Bengaluru Rural : ಎಂಟಿಬಿ – ಶರತ್ ಬಚ್ಚೇಗೌಡರ ನಡುವೆ ಪ್ರೋಟೋಕಾಲ್ ಫೈಟ್…
ಬೆಂಗಳೂರು ಗ್ರಾಮಾಂತರ : ಬೆಂಗಳೂರು ಗ್ರಾಮಾಂತರದ ಹೊಸಕೋಟೆ ವಿಧಾನಸಭಾ ಕ್ಷೇತ್ರದಲ್ಲಿ ಮತ್ತೊಮ್ಮೆ ಪ್ರೋಟೋಕಾಲ್ ಗಲಾಟೆ ನಡೆದಿದೆ.
ಈ ವಿಧಾನಸಭಾ ಕ್ಷೇತ್ರದಲ್ಲಿ ಆಗಾಗ ಪ್ರೋಟೋಕಾಲ್ ಗಲಾಟೆ ನಡೆಯುತ್ತಲೆ ಇರುತ್ತೇ. ಇದೀಗ ಹೊಸಕೋಟೆ ತಾಲೂಕಿನ ಮುತ್ಸಂದ್ರ ಗ್ರಾಮ ಪಂಚಾಯ್ತಿಯಲ್ಲಿ ಡಿಜಿಟಲ್ ಗ್ರಂಥಾಲಯ ಉದ್ಘಾಟನೆಯಲ್ಲಿ ಪ್ರೋಟೋಕಾಲ್ ಪಾಲನೆಯಾಗಿಲ್ಲವೆಂದು ಮಾತಿನ ಚಕಮಕಿ ನಡೆದಿರುವುದು ಕಂಡುಬಂದಿದೆ.
UP Election: ನಮ್ಮ ಸರ್ಕಾರ ಪ್ರತಿ ಸಂತ್ರಸ್ತ ಮುಸ್ಲಿಂ ಮಹಿಳೆಯೊಂದಿಗೆ ನಿಂತಿದೆ
ಪೌರಾಡಳಿತ ಸಚಿವ ಎಂಟಿಬಿ.ನಾಗರಾಜ್ ಮತ್ತು ಶಾಸಕ.ಶರತ್ ಬಚ್ಚೇಗೌಡರ ನಡುವೆ ಆರೋಪ –ಪ್ರತ್ಯಾರೋಪ ನಡೆದಿದೆ. ವಾಕ್ ಸಮರದ ವೇಳೆ ಪರಸ್ಪರ ಏಕವಚನದಲ್ಲಿ ಬೈದಾಡಿಕೊಂಡಿದ್ದಾರೆ. ಟೇಪ್ ಕತ್ತರಿಸುವಾಗ ಕತ್ತರಿ ಒಬ್ಬರೇ ಕೈಯಲ್ಲಿ ಹಿಡಿದಿದ್ದಕ್ಕೆ ಚಕಮಕಿ ಆರಂಭವಾಗಿದೆ.
ಎಂಟಿಬಿ.ನಾಗರಾಜ್ ಸಂಸದ ಬಚ್ಚೇಗೌಡರ ಹೆಸರು ಪ್ರಸ್ತಾಪಿಸಿದಕ್ಕೆ ಶರತ್ ಬಚ್ಚೇಗೌಡ ಆಕ್ಷೇಪ ವ್ಯಕ್ತಪಡಿಸಿದ್ದಾರೆ. ಬಚ್ಚೇಗೌಡರೇ ಪರವಾಗಿಲ್ಲ ಮರ್ಯಾದೆ ಕೊಟ್ಟು ಮಾತಾಡ್ತಾರೆ ಅವರಿಂದ ಕಲಿತುಕೋ ಎಂದ ಎಂಟಿಬಿ.ಮಾತಿಗೆ ಶರತ್ ಬಚ್ಚೇಗೌಡರು ಕೆಂಡಾಮಂಡಲಗೊಂಡಿದ್ದಾರೆ.
ನಂತರ ಪರಸ್ಪರ ಕೈ ತೋರಿಸಿ ಕಿತ್ತಾಡಿಕೊಂಡಿದ್ದಾರೆ.. ಇನ್ನೂ ಈ ಕಾರ್ಯಕ್ರಮದಲ್ಲಿ ಗ್ರಾಮಾಂತರ ಪರಿಷತ್ ಸದಸ್ಯ ರವಿ ಕೂಡ ಉಪಸ್ಥಿತರಿದ್ದರು. ಬಳಿಕ ಶರತ್ ಬಚ್ಚೇಗೌಡರು ಈ ಬಗ್ಗೆ ಮಾಧ್ಯಮದವರ ಮುಂದೆ ಮಾತನಾಡುತ್ತಾ ಅಸಮಾಧಾನ ಹೊರಹಾಕಿದ್ದಾರೆ..
