ಪಾಯಿಂಟ್ ಟೇಬಲ್ನಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ಗೆ ಅಗ್ರಸ್ಥಾನ. ಸನ್ರೈಸರ್ಸ್ ಹೈದ್ರಾಬಾದ್ಗೆ ಕೊನೆಯ ಸ್ಥಾನ. ಯುಎಇ ಆವೃತ್ತಿಯಲ್ಲಿ ಚೆನ್ನೈ ಇಲ್ಲಿ ತನಕ ಸೋಲೇ ಕಂಡಿಲ್ಲ.
ಆಡಿರುವ ಮೂರೂ ಪಂದ್ಯಗಳನ್ನು ಗೆದ್ದುಕೊಂಡಿದೆ. ಸನ್ರೈಸರ್ಸ್ ಮೂರು ಪಂದ್ಯಗಳಲ್ಲಿ ಗೆದ್ದಿದ್ದು ಒಂದೇ ಮ್ಯಾಚ್. ಆದರೆ ಉಳಿದ ತಂಡಗಳಿಗೆ ಶಾಕ್ ನೀಡಲು ಸನ್ರೈಸರ್ಸ್ ಪ್ಲಾನ್ ಮಾಡಿದೆ.
ಶಾರ್ಜಾದಲ್ಲಿ ಸೂಪರ್ ಕಿಂಗ್ಸ್ ಪ್ಲೇ-ಅಫ್ನ ಮೊದಲೆರಡು ಸ್ಥಾನದಲ್ಲಿ ಒಂದು ಸ್ಥಾನವನ್ನು ಗಟ್ಟಿ ಮಾಡಿಕೊಳ್ಳುವ ಲೆಕ್ಕದಲ್ಲಿದ್ದರೆ, ಸನ್ರೈಸರ್ಸ್ ಲೆಕ್ಕಾಚಾರದಲ್ಲಿ ಉಳಿದುಕೊಳ್ಳಲು ಹೋರಾಟ ಮಾಡಲಿದೆ.
ಚೆನ್ನೈ ತಂಡದ ಬಗ್ಗೆ ಮಾತೇ ಇಲ್ಲ. ಫಾಫ್ ಮತ್ತು ಗಾಯಕ್ವಾಡ್ಲೆಕ್ಕಾಚಾರದಂತೆ ಆಡ್ತಿದ್ದಾರೆ. ಮೊಯಿನ್, ರಾಯುಡು ಮೂರು ಮತ್ತು 4ನೇ ಸ್ಥಾನವನ್ನು ಗಟ್ಟಿಮಾಡಿದ್ದಾರೆ.
ಧೋನಿ ಮತ್ತು ರೈನಾ ವೀಕ್ ಲಿಂಕ್ ತರಹ ಕಂಡ್ರೂ ಅನುಭವಕ್ಕೆ ಸಾಟಿ ಇಲ್ಲ. ಜಡೇಜಾ, ಬ್ರಾವೋ, ಕರ್ರನ್ರಂತಹ ಆಲ್ರೌಂಡರ್ಗಳ ಆಟಕ್ಕೆ ಸಾಟಿ ಇಲ್ಲ.
ಚಹರ್, ಶಾರ್ದೂಲ್ ಮತ್ತು ಹ್ಯಾಜಲ್ವುಡ್ ಫರ್ಫೆಕ್ಟ್ ಮ್ಯಾಚ್ ವಿನ್ನರ್ಗಳು. ಹೀಗಾಗಿ ಸಿಎಸ್ಕೆ ಎಲ್ಲೂ ವೀಕ್ ಆಗಿ ಕಾಣುತ್ತಿಲ್ಲ.
ಇನ್ನೊಂದು ಕಡೆಯಲ್ಲಿ ಗೊಂದಲಗಳಲ್ಲೇ ಹೈದ್ರಾಬಾದ್ ಸೀಸನ್ ಮುಗಿಸುತ್ತಿದೆ. ಟಾಪ್ ಆರ್ಡರ್ ಸ್ಥಿರವಾಗಿಲ್ಲ. ಮಿಡಲ್ ಆರ್ಡರ್ ಮಿಂಚಿಲ್ಲ. ಲೋವರ್ ಆರ್ಡರ್ಗೆ ಏನ್ ಮಾಡ್ಬೇಕು ಅಂತ ಗೊತ್ತಿಲ್ಲ.
ಬೌಲರ್ಗಳಿಗೆ ಬ್ಯಾಟ್ಸ್ಮನ್ಗಳು ಸಾಥ್ ಕೊಡ್ತಿಲ್ಲ, ಬ್ಯಾಟ್ಸ್ಮನ್ಗಳಿಗೆ ಬೌಲರ್ಗಳ ಸಾಥ್ ಸಿಕ್ತಿಲ್ಲ. ಒಟ್ಟಿನಲ್ಲಿ ಹೈದ್ರಾಬಾದ್ ತಂಡದಲ್ಲಿ ಗೊಂದಲವೋ ಗೊಂದಲ.
ಸಂಭಾವ್ಯ XI
ಚೆನ್ನೈ ಸೂಪರ್ ಕಿಂಗ್ಸ್
- ಫಾಫ್ ಡು ಪ್ಲೆಸಿಸ್, 2. ರುತುರಾಜ್ ಗಾಯಕ್ವಾಡ್, 3 ಮೊಯಿನ್ ಆಲಿ, 4. ಅಂಬಟಿ ರಾಯುಡು, 5. ಸುರೇಶ್ ರೈನಾ, 6. ಎಂ.ಎಸ್.ಧೋನಿ, 7. ರವೀಂದ್ರ ಜಡೇಜಾ, 8. ಡ್ವೈನ್ ಬ್ರಾವೋ, 9. ಶಾರ್ದೂಲ್ ಠಾಕೂರ್, 10. ದೀಪಕ್ ಚಹರ್, 11. ಜೋಶ್ ಹ್ಯಾಜಲ್ವುಡ್/ ಸ್ಯಾಮ್ ಕರ್ರನ್/ ಇಮ್ರಾನ್ ತಾಹಿರ್
ಸನ್ರೈಸರ್ಸ್ ಹೈದ್ರಾಬಾದ್
- ಜೇಸನ್ ರಾಯ್, 2. ವೃದ್ಧಿಮಾನ್ ಸಾಹಾ, 3. ಕೇನ್ ವಿಲಿಯಮ್ಸನ್, 4. ಪ್ರಿಯಮ್ ಗಾರ್ಗ್, 5. ಅಭಿಷೇಕ್ ಶರ್ಮಾ, 6. ಜೇಸನ್ ಹೋಲ್ಡರ್, 7. ಅಬ್ದುಲ್ ಸಮದ್, 8. ರಶೀದ್ ಖಾನ್, 9. ಭುವನೇಶ್ವರ್ ಕುಮಾರ್, 10. ಸಿದ್ಧಾರ್ಥ್ ಕೌಲ್, 11. ಸಂದೀಪ್ ಶರ್ಮಾ