Elon Musk: ನೌಕರರನ್ನ ವಜಾ ಮಾಡುತ್ತಿರುವುದಕ್ಕೆ ಕಾರಣ ತಿಳಿಸಿದ ಮಸ್ಕ್….
‘ಎಲೋನ್ ಮಸ್ಕ್’ ಈ ಹೆಸರಿಗೆ ಸದ್ಯಕ್ಕೆ ಪರಿಚಯದ ಅಗತ್ಯವಿಲ್ಲ . ಜಗತ್ತಿನ ಅತಿದೊಡ್ಡ ಶ್ರೀಮಂತ ಮತ್ತು ಟ್ವೀಟರ್ ಒಡೆಯ. ಎಲೋನ್ ಮಸ್ಕ್ ಇತ್ತೀಚಿನ ದಿನಗಳಲ್ಲಿ ತೆಗೆದುಕೊಳ್ಳುತ್ತಿರು ನಿರ್ಧಾರಗಳು ಜಗತ್ತಿನಾದ್ಯಂತ ಚರ್ಚೆಗೆ ಗ್ರಾಸವಾಗಿದೆ.
ಟ್ವಿಟರ್ ಮಾಲೀಕತ್ವವನ್ನು ವಹಿಸಿಕೊಂಡ ಮಸ್ಕ್, ವಾರದೊಳಗಾಗಿ ಅದರಲ್ಲಿ ಕೆಲಸ ಮಾಡುವ ಉದ್ಯೋಗಿಗಳಿಗೆ ಶಾಕ್ ನೀಡಿದ್ದಾರೆ. ಟ್ವಿಟರ್ನಲ್ಲಿಕೆಲಸ ಮಾಡುವ ಉದ್ಯೋಗಿಳಲ್ಲಿ 50% ನಷ್ಟು ಮಂದಿಯಯನ್ನ ಕೆಲಸದಿಂದ ವಜಾ ಮಾಡಿದ್ದಾರೆ.
ಇದರಿಂದ ಕೆಲ ನೌಕರರು ಇವರ ನಿರ್ಧಾರದಿಂದ ಸಿಟ್ಟಿಗೆದ್ದು ನ್ಯಾಯಾಲಯದ ಮೊರೆ ಹೋಗುತ್ತಿದ್ದಾರೆ. ಈ ಹಿನ್ನೆಲೆಯಲ್ಲಿ ಎಲೋನ್ ಮಸ್ಕ್ ಪ್ರತಿಕ್ರಿಯಿಸಿ, ಟ್ವಿಟರ್ ಸಿಬ್ಬಂದಿಗಳ ವಜಾ ಹಿಂದಿನ ಕಾರಣವನ್ನ ವಿವರಿಸಿದ್ದಾರೆ. ಅಲ್ಲದೆ ತಮ್ಮ ನಿರ್ಧಾರವನ್ನು ಸಮರ್ಥಿಸಿಕೊಂಡಿದ್ದಾರೆ.
ದೊಡ್ಡ ಪ್ರಮಾಣದಲ್ಲಿ ಉದ್ಯೋಗಿಗಳನ್ನ ವಜಾಗೊಳಿಸಿರುವ ಕುರಿತು ಟ್ವಿಟರ್ನಲ್ಲಿ ಪ್ರತಿಕ್ರಿಯಿಸಿರುವ ಎಲೋನ್ ಮಸ್ಕ್, ಬಲವಾದ ಕಾರಣಕ್ಕಾಗಿ ಇದನ್ನ ಮಾಡಿದ್ದೇನೆ ಎಂದು ಬಹಿರಂಗಪಡಿಸಿದ್ದಾರೆ. ಟ್ವಿಟರ್ ನಷ್ಟದಲ್ಲಿ ಸಾಗುತ್ತಿದೆ ಎಂದು ಎಲೋನ್ ಮಸ್ಕ್ ಹೇಳಿದ್ದಾರೆ. ಕಂಪನಿಯು ದಿನಕ್ಕೆ ಸುಮಾರು $4 ಮಿಲಿಯನ್ ನಷ್ಟವಾಗುತ್ತಿದೆ. ನಷ್ಟ ತಡೆಗಟ್ಟುವ ಕ್ರಮಗಳ ಭಾಗವಾಗಿ 50% ಕ್ಕಿಂತ ಹೆಚ್ಚು (ಸುಮಾರು 3,700) ಉದ್ಯೋಗಿಗಳನ್ನು ವಜಾಗೊಳಿಸಲಾಗಿದೆ ಎಂದು ಅವರು ಹೇಳಿದರು.
ವಜಾ ಮಾಡಿದರೂ ನೌಕರರಿಗೆ ಅನ್ಯಾಯವಾಗಿಲ್ಲ ಎಂದು ಎಲೋನ್ ಮಸ್ಕ್ ಬಹಿರಂಗಪಡಿಸಿದ್ದಾರೆ. ವಜಾಗೊಂಡ ಪ್ರತಿಯೊಬ್ಬ ನೌಕರನಿಗೆ ಮೂರು ತಿಂಗಳ ಪರಿಹಾರ ನೀಡಲಾಗುವುದು, ಇದು ಕಾನೂನುಬದ್ಧವಾಗಿ ಲಭ್ಯವಿರುವುದಕ್ಕಿಂತ 50% ಹೆಚ್ಚು ಎಂದು ಎಲೋನ್ ಮಸ್ಕ್ ಹೇಳಿದ್ದಾರೆ.
ಮಸ್ಕ್ ಮೊದಲಿಗೆ ಸಿಇಒ ಪರಾಗ್ ಅಗರ್ವಾಲ್, ಕಾನೂನು ಕಾರ್ಯನಿರ್ವಾಹಕ ವಿಜಯ್ ಗಡ್ಡೆ, ಮುಖ್ಯ ಹಣಕಾಸು ಅಧಿಕಾರಿ (ಸಿಎಫ್ಒ) ನೆಡ್ ಸೆಗಲ್ ಮತ್ತು ಸಾಮಾನ್ಯ ಸಲಹೆಗಾರ ಸೀನ್ ಎಡ್ಜೆಟ್ ಅವರನ್ನು ವಜಾ ಮಾಡಿದ್ದಾರು ಎಂಬುದು ನಿಮಗೆ ತಿಳಿದಿದೆ.
Elon Musk : the reason for firing employees…
