ನಿನ್ನೆ ನಡೆದ ಐಪಿಎಲ್ ಪಂದ್ಯದಲ್ಲಿ ಮುಂಬಯಿ ಇಂಡಿಯನ್ಸ್ ವಿರುದ್ಧ ಬೆಂಗಳೂರು ತಂಡ ಸೋಲು ಅನುಭವಿಸಿದೆ. ಈ ಪಂದ್ಯದಲ್ಲಿ ವಿರಾಟ್ ಕೊಹ್ಲಿ (Virat Kohli) ಬೇಗನೇ ಔಟ್ ಆಗುತ್ತಿದ್ದಂತೆ ಲಕ್ನೋ ಸೂಪರ್ ಜೈಂಟ್ಸ್ ತಂಡದ ನವೀನ್ ಉಲ್ ಹಕ್ (Naveen ul Haq) ಕೆಣಕುವ ರೀತಿ ಪೋಸ್ಟ್ ಮಾಡಿದ್ದಾರೆ.
ನವೀನ್ಗೆ ಗೌತಮ್ ಗಂಭೀರ್ (Gautam Gambhir) ಕೂಡ ಸಾಥ್ ನೀಡಿದ್ದಾರೆ. ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಬ್ಯಾಟರ್ ವಿರಾಟ್ ಕೊಹ್ಲಿ (RCB Batter Virat Kohli) ಮತ್ತು ಲಕ್ನೋ ಸೂಪರ್ ಜೈಂಟ್ಸ್ ತಂಡದ ಬೌಲರ್ ನವೀನ್-ಉಲ್-ಹಕ್ (Naveen ul Haq), ಗೌತಮ್ ಗಂಭೀರ್ (Gautam Gambhir) ಮಧ್ಯೆದ ಜಗಳ ಮತ್ತೆ ಮುಂದುವರೆದಿದೆ.
ಆರ್‌ಸಿಬಿಯ ಹೀನಾಯ ಸೋಲಿಗೂ ಮುನ್ನ ನವೀನ್ ತಮ್ಮ ಇನ್ಸ್ಟಾಗ್ರಾಂನಲ್ಲಿ ಕೊಹ್ಲಿ ಅಭಿಮಾನಿಗಳನ್ನು ಕೆರಳಿಸುವಂತೆ ಪೋಸ್ಟ್ ಮಾಡಿದ್ದಾರೆ. ನವೀನ್, ವಿರಾಟ್ ವಿಕೆಟ್ ಕಳೆದುಕೊಳ್ಳುತ್ತಿದ್ದಂತೆ, ತಮ್ಮದೇ ಶೈಲಿಯಲ್ಲಿ ಫೋಸ್ಟ್ ಮಾಡಿದ್ದಾರೆ. ಆ ಮೂಲಕ ಕೊಹ್ಲಿಯನ್ನು, ನವೀನ್-ಉಲ್-ಹಕ್ ಕಿಂಡಲ್ ಮಾಡಿದ್ದಾರೆ. ಮಾವಿನ ಹಣ್ಣುಗಳ ಚಿತ್ರವನ್ನೂ ಹಂಚಿಕೊಂಡಿದ್ದಾರೆ. ನವೀನ್ ತಮ್ಮ ಇನ್ಸ್ಟಾಗ್ರಾಮ್ ಸ್ಟೋರಿಯಲ್ಲಿ ಟಿವಿ ಪರದೆಯ ಚಿತ್ರ, ಹಾಗೇ ರಸಭರಿತ ಮಾವಿನ ಹಣ್ಣುಗಳು ಎಂಬ ಶೀರ್ಷಿಕೆಯನ್ನು ನೀಡಿದ್ದಾರೆ. 2ನೇ ಸುತ್ತಿನಲ್ಲೂ ಮಾವಿನ ಹಣ್ಣುಗಳು ಅದ್ಭುತವಾಗಿದ್ದವು ಎಂದು 2ನೇ ಇನ್ಸ್ಟಾ ಸ್ಟೇಟಸ್ ಹಾಕಿದ್ದಾರೆ. ಇದು ಕಿಂಗ್ ಕೊಹ್ಲಿ ಅವರ ಅಭಿಮಾನಿಗಳಿಗೆ ಕೋಪ ತರಿಸಿದೆ. 4 ಎಸೆತಗಳಲ್ಲಿ 1 ರನ್ ಗಳಿಸಿ ಕೊಹ್ಲಿ ಔಟಾದರು.
ಗೌತಮ್ ಗಂಭೀರ್ ಕೂಡ ಕೊಹ್ಲಿಯನ್ನು ಕೆಣಕುವ ರೀತಿ ಪೋಸ್ಟ್ ಮಾಡಿದ್ದಾರೆ. ಅಪರೂಪಕ್ಕೆ ತಮ್ಮ ಇನ್ಸ್ಟಾಗ್ರಾಂನಲ್ಲಿ ಸ್ಟೇಟಸ್ ಹಾಕುವ ಗೌತಮ್ ಗಂಭೀರ್, ವಿರಾಟ್ ವಿಕೆಟ್ ಕಬಳಿಸಿದ ಜೇಸನ್ ಬೆಹ್ರೆಂಡಾರ್ಫ್ ಅವರ ಫೋಟೋವನ್ನು ಹಂಚಿಕೊಂಡಿದ್ದಾರೆ. ಎಂತಹ ಅದ್ಭುತ ಆಟಗಾರ ಎಂದು ಹೊಗಳುವ ಮೂಲಕ ಕ್ಯಾಪ್ಶನ್ ಬರೆದಿದ್ದಾರೆ. ಈ ಮೂಲಕ ಕೊಹ್ಲಿಗೆ ಕೌಂಟರ್ ನೀಡಿದ್ದಾರೆ. ಆದರೆ ಪೋಸ್ಟ್ ಅನ್ನು ಕೆಲವೇ ನಿಮಿಷಗಳಲ್ಲಿ ಡಿಲಿಟ್ ಮಾಡಿದ್ದಾರೆ.
