IPL 2022 | ಮುಂಬೈ ತಂಡಕ್ಕೆ ಭಾರವಾಗ್ತಿದ್ದಾರಾ ಕೀರಾನ್ ಪೋಲಾರ್ಡ್..
ಕೀರನ್ ಪೊಲಾರ್ಡ್ ವಿಧ್ವಂಸಕ ಆಟಕ್ಕೆ ಹೆಸರು ವಾಸಿ. 10 ಸಾವಿರಕ್ಕೂ ಹೆಚ್ಚು ರನ್.. 300ಕ್ಕೂ ಅಧಿಕ ವಿಕೆಟ್ ಪಡೆದು ಟಿ20 ಕ್ರಿಕೆಟ್ ಇತಿಹಾಸದಲ್ಲಿ ಅತ್ಯುನ್ನತ ಆಲ್ ರೌಂಡರ್ ಎನಿಸಿಕೊಂಡಿದ್ದಾರೆ.
ಆದರೆ ಕೆಲ ವರ್ಷಗಳಿಂದ ಪೊಲಾರ್ಡ್ ನೈಜ ಆಟ ಮಾಯವಾಗಿದೆ. ಅಂತರರಾಷ್ಟ್ರೀಯ ಪಂದ್ಯಗಳಿಂದ ಲೀಗ್‌ಗಳವರೆಗೆ, ಪೊಲಾರ್ಡ್ ಹೆಚ್ಚು ಪ್ರಭಾವ ಬೀರುತ್ತಿಲ್ಲ.
ಹೀಗಾಗಿ ಮುಂಬೈ ಇಂಡಿಯನ್ಸ್ ತಂಡದ ಸ್ಟಾರ್ ಆಲ್ ರೌಂಡರ್ ಕೀರನ್ ಪೊಲಾರ್ಡ್ ತಂಡಕ್ಕೆ ಹೊರೆಯಾಗಲಿದ್ದಾರೆಯೇ ಎಂಬ ಅನುಮಾನ ಮೂಡಿದೆ.
ಕಳೆದ ಋತುವಿನಲ್ಲಿಯೂ ಪೊಲಾರ್ಡ್ ಉತ್ತಮ ಪ್ರದರ್ಶನ ನೀಡಲಿಲ್ಲ. ಪೊಲಾರ್ಡ್ 14 ಪಂದ್ಯಗಳಲ್ಲಿ 245 ರನ್ ಗಳಿಸಿದ್ರು. ಬೌಲಿಂಗ್‌ನಲ್ಲಿ ಕೇವಲ ಐದು ವಿಕೆಟ್‌ಗಳನ್ನು ಪಡೆದರು. ಮುಂಬೈ ಇಂಡಿಯನ್ಸ್ ಐದು ಬಾರಿ ಪ್ರಶಸ್ತಿ ಗೆದ್ದಾಗಲೆಲ್ಲಾ ಪೊಲಾರ್ಡ್ ತಂಡದಲ್ಲಿದ್ದರು.
ಇತ್ತೀಚೆಗಷ್ಟೇ, ಐಪಿಎಲ್ 2022ರ ಮೊದಲ ಪಂದ್ಯದಲ್ಲೂ ಪೊಲಾರ್ಡ್ ನಿರಾಸೆ ಮೂಡಿಸಿದ್ದರು. ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧದ ಪಂದ್ಯದಲ್ಲಿ ಅವರು ಕೇವಲ ಮೂರು ರನ್ ಗಳಿಸಿದ್ರು. ಶನಿವಾರ ನಡೆದ ರಾಜಸ್ಥಾನ್ ರಾಯಲ್ಸ್ ವಿರುದ್ಧದ ಪಂದ್ಯದಲ್ಲೂ ಬೌಲಿಂಗ್ ಮಾಡಿದ್ದರು. ಪೊಲಾರ್ಡ್ ಎಸೆದ 17ನೇ ಓವರ್‌ನಲ್ಲಿ ಹೆಟ್‌ಮೈರ್ ವಿಶ್ವರೂಪ ತೋರಿಸಿದರು. ಎರಡು ಸಿಕ್ಸರ್ ಹಾಗೂ ಮೂರು ಬೌಂಡರಿ ಸೇರಿದಂತೆ ಒಟ್ಟು 26 ರನ್ ಗಳಿಸಿದರು. ಈ ಪಂದ್ಯದಲ್ಲಿ ಪೊಲಾರ್ಡ್ ತಮ್ಮ 4 ಓವರ್ ಕೋಟಾದಲ್ಲಿ 46 ರನ್ ನೀಡಿ ಒಂದು ವಿಕೆಟ್ ಪಡೆದರು. fans-troll-kieron-pollard
