ದೇಶದಲ್ಲಿ ಲೋಕಸಭೆಗೆ ಕೂಡಲೇ ಚುನಾವಣೆ ನಡೆದರೆ ಬಿಜೆಪಿ ನೇತೃತ್ವದ ಎನ್ ಡಿಎ ಜಯ ಸಾಧಿಸಲಿದೆ. ಆದರೆ, ಹೊಸದಾಗಿ ರಚನೆಯಾಗಿರುವ 26 ಪ್ರತಿಪಕ್ಷಗಳ ಒಕ್ಕೂಟ ಐಎನ್ ಡಿಐಎ ಪ್ರಭಲ ಸ್ಪರ್ಧೆ ನೀಡಲಿವೆ. ಎನ್ ಡಿಎಗೆ 300 ಸ್ಥಾನಗಳು ಲಭಿಸುವ ಸಾಧ್ಯತೆ ಇದೆ. ಪ್ರತಿ ಪಕ್ಷಗಳ ಒಕ್ಕೂಟಕ್ಕೆ 16ರಿಂದ 190 ಸ್ಥಾನಗಳು ಪ್ರಾಪ್ತವಾಗಲಿವೆ. ಇನ್ನಿತರರಿಗೆ 70 ರಿಂದ 80 ಸ್ಥಾನಗಳು ಸಿಗಲಿವೆ ಎಂದು ಸಮೀಕ್ಷೆಯೊಂದು ಹೇಳಿದೆ.
ಹಾಲಿ ಲೋಕಸಭೆಯಲ್ಲಿ ಎನ್ ಡಿಎಗೆ 353 ಸ್ಥಾನಗಳು ಸಿಗಲಿದ್ದರೆ, ಕಾಂಗ್ರೆಸ್ ಗೆ 62 ರಿಂದ 80 ಸ್ಥಾನಗಳು ದೊರಕುವ ಸಾಧ್ಯತೆಗಳು ಇವೆ. ಮಹಾರಾಷ್ಟ್ರ ಹಾಗೂ ಬಿಹಾರದಲ್ಲಿ ಪ್ರತಿಪಕ್ಷಗಳ ಒಕ್ಕೂಟ ಎನ್ ಡಿಎ ಭಾರೀ ಪೈಪೋಟಿ ನೀಡುವ ಸಾಧ್ಯತೆ ಇದೆ. ಆದರೆ, ಮೈತ್ರಿಕೂಟದಲ್ಲಿನ ಪಕ್ಷಗಳ ಭಿನ್ನ ನಿಲುವು ಅವುಗಳಿಗೆ ಮುಳುವಾಗಲಿದೆ. ಮಹಾರಾಷ್ಟ್ರದಲ್ಲಿ ಎನ್ ಡಿಎಗೆ 28 ರಿಂದ 32, ಪ್ರತಿಪಕ್ಷಗಳ ಒಕ್ಕೂಟ 15 ರಿಂದ 19 ಸ್ಥಾನಗಳನ್ನು ಗಳಿಸುವ ಸಾಧ್ಯತೆ ಇದೆ. ಬಿಹಾರದಲ್ಲಿ ಎನ್ ಡಿಎಗೆ 22 ರಿಂದ 24, ಐಎನ್ ಡಿಐಎಗೆ 16 ರಿಂದ 18 ಸ್ಥಾನಗಳು ಪ್ರಾಪ್ತವಾಗಲಿವೆ ಎಂದು ಸಮೀಕ್ಷೆ ಹೇಳಿದೆ.
ಸಮೀಕ್ಷೆಯಂತೆ ಕರ್ನಾಟಕದಲ್ಲಿ ಸಿಎಂ ಸಿದ್ದರಾಮಯ್ಯ ಅವರ ನೇತೃತ್ವದ ಸರ್ಕಾರ ಇದ್ದರೂ ಐಎನ್ ಡಿಐಎ ಮೈತ್ರಿಕೂಟಕ್ಕೆ ಎಂಟರಿಂದ 10 ಸ್ಥಾನ, ಬಿಜೆಪಿಗೆ 18 ರಿಂದ 20 ಸ್ಥಾನಗಳು ಲಭಿಸುವ ನಿರೀಕ್ಷೆ ಇದೆ.
