Harmanpreet Kaur : ಸೋಲಿನ ನೋವಿನಿಂದ ಕಣ್ಣೀರಿಟ್ಟ ನಾಯಕಿಗೆ ಮಾಜಿ ಕ್ಯಾಪ್ಟನ್ ಸಾಂತ್ವನ….
ಗುರುವಾರ ನಡೆದ ಮಹಿಳಾ ಟಿ 20 ವಿಶ್ವಕಪ್ ಸೆಮಿಪೈನಲ್ ಪಂದ್ಯದಲ್ಲಿ ಭಾರತ ವಿರೋಚಿತವಾಗಿ ಸೋಲೊಪ್ಪಿಕೊಂಡಿತು. ಮತ್ತೊಮ್ಮೆ ಭಾರತದ ವಿಶ್ವಕಪ್ ಗೆಲ್ಲುವ ಕನಸು ಭಗ್ನವಾಯಿತು. ಪಂದ್ಯ ಸೋತ ನಂತರ ಮಹಿಳಾ ಆಟಗಾರರೆಲ್ಲರು ಖೀನ್ನರಾಗಿದ್ದರು.
ತಂಡದ ನಾಯಕಿ ಹರ್ಮನ್ ಪ್ರೀತ್ ಕೌರ್ ಗೆ ಪಂದ್ಯದ ನಂತರ ಮಾತನಾಡುವಾಗ ಭಾವೊದ್ವೇಗಗಳನ್ನ ತಡೆಹಿಡಿಯಲಾಗಲಿಲ್ಲ. ತನ್ನ ಕಣ್ಣೀರನ್ನ ಮರೆಮಾಚಲು ಕಪ್ಪು ಕನ್ನಡಕವನ್ನ ಧರಿಸಿದರು. “ ನನ್ನ ದೇಶ ನಾನು ಅಳುವುದನ್ನ ನೋಡಲು ಬಯಸುವುದಿಲ್ಲ ಅದಕ್ಕಾಗಿಯೇ ನಾನು ಕನ್ನಡಕವನ್ನ ಧರಿಸಿದ್ದೇನೆ. ನಾವು ಖಂಡಿತವಾಗಿ ಉತ್ತಮಗೊಳ್ಳುತ್ತೇವೆ. ಮತ್ತೆ ಈ ದೇಶವನ್ನ ಈ ರೀತಿ ನಿರಾಸೆಗೊಳಿಸುವುದಿಲ್ಲ ಎಂದು ನಾಣು ಭರವಸೆ ನೀಡುತ್ತೇನೆ” ಎಂದು ಪಂದ್ಯದ ನಂತರ ಹೇಳಿದರು.
ಸೋಲಿನ ಭಾರದಿಂದ ಕಣ್ಣೀರಿಟ್ಟಿದ್ದ ಹರ್ಮನ್ಪ್ರೀತ್ ಕೌರ್ಗೆ ಮಾಜಿ ನಾಯಕಿ ಅಂಜುಮ್ ಚೋಪ್ರಾ ಸಾಂತ್ವನ ಹೇಳಿದ್ದಾರೆ. ಅವರು ಹರ್ಮನ್ಪ್ರೀತ್ ಅವರನ್ನ ತಡೆದು ಧೈರ್ಯ ತುಂಬಿದರು. ನಾಯಕನಿಗೆ ಸ್ವಲ್ಪ ಸಹಾನುಭೂತಿ ನೀಡುವ ಉದ್ದೇಶದಿಂದ ನಾನು ಹರ್ಮನ್ಪ್ರೀತ್ಗೆ ಸಾಂತ್ವನ ಹೇಳಿದ್ದೇನೆ. ನಮ್ಮಿಬ್ಬರಿಗೂ ಅದೊಂದು ಭಾವನಾತ್ಮಕ ಕ್ಷಣ. ಭಾರತ ಹಲವು ಬಾರಿ ಸೆಮಿಫೈನಲ್ ತಲುಪಿದ್ದರೂ ಸೋತಿತ್ತು. ಹರ್ಮನ್ಪ್ರೀತ್ ಈ ರೀತಿ ಬ್ಯಾಟಿಂಗ್ ಮಾಡುವುದನ್ನು ನಾನು ನೋಡಿದ್ದು ಇದೇ ಮೊದಲು. ಗಾಯಗಳು ಮತ್ತು ಅನಾರೋಗ್ಯದ ನಡುವೆಯೂ ಅವರು ಅದ್ಭುತ ಹೋರಾಟದ ಕೌಶಲ್ಯವನ್ನು ತೋರಿಸಿದರು. ಇದು ವಿಶ್ವಕಪ್ನ ಸೆಮಿಫೈನಲ್ ಆಗಿದ್ದರಿಂದ ಹರ್ಮನ್ಪ್ರೀತ್ ಕೌರ್ ದೃಢನಿಶ್ಚಯದಿಂದ ಕಣಕ್ಕೆ ಇಳಿದರು.
ಆಕೆ ಹಿಂದೆ ಸರಿಯುವ ಆಟಗಾರ್ತಿಯಲ್ಲ. ಸದಾ ಮುಂದೆ ಸಾಗುತ್ತಿರುತ್ತಾರೆ. ಅನಾರೋಗ್ಯದಿಂದ ಬಳಲುತ್ತಿದ್ದರೂ ಆಕೆ ಪಂದ್ಯ ಆಡಿದ್ದರು. 20 ಓವರ್ಗಳ ಕಾಲ ಫೀಲ್ಡ್ ನಲ್ಲಿ ಓಡಾಡಿದರು. ತದನಂತರ ಬ್ಯಾಟಿಂಗ್ ಮಾಡಿ ಮತ್ತೆ ಭರವಸೆ ಮೂಡಿಸಿತು. ಜೆಮಿಮಾ ರಾಡ್ರಿಗಸ್ ಕೂಡ ಅವರ ಪಾತ್ರವನ್ನು ನಿರ್ವಹಿಸಿದ್ದಾರೆ. ಹರ್ಮನ್ಪ್ರೀತ್ ಕೌರ್ ಹೇಗೆ ನೋವನುಭವಿಸುತ್ತಿದ್ದಾರೆ ಎಂಬುದನ್ನು ಒಬ್ಬ ಕ್ರೀಡಾಪಟುವಾಗಿ ನಾನು ಅರ್ಥಮಾಡಿಕೊಳ್ಳಬಲ್ಲೆ. ನಾನು ಅವಳ ದುಃಖವನ್ನು ಕಡಿಮೆ ಮಾಡಲು ಪ್ರಯತ್ನಿಸಿದೆ” ಎಂದು ಅಂಜುಮ್ ಚೋಪ್ರಾ ಹೇಳಿದ್ದಾರೆ.
ಗುರುವಾರ ನಡೆದ ಆಸ್ಟ್ರೇಲಿಯಾ ವಿರುದ್ಧದ ಸೆಮಿಫೈನಲ್ ಪಂದ್ಯದಲ್ಲಿ ಭಾರತ ಕೇವಲ 5 ರನ್ಗಳಿಂದ ಸೋತಿತ್ತು. ನಾಯಕಿ ಹರ್ಮನ್ಪ್ರೀತ್ ಕೌರ್ ಅರ್ಧಶತಕ (52) ಬಾರಿಸಿದರೂ ಸೋಲು ಅನಿವಾರ್ಯವಾಯಿತು. ಜೆಮಿಮಾ ರಾಡ್ರಿಗಸ್ 43 ರನ್ ಗಳಿಸಿದರು. ಟಾಸ್ ಗೆದ್ದು ಮೊದಲು ಬ್ಯಾಟ್ ಮಾಡಿದ ಆಸ್ಟ್ರೇಲಿಯಾ 20 ಓವರ್ ಗಳಲ್ಲಿ 4 ವಿಕೆಟ್ ಕಳೆದುಕೊಂಡು 172 ರನ್ ಗಳ ಬೃಹತ್ ಮೊತ್ತ ಕಲೆಹಾಕಿತು. 173 ರನ್ ಗಳ ಗುರಿಯೊಂದಿಗೆ ಕಣಕ್ಕೆ ಇಳಿದ ಟೀಂ ಇಂಡಿಯಾ 20 ಓವರ್ ಗಳಲ್ಲಿ 8 ವಿಕೆಟ್ ನಷ್ಟಕ್ಕೆ 167 ರನ್ ಗಳಿಸಿ 5 ರನ್ ಗಳಿಂದ ಸೋಲನುಭವಿಸಿತು.
Harmanpreet Kaur : Harmanpreet Kaur Cries Inconsolably After India’s T20 World Cup Heartbreak
