ಶಾರ್ಜಾದ ಪಿಚ್ ಬ್ಯಾಟ್ಸ್ಮನ್ಗಳ ಆರ್ಭಟವನ್ನು ತಡೆದು ನಿಂತಿತು. ನಿಧಾನಗತಿಯ ಪಿಚ್ ಇದ್ದಿದ್ದರಿಂದ ಬ್ಯಾಟ್ಸ್ಮನ್ಗಳ ಲೆಕ್ಕಾಚಾರ ತಪ್ಪಿತು.
ಬೌಲರ್ಗಳು ಕಂಡೀಷನ್ನ ಸಂಪೂರ್ಣ ಲಾಭ ಪಡೆದು ಮಿಂಚಿದ್ರು. ಕೊನೆಯಲ್ಲಿ ಜೇಸನ್ ಹೋಲ್ಡರ್ ಸಿಡಿಲಬ್ಬರದ ಆಟ ಆಡಿದ್ರೂ ಪಂಜಾಬ್ ಗೆಲ್ಲಲಿಲ್ಲ.
5ರನ್ಗಳ ಜಯ ಸಾಧಿಸಿದ ಪಂಜಾಬ್ ಪ್ಲೇ-ಆಫ್ ಆಸೆ ಜೀವಂತ ಇದ್ದರೆ, ಹೈದ್ರಾಬಾದ್ ಇನ್ನುಳಿದ ಪಂದ್ಯವನ್ನು ಔಪಚಾರಿಕವಾಗಿ ಆಡಬೇಕಿದೆ.
ಶಾರ್ಜಾದಲ್ಲಿ ಟಾಸ್ ಗೆದ್ದ ಸನ್ರೈಸರ್ಸ್ ಹೈದ್ರಾಬಾದ್ ಫೀಲ್ಡಿಂಗ್ ಆರಿಸಿಕೊಂಡಿತು. ಆರಂಭದಲ್ಲೇ ಪಿಚ್ ನಿಧಾನಗತಿಯಲ್ಲಿ ಇದ್ದಿದ್ದು ರಾಹುಲ್ ಮತ್ತು ಮಯಾಂಕ್ ರನ್ ಬೇಟೆಗೆ ಅವಕಾಶ ಸಿಗಲಿಲ್ಲ.
21 ಎಸೆತಗಳಲ್ಲಿ 21 ರನ್ಗಳಿಸಿದ ರಾಹುಲ್ ಹೋಲ್ಡರ್ ಎಸೆತದಲ್ಲಿ ಔಟಾದ್ರು. ಮಯಾಂಕ್ ಕೂಡ 5 ರನ್ಗಳಿಸಿದ್ದಾಗ ಹೋಲ್ಡರ್ ಎಸೆತದಲ್ಲಿ ಲೆಕ್ಕಾಚಾರ ತಪ್ಪಿದ್ರು.
ಯುನಿವರ್ಸಲ್ ಬಾಸ್ ಕ್ರಿಸ್ಗೇಲ್ ಮೇಲೆ ನಿರೀಕ್ಷೆ ಇತ್ತು. ಆದ್ರೆ ಗೇಲ್ 17 ಎಸೆತಗಳಲ್ಲಿ 14ರನ್ಗಳಿಸಿದ್ದಾಗ ರಶೀದ್ ಖಾನ್ ಎಸೆತದಲ್ಲಿ ಎಲ್ಬಿ ಬಲೆಗೆ ಬಿದ್ರು.
ಇದೆಲ್ಲದರ ಮಧ್ಯೆ ಏಡಿಯನ್ ಮಾರ್ಕ್ರಾಂ ರನ್ಕಲೆ ಹಾಕುತ್ತಿದ್ದರು. ನಿಕೊಲಸ್ ಪೂರನ್ ಕೂಡ ಸೆಟ್ ಆಗುವ ಲಕ್ಷಣ ತೋರಿದ್ರು. ಆದರೆ ಪೂರನ್ 8 ರನ್ಗಳಿಸಿದ್ದಾಗ ಸಂದೀಪ್ ಶರ್ಮಾ ಎಸೆತದಲ್ಲಿ ಕಾಟ್ ಅಂಡ್ ಬೋಲ್ಡ್ ಆದ್ರು.
27 ರನ್ಗಳಿಸಿದ್ದ ಮಾರ್ಕ್ ರಾಂ ಕೂಡ ಸಮದ್ ಎಸೆತದಲ್ಲಿ ಔಟಾಗಿ ಹೊರ ನಡೆದ್ರು. ಪಂಜಾಬ್ ಕೆಳ ಸರದಿಯ ಆಟಗಾರರು ಕೂಡ ಹೆಚ್ಚು ಹೊತ್ತು ಕ್ರೀಸ್ನಲ್ಲಿ ನಿಲ್ಲಲಿಲ್ಲ.
ನಿಗದಿತ 20 ಓವರುಗಳಲ್ಲಿ ಪಂಜಾಬ್ ಕಿಂಗ್ಸ್ 7 ವಿಕೆಟ್ ಕಳೆದುಕೊಂಡು 125 ರನ್ಗಳಿಸಿತು. ಜೇಸನ್ ಹೋಲ್ಡರ್ 19 ರನ್ಗೆ 3 ವಿಕೆಟ್ ಪಡೆದು ಯಶಸ್ವಿ ಬೌಲರ್ ಎನಿಸಿಕೊಂಡರು.
ಗುರಿ ಬೆನ್ನಟ್ಟಿದ ಸನ್ರೈಸರ್ಸ್ ಕೂಡ ಪಿಚ್ ಕಾಟ ಕೊಟ್ಟಿತು. ವಾರ್ನರ್ ಮೊದಲ ಓವರ್ನಲ್ಲೇ ಶಮಿಗೆ ವಿಕೆಟ್ ಒಪ್ಪಿಸಿದ್ರು. ಕೇನ್ ವಿಲಿಯಮ್ಸನ್ 1 ರನ್ಗಳಿಸಿ ಶಮಿ ಬೌಲಿಂಗ್ನಲ್ಲಿ ಔಟ್ ಆದ್ರು.
ವೃದ್ಧಿಮಾನ್ ಸಾಹ ಮತ್ತು ಮನೀಷ್ ಪಾಂಡೆ ಜೊತೆಯಾಟ ತುಂಬಾ ನಿಧಾನವಾಗಿತ್ತು. ಈ ಹಂತದಲ್ಲಿ ದಾಳಿಗಿಳಿದ ರವಿ ಬಿಷ್ಣೋಯಿ 13 ರನ್ಗಳಿಸಿದ್ದ ಪಾಂಡೆಯನ್ನು ಕ್ಲೀನ್ ಬೌಲ್ಡ್ ಮಾಡಿದ್ರು.
12 ರನ್ಗಳಿಸಿದ್ದ ಜಾಧವ್ ಕೂಡ ಬಿಷ್ಣೋಯಿ ಎಸೆತದಲ್ಲಿ ಬೌಲ್ಡ್ ಆದಾಗ ಪಂಜಾಬ್ ಗೆಲುವಿನ ಲೆಕ್ಕಾಚಾರ ಹಾಕಿಕೊಂಡಿತ್ತು. ಇದರ ಬೆನ್ನಲ್ಲೇ ಅಬ್ದುಲ್ ಸಮದ್ ಕೂಡ ಬಿಷ್ಣೋಯಿ ಮ್ಯಾಜಿಕ್ಗೆ ವಿಕೆಟ್ ಒಪ್ಪಿಸಿ ಹೊರ ನಡೆದ್ರು.
ಎಲ್ಲಾ ಮುಗೀತು ಅಂದುಕೊಂಡಿದ್ದಾಗ ಕ್ರೀಸ್ಗೆ ಇಳಿದ ಜೇಸನ್ ಹೋಲ್ಡರ್ ಸಿಕ್ಸರ್ಗಳ ಸುರಿಮಳೆ ಮಾಡಲು ಆರಂಭಿಸಿದರು. ಪಂಜಾಬ್ ಬೌಲರ್ಗಳು ಲಯ ತಪ್ಪಿದ್ರು.
ಈ ಮಧ್ಯೆ ಸಾಹಾ 31 ರನ್ಗಳಿಸಿದ್ದಾಗ ಇಲ್ಲದ ರನ್ ಕದಿಯಲು ಹೋಗಿ ರನೌಟ್ ಬಲೆಯಲ್ಲಿ ಬಿದ್ರು. ರಶೀದ್ ಖಾನ್ ಕೂಡ ಔಟಾದ್ರು. ಈ ಮಧ್ಯೆ ಹೋಲ್ಡರ್ 29 ಎಸೆತಗಳಲ್ಲಿ 5 ಸಿಕ್ಸರ್ ಮೂಲಕ ಅಜೇಯ 47 ರನ್ಗಳಿಸಿದರೂ ಅದು ಗೆಲುವು ತಂದುಕೊಡಲಿಲ್ಲ.
ಅಂತಿಮವಾಗಿ ಹೈದ್ರಾಬಾದ್ 20 ಓವರುಗಳಲ್ಲಿ 7 ವಿಕೆಟ್ ಕಳೆದುಕೊಂಡು 120 ರನ್ಗಳಿಸಿತು. ಪಂಜಾಬ್ ಪರ ಬಿಷ್ಣೋಯಿ 3 ವಿಕೆಟ್ ಪಡೆದು ಮಿಂಚಿದ್ರು.
ಈ ಗೆಲುವಿನ ಮೂಲಕ ಪಂಜಾಬ್ ಪ್ಲೇ-ಆಫ್ ಆಸೆ ಜೀವಂತವಾಗಿದ್ದರೆ, ಸನ್ ರೈಸರ್ಸ್ ಹೈದ್ರಾಬಾದ್ ಅಂತಿಮ 4ರ ಘಟ್ಟದಿಂದ ಹೊರಬಿತ್ತು.
