IPL 2022 | ವಿರಾಟ್ ದಾಖಲೆ ಮುರಿಯಲಿಲ್ಲ.. ಆದ್ರೆ..
15 ನೇ ಆವೃತ್ತಿಯ ಇಂಡಿಯನ್ ಪ್ರಿಮಿಯರ್ ಲೀಗ್ ನಲ್ಲಿ ರಾಜಸ್ಥಾನ್ ರಾಯಲ್ಸ್ ತಂಡ ಬ್ಯಾಟರ್ ಜೋಸ್ ಬಟ್ಲರ್ ಅದ್ಭುತ ಫಾರ್ಮ್ ನೊಂದಿಗೆ ಅಬ್ಬರಿಸಿದರು.
ರಾಜಸ್ಥಾನ್ ರಾಯಲ್ಸ್ ತಂಡ ಈ ಬಾರಿ ಫೈನಲ್ ವರೆಗೂ ತಲುಪುವುದರಲ್ಲಿ ಜೋಸ್ ಬಟ್ಲರ್ ಪ್ರಮುಖ ಪಾತ್ರ ವಹಿಸಿದ್ದರು.
ಒಂದು ಲೆಕ್ಕದಲ್ಲಿ ರಾಯಲ್ಸ್ ತಂಡದ ಬ್ಯಾಟಿಂಗ್ ಬಲ ನಿಂತಿದ್ದಿದ್ದೇ ಬಟ್ಲರ್ ಮೇಲೆ. ಆತ ಅಬ್ಬರಿಸಿದ್ರೆ ತಂಡ ಗೆಲ್ಲುತ್ತಿತ್ತು, ಆತ ಮಿಂಚದೇ ಇದ್ದರೇ ತಂಡ ಸೋಲು ಗ್ಯಾರಂಟಿ ಎಂಬಂತಾಗಿತ್ತು. ತಾಜಾ ಆಗಿ ಗುಜರಾತ್ ಟೈಟಾನ್ಸ್ ವಿರುದ್ಧದ ಪಂದ್ಯದಲ್ಲಿಯೂ ಇದೇ ಮರುಕಳಿಸಿತು.
ಕ್ವಾಲಿಫೈಯರ್ ಎರಡರಲ್ಲಿ ಸೆಂಚೂರಿ ಸಿಡಿಸಿ ಮಿಂಚಿದ್ದ ಬಟ್ಲರ್ ಅದೇ ಪ್ರದರ್ಶನವನ್ನು ಗುಜರಾತ್ ಟೈಟಾನ್ಸ್ ವಿರುದ್ಧ ಮುಂದುವರೆಸಲಿಲ್ಲ.
39 ರನ್ ಗಳಿಸಿ ಹಾರ್ದಿಕ್ ಪಾಂಡ್ಯ ಬೌಲಿಂಗ್ ನಲ್ಲಿ ವೃದ್ಧಿಮಾನ್ ಸಹಾಗೆ ಕ್ಯಾಚ್ ನೀಡಿ ನಿರ್ಗಮಿಸಿದರು. ಫೈನಲ್ ಪಂದ್ಯಕ್ಕೂ ಮುನ್ನಾ ಬಟ್ಲರ್ ಈ ಸೀಸನ್ ನಲ್ಲಿ ಮತ್ತೊಂದು ಶತಕ ಸಿಡಿಸುತ್ತಾರೆ.
ವಿರಾಟ್ ಕೊಹ್ಲಿ ದಾಖಲೆ ಮುರಿಯುತ್ತಾರೆ ಎಂದು ಎಲ್ಲರೂ ಭಾವಿಸಿದ್ದರು. ಆದ್ರೆ ಬಟ್ಲರ್ 39 ರನ್ ಗಳಿಗೆ ಔಟ್ ಆಗುವುದರ ಮೂಲಕ ಕೊಹ್ಲಿ ರಿಕಾರ್ಡ್ ಮುರಿಯಲು ಸಾಧ್ಯವಾಗಲಿಲ್ಲ. ಆದಾಗ್ಯೂ ಕೊಹ್ಲಿ ರಿಕಾರ್ಡ್ ಬ್ರೇಕ್ ಮಾಡದೇ ಇದ್ದರೂ ಬಟ್ಲರ್ ಐಪಿಎಲ್ ನಲ್ಲಿ ಹೊಸ ದಾಖಲೆ ನಿರ್ಮಿಸಿದ್ದಾರೆ.
15ನೇ ಆವೃತ್ತಿಯ ಐಪಿಎಲ್ನಲ್ಲಿ ಭರ್ಜರಿ ಬ್ಯಾಟಿಂಗ್ ಮೂಲಕ ಅಬ್ಬರಿಸಿದ ಜಾಸ್ ಬಟ್ಲರ್, ಐಪಿಎಲ್ ಆವೃತ್ತಿಯೊಂದರಲ್ಲಿ ಅತಿಹೆಚ್ಚು ರನ್ಗಳಿಸಿದ 2ನೇ ಬ್ಯಾಟ್ಸ್ಮನ್ ಎಂಬ ಹೆಗ್ಗಳಿಕೆ ಪಡೆದರು. ಅಲ್ಲದೇ 2022ರ ಐಪಿಎಲ್ ʼಆರೆಂಜ್ ಕ್ಯಾಪ್ʼ ತಮ್ಮ ಮುಡಿಗೇರಿಸಿಕೊಂಡರು.
ಈ ಆವೃತ್ತಿಯಲ್ಲಿ ಆಡಿದ 17 ಪಂದ್ಯಗಳಿಂದ 57.53ರ ಬ್ಯಾಟಿಂಗ್ ಸರಾಸರಿ, 149.05ರ ಸ್ಟ್ರೈಕ್ ರೇಟ್ನಿಂದ 4 ಅರ್ಧಶತಕ. 4 ಶತಕ ಸಿಡಿಸಿದರು.
ಆ ಮೂಲಕ ಡೇವಿಡ್ ವಾರ್ನರ್(848 ರನ್ಗಳ) ಹೆಸರಿನಲ್ಲಿದ್ದ ದಾಖಲೆಯನ್ನು ಹಿಂದಿಕ್ಕಿ 2ನೇ ಸ್ಥಾನಕ್ಕೇರಿದರು. ಒಂದೇ ಸೀಸನ್ನಲ್ಲಿ 973 ರನ್ಗಳಿಸಿರುವ ವಿರಾಟ್ ಕೊಹ್ಲಿ, ಅಗ್ರಸ್ಥಾನದಲ್ಲಿದ್ದಾರೆ.
2016ರ ಐಪಿಎಲ್ನಲ್ಲಿ ಭರ್ಜರಿ ಪ್ರದರ್ಶನ ನೀಡಿದ್ದ ಡೇವಿಡ್ ವಾರ್ನರ್, ಸನ್ರೈಸರ್ಸ್ ಹೈದ್ರಾಬಾದ್ ಪರ 17 ಪಂದ್ಯಗಳಿಂದ 60.57ರ ಸರಾಸರಿಯಲ್ಲಿ 848 ರನ್ಗಳಿಸಿ ಸೀಸನ್ ಒಂದರಲ್ಲಿ ಅತಿಹೆಚ್ಚು ರನ್ಗಳಿಸಿದ ಬ್ಯಾಟ್ಸ್ಮನ್ಗಳಲ್ಲಿ 2ನೇ ಸ್ಥಾನದಲ್ಲಿದ್ದರು.
ಇದೇ ಆವೃತ್ತಿಯಲ್ಲಿ ಸರ್ವಶ್ರೇಷ್ಠ ಬ್ಯಾಟಿಂಗ್ ಪ್ರದರ್ಶನ ನೀಡಿದ್ದ ವಿರಾಟ್ ಕೊಹ್ಲಿ 4 ಶತಕದಿಂದ 973 ರನ್ಗಳಿಸಿದ್ದರು. ಕೊಹ್ಲಿ ಅವರ ಈ ಸಾಧನೆ ಇಂದಿಗೂ ಮೊದಲ ಸ್ಥಾನದಲ್ಲಿದೆ.
