ಸಿನಿಮಾ ಶೂಟಿಂಗ್ ವೇಳೆ ನಟನ ಗುಂಡೇಟಿಗೆ ಬಲಿಯಾದ ಛಾಯಾಗ್ರಾಹಕಿ
ಚಿತ್ರೀಕರಣದ ಸೆಟ್ ಗಳಲ್ಲಿ ಆಗಾಗ ಅನೇಕ ದುರ್ಘಟನೆಗಳು ಸಂಭವಿಸುತ್ತಲೇ ಇರುತ್ತೆ. ಎಲ್ಲಾ ಸಿನಿಮಾರಂಗಗಳು ಕೂಡ ಇದು ಸಾಮಾನ್ಯ ಎಂಬಂತಾಗಿದೆ. ಇದೀಗ ಮೆಕ್ಸಿಕೋದಲ್ಲಿ ಸಿನಿಮಾ ಚಿತ್ರೀಕರಣದ ವೇಳೆ ನಟ ಸಿಡಿಸಿದ ಗುಂಡೇಟಿಗೆ ಛಾಯಾಗ್ರಾಹಕಿ ಬಲಿಯಾಗಿರುವ ಘಟನೆ ನಡೆದಿದೆ.
ಹೌದು. ಸಿನಿಮಾ ಚಿತ್ರೀಕರಣದ ವೇಳೆ ಅಮೆರಿಕದ ನಟ ಆಲೆಕ್‌ ಬಾಲ್ಡ್‌ವಿನ್‌ ಬಳಸುತ್ತಿದ್ದ ಬಂದೂಕಿನಿಂದ ಹಾರಿದ ಗುಂಡು ಛಾಯಾಗ್ರಾಹಕಿಯನ್ನು ಬಲಿ ಪಡೆದಿದೆ. ‘RUST’ಹೆಸರಿನ ಸಿನಿಮಾ ಚಿತ್ರೀಕರಣದಲ್ಲಿ ಪಾರ್ಪಟಿ ಗನ್‌ ನಿಂದ ನಟ ಬಾಲ್ಡ್‌ ವಿನ್‌ ಸಿಡಿಸಿದ ಗುಂಡು ಛಾಯಾಗ್ರಾಹಕಿಯ ಸಾವಿಗೆ ಕಾರಣವಾಗಿದೆ.
ಈ ಘಟನೆಯಲ್ಲಿ ಛಾಯಾಗ್ರಾಹಕಿ ಹಲಿನಾ ಹಚಿನ್ಸ್‌ (42) ಸಾವಿಗೀಡಾಗಿದ್ದಾರೆ.. ಇನ್ನೂ ಇದೇ ಘಟನೆಯಲ್ಲಿ ನಿರ್ದೇಶಕ ಜೋಲ್‌ ಸೌಜಾ ಗಾಯಗೊಂಡಿದ್ದಾರೆ. 19ನೇ ಶತಮಾನದ ಕಥೆಯಾಧಾರಿತ ಸಿನಿಮಾದಲ್ಲಿ ಬಾಲ್ಡ್‌ವಿನ್‌ ಪ್ರಮುಖ ಪಾತ್ರ ನಿರ್ವಹಿಸುತ್ತಿದ್ದಾರೆ. ಘಟನೆ ಸಂಬಂಧ ತನಿಖೆ ಮುಂದುವರಿದಿದ್ದು ಯಾವುದೇ ಆರೋಪ ದಾಖಲಾಗಿಲ್ಲ ಎಂದು ಹೇಳಲಾಗಿದೆ.
ಸಲಗಕ್ಕೆ ಎದುರಾದ ಸಂಕಷ್ಟ ದೂರ – ಸಲಗ ತುಳಿಯುವ ಪ್ರಯತ್ನ ಬಿಡಿ ಎಂದ ದುನಿಯಾ ವಿಜಯ್
