ಸೆಪ್ಟೆಂಬರ್ ನಲ್ಲಿ ಐಪಿಎಲ್ ಪಾರ್ಟ್-2
ಕೊರೊನಾದಿಂದಾಗಿ ಅರ್ಧದಲ್ಲೇ ಸ್ಥಗಿತಗೊಂಡಿರುವ ಇಂಡಿಯನ್ ಪ್ರೀಮಿಯರ್ ಲೀಗ್ ನ ದ್ವಿತೀಯಾರ್ಧ ಯಾವಾಗ..? ಹೇಗೆ..? ನಡೆಯುತ್ತೆ ಅನ್ನೋದನ್ನ ಕಣ್ತುಂಬಿಕೊಳ್ಳಲು ಕೋಟ್ಯಾಂತರ ಕ್ರಿಕೆಟ್ ಅಭಿಮಾನಿಗಳು ಜಾತಕಪಕ್ಷಿಗಳಿಂತೆ ಕಾದುಕುಳಿತಿದ್ದಾರೆ. ಈ ಬಾರಿಯ ಐಪಿಎಲ್ ನಲ್ಲಿ ಇನ್ನೂ 31 ಪಂದ್ಯಗಳು ಉಳಿದುಕೊಂಡಿದ್ದು, ಈ ಮ್ಯಾಚ್ ಗಳನ್ನ ಯಾವಾಗ ಆಡಿಸಬೇಕು ಎಂದು ಬಿಸಿಸಿಐ ಮಂಥನ ಮಾಡುತ್ತಿದೆ. ಹೇಗಾದರೂ ಒಂದು ರೀತಿಯಲ್ಲಿ ಇನ್ನುಳಿದ ಐಪಿಎಲ್ ಪಂದ್ಯಗಳನ್ನ ಆಡಿಸಬೇಕು ಎಂದು ಬಿಸಿಸಿಐ ಪ್ರಯತ್ನಗಳನ್ನು ನಡೆಸುತ್ತಿದೆ.
ಹಾಗಾದ್ರೆ ಬಿಸಿಸಿಐಗೆ ಇರುವ ಆಯ್ಕೆಗಳೇನು ಅಂತ ನೋಡೊದಾದ್ರೆ.. ಅದಕ್ಕೆ ಸಿಗೋ ಉತ್ತರ ಸೆಪ್ಟೆಂಬರ್..!! ಯಾಕೆಂದ್ರೆ ಈ ಬಾರಿಯ ಟಿ 20 ವಿಶ್ವಕಪ್ ಅಕ್ಟೋಬರ್ ತಿಂಗಳ ಮೂರನೇ ವಾರದಲ್ಲಿ ಶುರುವಾಗಲಿದೆ. ಈ ಹಿನ್ನೆಲೆಯಲ್ಲಿ ಸೆಪ್ಟೆಂಬರ್ ನಲ್ಲಿ ಐಪಿಎಲ್ ನಡೆದರೇ ಸೂಕ್ತ ಎಂದು ಕ್ರಿಕೆಟ್ ಪಂಡಿತರು ಅಭಿಪ್ರಾಯಪಟ್ಟಿದ್ದಾರೆ. ಅಲ್ಲದೆ ಐಪಿಎಲ್ ಸೆಪ್ಟೆಂಬರ್ ನಲ್ಲಿ ನಡೆದರೇ ಆಗ ಅಂತರಾಷ್ಟ್ರೀಯ ಪಂದ್ಯಗಳು ಹೆಚ್ಚಿನ ಸಂಖ್ಯೆಯಲ್ಲಿ ಇಲ್ಲದಿರುವ ಕಾರಣ ಎಲ್ಲಾ ಸ್ಟಾರ್ ಆಟಗಾರರು ಟೂರ್ನಿಗೆ ಲಭ್ಯವಾಗಲಿದ್ದಾರೆ.
ಒಂದು ವೇಳೆ ಏನಾದರೂ ನವೆಂಬರ್ – ಡಿಸೆಂಬರ್ ನಲ್ಲಿ ಐಪಿಎಲ್ ನಡೆದರೇ ಆಗ ಸಾಕಷ್ಟು ಆಟಗಾರರು ಐಪಿಎಲ್ ನಿಂದ ದೂರ ಉಳಿಯಬೇಕಾಗುತ್ತಿದೆ. ನವೆಂಬರ್ ನಲ್ಲಿ ಸಾಕಷ್ಟು ಅಂತರಾಷ್ಟ್ರೀಯ ಪಂದ್ಯಗಳು ನಡೆಯಲಿವೆ. ಈ ಹಿನ್ನೆಲೆಯಲ್ಲಿ ಬಿಸಿಸಿಐ ಸೆಪ್ಟೆಂಬರ್ ನಲ್ಲಿ ಐಪಿಎಲ್ ನಡೆಸುವ ಯೋಚನೆಯಲ್ಲಿದೆ ಎಂದು ಹೇಳಲಾಗುತ್ತಿದೆ.
ಆದ್ರೆ ಸೆಪ್ಟೆಂಬರ್ ನಲ್ಲಿ ಐಪಿಎಲ್ ನಡೆಸಬೇಕಾದ್ರೆ ಕನಿಷ್ಠ ಮೂರು ವಾರಗಳ ವಿಂಡೋ ಬೇಕಾಗುತ್ತದೆ. ಆದ್ರೆ ಅಷ್ಟು ಕಾಲಾವಧಿ ನಮಗೆ ದೊರಕುತ್ತಾ ಅನ್ನೋದು ಈಗ ಪ್ರಶ್ನೆಯಾಗಿದೆ. ಯಾಕೆಂದ್ರೆ ಸೆಪ್ಟೆಂಬರ್ 14ರವರೆಗೂ ಟೀಂ ಇಂಡಿಯಾ ಇಂಗ್ಲೆಂಡ್ ವಿರುದ್ಧ ಟೆಸ್ಟ್ ಸರಣಿಯಲ್ಲಿ ಸೆಣಸಾಡಲಿದೆ. ಈ ಅವಧಿಯಲ್ಲಿ ಐಪಿಎಲ್ ನಡೆಸಬೇಕಾದರೇ ಇಂಗ್ಲೆಂಡ್ ವಿರುದ್ಧದ ಟೆಸ್ಟ್ ಸರಣಿಯ ಪಂದ್ಯಗಳನ್ನು ಕಡಿತಗೊಳಿಸಬೇಕು. ಒಂದು ವೇಳೆ ಏನಾದ್ರೂ ಸೆಪ್ಟೆಂಬರ್ ನ ಮೊದಲ ವಾರದಲ್ಲಿ ಇಂಗ್ಲೆಂಡ್ ಟೂರ್ ಮುಗಿದ್ರೆ ಇನ್ನುಳಿದ ಮೂರು ವಾರದಲ್ಲಿ ಐಪಿಎಲ್ ಪಂದ್ಯಾವಳಿಗಳನ್ನು ಆಯೋಜಿಸಬಹುದು ಅನ್ನೋದು ಬಿಸಿಸಿಐ ಲೆಕ್ಕಾಚಾರವಾಗಿದೆ. ಇದೇ ಕಾರಣಕ್ಕಾಗಿ ಬಿಸಿಸಿಐ ಇಂಗ್ಲೆಂಡ್ ಕ್ರಿಕೆಟ್ ಬೋರ್ಡ್ ಗೆ ಒಂದು ಮನವಿಯನ್ನೂ ಸಹ ಮಾಡಿಕೊಂಡಿದೆ. ಈ ಮನವಿಯಲ್ಲಿ ಮುಖ್ಯವಾಗಿ ಇಂಡೋ ಆಂಗ್ಲೋ ಟೆಸ್ಟ್ ಸರಣಿಯನ್ನು ಆದಷ್ಟು ಬೇಗ ಆಡಸಬೇಕು ಅಂದ್ರೆ ಜುಲೈ ತಿಂಗಳ ಎರಡನೇ ವಾರದಲ್ಲಿ ಸರಣಿ ಆರಂಭಿಸುವ ಬಗ್ಗೆ ಮನವಿ ಮಾಡಿದೆ. ಆದ್ರೆ ಇಂಗ್ಲೆಂಡ್ ಕ್ರಿಕೆಟ್ ಬೋರ್ಡ್ನಿಂದ ಈ ಬಗ್ಗೆ ಯಾವುದೇ ರಿಪ್ಲೇ ಬಂದಿಲ್ಲ.
ಆದ್ರೆ ಇಂಗ್ಲೆಂಡ್ ಕ್ರಿಕೆಟ್ ಬೋರ್ಡ್ ಏನಾದ್ರೂ ಬಿಸಿಸಿಐನ ಮನವಿಗೆ ಸ್ಪಂದಿಸಿ, ಜುಲೈನಲ್ಲೆ ಟೆಸ್ಟ್ ಸರಣಿ ನಡೆಸಲು ಓಕೆ ಅಂದ್ರೆ ಸೆಪ್ಟೆಂಬರ್ ನಲ್ಲಿ ಮತ್ತೆ ಐಪಿಎಲ್ ಹಂಗಾಮ ಶುರುವಾಗಲಿದೆ.
