Heart Attack : ತಾಳಿ ಕಟ್ಟುವ ಕೊನೆ ಕ್ಷಣದಲ್ಲಿ ಹೃದಯಾಘಾತದಿಂದ ವಧು ಸಾವು…
ತಾಳಿ ಕಟ್ಟುವ ಕೊನೆ ಕ್ಷಣದಲ್ಲಿ ವಧು ಸಾವು
ಹೃದಯಾಘಾತದಿಂದ ಮೃತಪಟ್ಟ ಯುವತಿ
ಉತ್ತರ ಪ್ರದೇಶ ಲಕ್ನೋ ಮಲಿಹಾಬಾದ್ ನಲ್ಲಿ ಘಟನೆ
ಭಾವಿ ಪತಿ ಜೊತೆಗೆ ನಿಂತಿದ್ದಾಗಲೇ ಕುಸಿದ ಶಿವಾಂಗಿ
15-20 ದಿನಗಳ ಹಿಂದೆ ಜ್ವರದಿಂದ ಬಳಲಿದ್ದ ಶಿವಾಂಗಿ
ಇತ್ತೀಚೆಗೆ , ಕೆಟ್ಟ ಜೀವನ ಶೈಲಿ ಇರಬಹುದು , ಒತ್ತಡದ ಜೀವನ ಇರಬಹುದು , ಇಂತಹ ಕಾರಣಗಳಿಂದ ಹೆಚ್ಚಾಗಿ ಹೃದಯಾಘಾತ ಪ್ರಕರಣಗಳು ಬೆಳಕಿಗೆ ಬರುತ್ತಿದೆ.. ಅದ್ರಲ್ಲೂ ಪುಟ್ಟ ಪುಟ್ಟ ಮಕ್ಕಳಿಗೂ ಹೃದಯಾಘಾತವಾಗುತ್ತಿರುವುದು ನಿಜಕ್ಕೂ ಆಘಾತಕಾರಿ ಎನಿಸುತ್ತಿದೆ..
ತೀರ ಇತ್ತೀಚೆಗೆ ಅಂದ್ರೆ ನಿನ್ನೆ ಮಧ್ಯಪ್ರದೇಶದಲ್ಲಿ ಸಾಯಿಬಾಬಾ ಮಂದಿರದಲ್ಲಿಯೇ ತಲೆ ಬಾಗಿ ಬಾಬಾ ನ ಆಶೀರ್ವಾದ ಪಡೆಯುವಾಗಲೇ ಯುಕನೋರ್ಹೃವ ದಯಾಘಾತದಿಂದ ಮೃತಪಟ್ಟಿದ್ದರು..
ಇದೀಗ ಉತ್ತರಪ್ರದೇಶದಲ್ಲೊಂದು ಹೃದಯ ವಿದ್ರಾವಕ ಘಟನೆ ನಡೆದಿದೆ.. ಇನ್ನೇನು ತಾಳಿ ಕಟ್ಟುವ ಕಡೆಯ ಕ್ಷಣದಲ್ಲಿ ವಧು ಹೃದಯಾಘಾತದಿಂದ ಸಾವನಪ್ಪಿದ್ದು , ಡಿಸೆಂಬರ್ 3 ರಂದು ನಡೆದಿದ್ದ ಈ ಘಟನೆ ತಡವಾಗಿ ಬೆಳಕಿಗೆ ಬಂದಿದೆ..
ಮದುವೆ ಮಂಟಪದಲ್ಲೇ ಹಾರ ಬದಲಾಯಿಸುವ ವೇಳೆ 21 ವರ್ಷದ ಯುವತಿ ಶಿವಾಂಗಿ ಹೃದಯಾಘಾತದಿಂದ ಮೃತಪಟ್ಟಿದ್ದಾರೆ. ಲಕ್ನೋನ ಮಲಿಹಾಬಾದ್ ನಗರ ವ್ಯಾಪ್ತಿಯ ಭದ್ವಾನ ಗ್ರಾಮದಲ್ಲಿ ಶಿವಾಂಗಿ ಶರ್ಮಾ ವಿವಾಹ ಇತ್ತು. ಭಾವಿ ಪತಿಯೊಂದಿಗೆ ವೇದಿಕೆ ಮೇಲೆ ಶಿವಾಂಗಿ ಸಂತಸದಿಂದ ಕಾಲ ಕಳೆಯುತ್ತಿದ್ದರು.
ಹಾರ ಬದಲಾಯಿಸಿದ ಬಳಿಕ ಶಿವಾಂಗಿ ಕುಸಿದಿದ್ದು, ಕೂಡಲೇ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಆದರೆ ಅಷ್ಟೊತ್ತಿಗಾಗಲೇ ಆಕೆ ಮೃತಪಟ್ಟಿದ್ದರು , ಸಾವಿಗೆ ಹೃದಯಾಘಾತವೇ ಕಾರಣ ಎಂದು ವೈದ್ಯರು ದೃಢಪಡಿಸಿದ್ದಾರೆ.
ಇನ್ನೂ ಮದುವೆಗಿಂತ 15-20 ದಿನಕ್ಕೂ ಮೊದಲು ರಕ್ತದೊತ್ತಡ ಹಾಗೂ ಜ್ವರದಿಂದ ಬಳಲುತ್ತಿದ್ದ ಶಿವಾಂಗಿ ಚಿಕಿತ್ಸೆ ಪಡೆದು ಚೇತರಿಸಿಕೊಂಡಿದ್ದರು… ಇದಾದ ಬಳಿಕ ಸುಧಾರಿಸಿಕೊಂಡಿದ್ದರು. ಆದರೆ ತಾಳಿ ತಾಳಿ ಕಟ್ಟುವ ಕೊನೆ ಕ್ಷಣದಲ್ಲಿ ಮೃತಪಟ್ಟಿದ್ದಾರೆ..
ಸಂಭ್ರಮದಲ್ಲಿದ್ದ ಕುಟುಂಬಸ್ಥರು ಈಗ ಕಣ್ಣೀರಲ್ಲಿ ಕೈ ತೊಳೆಯುತ್ತಿದ್ದಾರೆ.. ಹೊಸ ಜೀವನ ಆರಂಭಕ್ಕೆ ಕನಸುಗಳನ್ನ ಪೋಣಿಸಿದ್ದ ಯುವತಿ ಬಾರದ ಲೋಕಕ್ಕೆ ಪಯಣ ಬೆಳೆಸಿದ್ದಾಳೆ..
Heart Attack :bride dies in mantap before tying knot
