ಇಪಿಎಫ್ಒ ನಿಂದ ವಾಟ್ಸಾಪ್ ಆಧಾರಿತ ಸಹಾಯವಾಣಿ WhatsApp based helpline
ಹೊಸದಿಲ್ಲಿ, ಅಕ್ಟೋಬರ್15: ಸರ್ಕಾರದ ಪಿಂಚಣಿ ನಿಧಿ ನೌಕರರ ಭವಿಷ್ಯ ನಿಧಿ ಸಂಸ್ಥೆ (ಇಪಿಎಫ್ಒ) ತನ್ನ ಚಂದಾದಾರರ ಕುಂದುಕೊರತೆ ಪರಿಹಾರಕ್ಕಾಗಿ ತನ್ನ ವಾಟ್ಸಾಪ್ ಆಧಾರಿತ ಸಹಾಯವಾಣಿಯನ್ನು ಪ್ರಾರಂಭಿಸಿದೆ ಎಂದು ಕಾರ್ಮಿಕ ಸಚಿವಾಲಯ ಪ್ರಕಟಣೆಯಲ್ಲಿ ತಿಳಿಸಿದೆ. WhatsApp based helpline
ಕೋವಿಡ್-19 ಸಾಂಕ್ರಾಮಿಕ ಸಮಯದಲ್ಲಿ ಚಂದಾದಾರರಿಗೆ ತಡೆರಹಿತ ಮತ್ತು ಅಡೆತಡೆಯಿಲ್ಲದ ಸೇವೆಯನ್ನು ಖಾತ್ರಿಪಡಿಸಿಕೊಳ್ಳುವ ಉದ್ದೇಶವನ್ನು ಹೆಲ್ಪ್ಲೈನ್ ಹೊಂದಿದೆ.
ಇಪಿಎಫ್ಒ 1,64,040 ಕ್ಕೂ ಹೆಚ್ಚು ಕುಂದುಕೊರತೆಗಳನ್ನು ಮತ್ತು ಪ್ರಶ್ನೆಗಳನ್ನು ವಾಟ್ಸಾಪ್ ಮೂಲಕ ಪರಿಹರಿಸಿದೆ. ವಾಟ್ಸಾಪ್ ಸಹಾಯವಾಣಿ ಸಂಖ್ಯೆಗಳನ್ನು ಪ್ರಾರಂಭಿಸಿದಾಗಿನಿಂದ ಫೇಸ್ಬುಕ್ ಮತ್ತು ಟ್ವಿಟರ್ನಂತಹ ಸಾಮಾಜಿಕ ಮಾಧ್ಯಮಗಳಲ್ಲಿ ಕುಂದುಕೊರತೆ / ಪ್ರಶ್ನೆಗಳ ನೋಂದಣಿ 30% ಮತ್ತು ಇಪಿಎಫ್ಜಿಎಂಎಸ್ ನಲ್ಲಿ 16% ರಷ್ಟು ಇಳಿಕೆಗೆ ಕಾರಣವಾಗಿದೆ.
3ನೇ ಹಂತದಲ್ಲಿರುವ ಜಾನ್ಸನ್ ಮತ್ತು ಜಾನ್ಸನ್ ನ ಕೋವಿಡ್ -19 ಲಸಿಕೆಯ ಪ್ರಯೋಗ ತಾತ್ಕಾಲಿಕ ಸ್ಥಗಿತ
ವೆಬ್ ಆಧಾರಿತ ಇಪಿಎಫ್ಜಿಎಂಎಸ್ ಪೋರ್ಟಲ್, ಸಿಪಿಜಿಆರ್ಎಎಂಎಸ್, ಸೋಷಿಯಲ್ ಮೀಡಿಯಾ ಪುಟಗಳು (ಫೇಸ್ಬುಕ್ ಮತ್ತು ಟ್ವಿಟರ್) ಮತ್ತು ಮೀಸಲಾದ 24×7 ಕಾಲ್ ಸೆಂಟರ್ನಂತಹ ಇಪಿಎಫ್ಒನ ಕುಂದುಕೊರತೆ ಪರಿಹಾರ ವೇದಿಕೆಗಳಿಗೆ ಹೆಚ್ಚುವರಿಯಾಗಿ ವಾಟ್ಸಾಪ್ ಸಹಾಯವಾಣಿ ಸೌಲಭ್ಯವಿದೆ.
ಈ ಉಪಕ್ರಮವು ಪಿಎಫ್ ಚಂದಾದಾರರಿಗೆ ಇಪಿಎಫ್ಒನ ಪ್ರಾದೇಶಿಕ ಕಚೇರಿಗಳೊಂದಿಗೆ ನೇರವಾಗಿ ವೈಯಕ್ತಿಕ ಮಟ್ಟದಲ್ಲಿ ಸಂವಹನ ನಡೆಸಲು ಅನುವು ಮಾಡಿಕೊಡುತ್ತದೆ ಎಂದು ಸಚಿವಾಲಯದ ಹೇಳಿಕೆಯಲ್ಲಿ ತಿಳಿಸಲಾಗಿದೆ.
ವಿಶ್ವ ಆರೋಗ್ಯ ಸಂಸ್ಥೆಯ ಶ್ಲಾಘನೆಗೆ ಪಾತ್ರವಾದ ಭಾರತದ ಆರೋಗ್ಯ ಸೇತು ಆ್ಯಪ್
ಇಪಿಎಫ್ಒ ವಾಟ್ಸಾಪ್ ಸಹಾಯವಾಣಿ ಹೇಗೆ ಬಳಸುವುದು
ಇಪಿಎಫ್ಒನ ಎಲ್ಲಾ 138 ಪ್ರಾದೇಶಿಕ ಕಚೇರಿಗಳಲ್ಲಿ ಇಪಿಎಫ್ಒ ವಾಟ್ಸಾಪ್ ಸಹಾಯವಾಣಿ ಕಾರ್ಯನಿರ್ವಹಿಸುತ್ತದೆ.
ಪಿಎಫ್ ಖಾತೆಯನ್ನು ನಿರ್ವಹಿಸುವ ಸಂಬಂಧಪಟ್ಟ ಪ್ರಾದೇಶಿಕ ಕಚೇರಿಯ ಸಹಾಯವಾಣಿ ಸಂಖ್ಯೆಯಲ್ಲಿ ವಾಟ್ಸಾಪ್ ಸಂದೇಶವನ್ನು ಹಾಕುವ ಮೂಲಕ ಯಾವುದೇ ಮಧ್ಯಸ್ಥಗಾರರು ಸರಳವಾಗಿ ಕುಂದುಕೊರತೆ ಸಲ್ಲಿಸಬಹುದು ಅಥವಾ ಇಪಿಎಫ್ಒ ಒದಗಿಸುವ ಸೇವೆಗಳಿಗೆ ಸಂಬಂಧಿಸಿದ ಯಾವುದೇ ಪ್ರಶ್ನೆಗಳಿಗೆ ಮಾರ್ಗದರ್ಶನ ಪಡೆಯಬಹುದು.
ಎಲ್ಲಾ ಪ್ರಾದೇಶಿಕ ಕಚೇರಿಗಳ ಡೆಡಿಕೇಟೆಡ್ ವಾಟ್ಸಾಪ್ ಸಹಾಯವಾಣಿ ಸಂಖ್ಯೆಗಳು ಇಪಿಎಫ್ಒ ಅಧಿಕೃತ ವೆಬ್ಸೈಟ್ನ ಮುಖಪುಟದಲ್ಲಿ ಲಭ್ಯವಿದೆ.
ಕುಂದುಕೊರತೆಯ ತ್ವರಿತ ಪರಿಹಾರವನ್ನು ಖಚಿತಪಡಿಸಿಕೊಳ್ಳಲು ಮತ್ತು ವಾಟ್ಸಾಪ್ ನಲ್ಲಿ ಕೇಳಿರುವ ಪ್ರಶ್ನೆಗಳಿಗೆ ಉತ್ತರಿಸಲು, ಪ್ರತಿ ಪ್ರಾದೇಶಿಕ ಕಚೇರಿಯಲ್ಲಿ ಮೀಸಲಾದ ತಜ್ಞರ ತಂಡವಿದೆ.
ಅಂತರ್ ಧರ್ಮದ ವಿವಾಹದ ಜಾಹೀರಾತನ್ನು ಹಿಂತೆಗೆದುಕೊಂಡ ತನೀಶ್ಕ್ ಆಭರಣ ಬ್ರಾಂಡ್
ಸಾಂಕ್ರಾಮಿಕ ರೋಗದ ಮಧ್ಯೆ ಇಪಿಎಫ್ಒ ಮತ್ತು ಅದರ ಚಂದಾದಾರರ ನಡುವಿನ ನೇರ ಸಂವಹನ ಮಾರ್ಗವನ್ನು ಮತ್ತಷ್ಟು ಬಲಪಡಿಸುವ ಪ್ರಯತ್ನವೇ ಸಹಾಯವಾಣಿ. ಇದರಿಂದಾಗಿ ಇಪಿಎಫ್ಒನ ಸ್ಪಂದಿಸುವಿಕೆಯನ್ನು ಹೆಚ್ಚಿಸುತ್ತದೆ ಮತ್ತು ಚಂದಾದಾರರಿಗೆ ಸೇವೆಗಳನ್ನು ಸಮಯೋಚಿತವಾಗಿ ತಲುಪಿಸಲು ಅನುಕೂಲವಾಗುತ್ತದೆ.
Our Website : https://saakshatv.com/
Subscribe Now on YouTube
Like us on Facebook
Follow us on Twitter
Follow us on Instagram
Subscribe to our Telegram Channel
ಟ್ವಿಟರ್ ಮೂಲಕ ನಮ್ಮ ಸುದ್ದಿಗಳ ಅಪ್ ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ