮಾಮೂಲಿ ಅಲ್ಲ. ಇದು ಕನ್ನಡ ಸಿನಿಮಾರಂಗದಲ್ಲಿ ಹೊಸಯುಗದ ಆರಂಭ.
‘ಬಭ್ರುವಾಹನ’, ‘ಮಯೂರ’, ‘ಭಕ್ತ ಪ್ರಹ್ಲಾದ’, ‘ಬಂಗಾರದ ಮನಸು’, ‘ಕಸ್ತೂರಿ ನಿವಾಸ’, ‘ಹೂವು ಹಣ್ಣು’, ‘ಶ್ರವಣ ಬೇಳಗೊಳ’, ‘ಶಂಕರ ಗುರು’, ‘ಮುತ್ತಿನ ಹಾರ’, ‘ಅಕಸ್ಮಿಕ’, ‘ಜೀವನಚೈತ್ರ’… ಹೀಗೆ ಈ ಎಲ್ಲ ಸಿನಿಮಾಗಳಲ್ಲಿ ಅವರು ತೋರಿಸಿದ ಪಾತ್ರಗಳು ಕೇವಲ ಅಭಿನಯ ಅಲ್ಲ. ಅದು ನೈತಿಕ ಮೌಲ್ಯಗಳ ಪಾಠ.
ರಾಜ್‌ಕುಮಾರ್ ಯಾವುದೇ ಪಾತ್ರ ಮಾಡಿದ್ದರೂ, ಆ ಪಾತ್ರ ನಿಜ ಬದುಕಿನಂತೆ ಭಾಸವಾಗುತ್ತಿತ್ತು. ಅವರ ನಟನೆ ಎಷ್ಟು ನಿಜವಾಗಿತ್ತೋ, ಅವರ ಚಿತ್ರಗಳು ನಿಜಕ್ಕೂ ಜೀವಂತ ಪಾಠ ತರಹವಿತ್ತು.
ಪೌರಾಣಿಕ ಪಾತ್ರಗಳಲ್ಲಿ ರಾಜ್‌ಕುಮಾರ್ ಅವರ ಶ್ರದ್ಧೆ ಮತ್ತು ಶಿಸ್ತು ಅಪಾರ. ವಿಶೇಷವಾಗಿ 1966ರ ಮಂತ್ರಾಲಯ ಮಹಾತ್ಮೆ – ಇದು ಅವರ ಮನಸ್ಸಿಗೆ ಹತ್ತಿರದ ಚಿತ್ರ. ಈ ಚಿತ್ರದಲ್ಲಿ ಅವರು ಶ್ರೀರಾಘವೇಂದ್ರ ಸ್ವಾಮಿಗಳ ಪಾತ್ರ ಮಾಡಿದ್ದರು.
ಅವರ ಮುಖಭಾವ, ಧ್ವನಿ, ಶ್ರದ್ಧೆ ತುಂಬಿದ ನಟನೆಯಿಂದ ರಾಜ್ ಕುಮಾರ್ ದೇವರಂತೆ ಕಾಣಿಸುತ್ತಿದ್ದರು ಅಂತ ಅಭಿಮಾನಿಗಳು ಹೇಳುತ್ತಾರೆ
ಅವರು ಹಾಡಿದ ಹಳೆ ಹಾಡುಗಳು – “ಜೋಗದ ಸಿರಿವೇಣು”, “ನಾದ ಭ್ರಾಮರ”, “ಮತ್ತೊಮ್ಮೆ ಬಾ ಹೃದಯದೊಳಗೆ”, “ಕಣ್ಮನಸು ಕೊಟ್ಟೆ ನಿನ್ನ” – ಇವತ್ತಿಗೂ ಎಲ್ಲರ ಮನದಲ್ಲಿ ಹಸಿರಾಗಿ ಉಳಿದಿವೆ.
ಈಗಲೂ ಈ ಹಾಡುಗಳು ಕನ್ನಡಿಗರ ಪ್ಲೇ ಲಿಸ್ಟ್’ನ ಟಾಪ್-5ರಲ್ಲಿ ಇರುತ್ತದೆ.
ಅವರು ಬೇರೆ ಯಾವುದೇ ಭಾಷೆಯಲ್ಲಿ ನಟಿಸಿಲ್ಲ, ಹಾಡಿಲ್ಲ, ದುಡಿಮೆಯೂ ಮಾಡಿಲ್ಲ. ಅವರು ತಾವು ಹುಟ್ಟಿದ ನಾಡಿಗೆ ಮಾತ್ರ ನಿಷ್ಠರಾಗಿ ಇದ್ದರು.
ಅವರು ನಮ್ಮ ನಟ ಮಾತ್ರವಲ್ಲ. ಅವರು ನಮ್ಮ ಮನೆಯ ಸದಸ್ಯ. ಅವರ ಹಾಡುಗಳೇ ನಮಗೆ ಲಾಲಿ ಹಾಡು. ಅವರ ಮಾತುಗಳು ನಮಗೆ ಜೀವನ ಪಾಠ.
2006ರ ಏಪ್ರಿಲ್ 12ರಂದು ರಾಜ್ ಕುಮಾರ್ ಅವರು ಹೃದಯಾಘಾತದಿಂದ ನಮ್ಮಿಂದ ದೂರವಾದರು.
ಅವರ ಅಂತಿಮ ದರ್ಶನಕ್ಕೆ ಲಕ್ಷಾಂತರ ಜನರು ಬಂದಿದ್ದರು. ಕಣ್ಣೀರು, ಶೋಕ, ನೆನೆಪು… ಇವತ್ತಿಗೂ ಅದು ಮರೆಯಲಾಗದ ದಿನ.
‘ಅಣ್ಣಾವ್ರು’ ಅಂದ್ರೆ ಅದೊಂದು ಭಾವನೆ. ಅವರ ಜೀವನವೆಂದರೆ ನಮ್ಮ ಜೀವನದ ಪ್ರೇರಣೆ. ಅವರು ಕಲಿಸಿದ ನಡವಳಿಕೆ, ಶಿಸ್ತು, ಧೈರ್ಯ, ನಿಷ್ಠೆ – ಇವತ್ತಿನ ಯುವಕರಿಗೆ ಕನ್ನಡಿ.
ಅವರು ಪ್ರತಿದಿನ ಯೋಗ ಮಾಡುತ್ತಿದ್ದರು. ಕುಸ್ತಿ, ಜಿಮ್ನಾಸ್ಟಿಕ್ಸ್‌ನಲ್ಲಿ ಆಸಕ್ತರಾಗಿದ್ದವರು.
ಡಾ. ರಾಜ್ ಕುಮಾರ್ ಅಂದ್ರೆ ಕನ್ನಡದ ಹೆಮ್ಮೆ. ಇವತ್ತು ಅವರ ಹುಟ್ಟುಹಬ್ಬ. ಅವರಿಗೆ ನಮ್ಮ ನಮನ.
ಅವರ ಬದುಕು, ಅವರ ಕಥೆಗಳು, ಅವರ ಹಾಡುಗಳನ್ನು ಇವತ್ತು ಮತ್ತೆ ಕೇಳೋಣ, ನೆನಪಿಸಿಕೊಳ್ಳೊಣ.
