IND Vs PAK : ಅತ್ತ ಬುಮ್ರಾ.. ಇತ್ತ ಶಾಹಿನ್.. ಜಾಗ ಭರ್ತಿ ಮಾಡೋದು ಯಾರು ?
ಏಷ್ಯಾಕಪ್ 2022 ರ ಭಾಗವಾಗಿ ಭಾರತ ಮತ್ತು ಪಾಕಿಸ್ತಾನ ತಂಡಗಳ ನಡುವೆ ಆಗಸ್ಟ್ 28 ರಂದು ಪಂದ್ಯ ನಡೆಯಲಿದೆ. ಆದ್ರೆ ಈ ಹೈವೋಲ್ಟೇಜ್ ಮ್ಯಾಚ್ ಗೆ ಉಭಯ ತಂಡಗಳ ಸ್ಟಾರ್ ಬೌಲರ್ ಗಳು ದೂರವಾಗಿದ್ದಾರೆ.
ಒಬ್ಬರು ಟೀಂ ಇಂಡಿಯಾದ ಸ್ಟಾರ್ ಜಸ್ ಪ್ರೀತ್ ಬುಮ್ರಾ, ಮತ್ತೊಬ್ಬರು ಪಾಕಿಸ್ತಾನ ತಂಡದ ಸ್ಟಾರ್ ಬೌಲರ್ ಶಾಹಿನ್ ಅಫ್ರಿದಿ. ಈ ಇಬ್ಬರೂ ತಮ್ಮ ತಂಡಗಳ ಪ್ರಧಾನ ಬೌಲರ್ ಗಳಾಗಿದ್ದಾರೆ.
ಒಬ್ಬರು ಯಾರ್ಕರ್ ಕಿಂಗ್ ಆದ್ರೆ ಮತ್ತೊಬ್ಬರು ಇನ್ ಸ್ವಿಂಗ್, ಔಟ್ ಸ್ವಿಂಗ್ ಮೂಲಕ ಎದುರಾಳಿಗಳಿಗೆ ಭಯಹುಟ್ಟಿಸುತ್ತಾರೆ.
ಆದ್ರೆ ಗಾಯದ ಸಮಸ್ಯೆಯಿಂದ ಈ ಇಬ್ಬರೂ ಏಷ್ಯಾಕಪ್ ನಿಂದ ದೂರವಾಗಿದ್ದಾರೆ. ಇವರ ಸ್ಥಾನವನ್ನು ಯಾರು ಭರ್ತಿ ಮಾಡುತ್ತಾರೆ ಎಂದು ಅಭಿಮಾನಿಗಳು ಪ್ರಶ್ನೆಗಳನ್ನು ಕೇಳುತ್ತಿದ್ದಾರೆ.
ಷಾಹಿನ್ ಅಫ್ರಿದಿ ಮೊಣಕಾಲಿನ ಗಾಯದಿಂದ ಬಳಲುತ್ತಿದ್ದಾರೆ. ಶ್ರೀಲಂಕಾ ವಿರುದ್ಧ ನಡೆದ ಮೊದಲ ಟೆಸ್ಟ್ ನಲ್ಲಿ ಫೀಲ್ಡಿಂಗ್ ಮಾಡುವಾಗ ಅಫ್ರಿದಿ ಗಾಯಗೊಂಡಿದ್ದರು.
ಹೀಗಾಗಿ ಅವರು ಶ್ರೀಲಂಕಾ ವಿರುದ್ಧದ ಟೆಸ್ಟ್ ಸರಣಿ ಜೊತೆಗೆ ನೆದರ್ ಲ್ಯಾಂಡ್ ಸರಣಿಯಿಂದಲೂ ದೂರ ಉಳಿದಿದ್ದರು.
![ind-vs-pak-who-replace-bumrah-shaheen-afridi saaksha tv](http://saakshatv.com/wp-content/uploads/2022/08/bumra.jpg)
ಅವರಿಗೆ ತೀವ್ರ ಸ್ವರೂಪದ ಗಾಯವಾಗಿರುವ ಕಾರಣ ಆರು ತಿಂಗಳುಗಳ ಕಾಲ ವಿಶ್ರಾಂತಿ ಪಡೆಯಬೇಕು ಎಂದು ವೈದ್ಯರು ಸೂಚಿಸಿದ್ದಾರೆ. ಹೀಗಾಗಿಯೇ ಅಫ್ರಿದಿ ಏಷ್ಯಾಕಪ್ ಗೆ ದೂರವಾಗಿದ್ದಾರೆ.
ಇತ್ತ ಜಸ್ ಪ್ರಿತ್ ಬುಮ್ರಾ ಅವರ ಪರಿಸ್ಥಿತಿ ಕೂಡ ಇದೇ ರೀತಿ ಇದೆ. ಈ ವರ್ಷ ಜುಲೈನಲ್ಲಿ ನಡೆದ ಇಂಗ್ಲೆಂಡ್ ವಿರುದ್ಧದ ಏಕದಿನ ಸರಣಿಯಲ್ಲಿ ಬುಮ್ರಾ ಗಾಯಗೊಂಡರು.
ಆ ನಂತರ ವೆಸ್ಟ್ ಇಂಡೀಸ್ ವಿರುದ್ಧ ನಡೆದ ಏಕದಿನ, ಟಿ 20 ಸರಣಿಗಳಿಗೆ ಬುಮ್ರಾ ಅಲಭ್ಯರಾಗಿದ್ದರು. ಅವರು ಬೆನ್ನು ನೋವಿನಿಂದ ಇನ್ನೂ ಚೇತರಿಸಿಕೊಳ್ಳದ ಕಾರಣ ಏಷ್ಯಾಕಪ್ ಆಯ್ಕೆ ಮಾಡಿಲ್ಲ.
ಎರಡೂ ದೇಶಗಳ ಕ್ರಿಕೆಟ್ ಬೋರ್ಡ್ ಗಳು ಟಿ 20 ವಿಶ್ವಕಪ್ ಮೇಲೆ ಕಣ್ಣಿಟ್ಟಿದ್ದು, ಭಾರಿ ಪ್ರಣಾಳಿಕೆಗಳನ್ನು ತಯಾರು ಮಾಡುತ್ತಿವೆ. ಇದೇ ಕಾರಣಕ್ಕೆ ಈ ಇಬ್ಬರಿಗೆ ವಿಶ್ರಾಂತಿ ನೀಡಲಾಗಿದೆ ಎಂದು ಹೇಳಲಾಗುತ್ತಿದೆ.
ಅಂದಹಾಗೆ ಏಷ್ಯಾಕಪ್ ಟೂರ್ನಿ ಆಗಸ್ಟ್ 27 ರಿಂದ ಆರಂಭವಾಗಲಿದ್ದು, ಆಗಸ್ಟ್ 28 ರಂದು ಇಂಡೋ ಪಾಕ್ ಕದನ ನಡೆಯಲಿದೆ.