ಸ್ಯಾಂಡಲ್ ವುಡ್ ನಲ್ಲಿ ಡ್ರಗ್ಸ್ ಘಾಟು ಜೋರಾಗಿಯೇ ಇದ್ದು, ಈಗಾಗಲೇ ಅನೇಕ ತಾರೆಯರಿಗೆ ಕಂಟಕ ಶುರುವಾಗಿದೆ. ಡ್ರಗ್ಸ್ ಲಿಂಗ್ ಆರೋಪ ಪ್ರಲರಣ ಸಂಬಂಧ ಈಗಾಗಲೇ ತುಪ್ಪದ ಬೆಡಗಿ ರಾಗಿಣಿ ಹಾಗೂ ಸಂಜನಾ ಪರಪ್ಪನ ಅಗ್ರಹಾರದಲ್ಲಿ ಕಂಬಿ ಎಣಿಸುತ್ತಿದ್ದಾರೆ. ಚಂದನವನದಲ್ಲಿ ಶುರುವಾದ ಡ್ರಗ್ಸ್ ಅಲೆ ಕಿರುತೆರೆಗೂ ಲಗ್ಗೆ ಇಟ್ಟಿತ್ತು. ಕಿರುತೆರೆಯ ಹೆಸರಾಂತ ನಟರಿಗೂ ಡ್ರಗ್ಸ್ ಲಿಂಕ್ ಇದೆ ಎನ್ನಲಾಗಿತ್ತು. ಅಲ್ಲದೇ ಬ್ರಹ್ಮಗಂಟು ಗೀತಾ, ಗಟ್ಟಿಮೇಳದ ಅಭಿಷೇಕ್ ದಾಸ್, ರಶ್ಮಿಕಾ ಚಂಗಪ್ಪಗೆ ಸಿಸಿಬಿ ನೋಟೀಸ್ ಜಾರಿ ಮಾಡಿತ್ತು.
ಇದೀಗ ಕನ್ನಡದ ಖ್ಯಾತ ನಿರೂಪಕಿ ಹಾಗೂ ನಟಿಯಾಗಿ ಅತ್ಯಂತ ಹೆಚ್ಚು ಜನಪ್ರಿಯತೆ ಗಳಿಸಿರುವ ಅನುಶ್ರೀಗೂ ನಶೆ ಕಂಟಕ ಎದುರಾಗಿದೆ. ನಿರೂಪಣೆಯಿಂದಲೇ ಹೆಚ್ಚಾಗಿ ಜನಮನ್ನಣೆ ಪಡೆದಿರುವ ಅನುಶ್ರೀಗೂ ಸಿಸಿಬಿ ನೋಟಿಸ್ ಜಾರಿಯಾಗಿದೆ. ಅನುಶ್ರೀ ಈಗಾಗಲೇ ವಿಚಾರಣೆಗೆ ಹಾಜರಾಗಿದ್ದಾರೆ. ಇತ್ತೀಚೆಗಷ್ಟೇ ಡ್ರಗ್ಸ್ ಪ್ರಕರಣದಲ್ಲಿ ಅರೆಸ್ಟ್ ಆದ ಡ್ಯಾನ್ಸರ್ ಕಿಶೋರ್ ಶೆಟ್ಟಿ ಹೇಳಿಕೆ ಆಧರಿಸಿ ನೋಟಿಸ್ ಜಾರಿ ಮಾಡಲಾಗಿದೆ ಎನ್ನಲಾಗಿದೆ. ಇನ್ನೂ ಮೂಲಗಳ ಪ್ರಕಾರ ಅನುಶ್ರೀ ಮಂಗಳೂರಿನಲ್ಲಿ ಆಯೋಜಿಸಲಾಗಿದ್ದ ಡ್ರಗ್ಸ್ ಪಾರ್ಟಿಯಲ್ಲೂ ಬಾಗಿಯಾಗಿದ್ದ ಬಗ್ಗೆ ಕಿಶೋರ್ ಹೇಳಿರುವುದು ತಿಳಿದು ಬಂದಿದೆ. ಇದೇ ಹಿನ್ನೆಲೆ ಅನುಶ್ರೀಗೆ ಸಿಸಿಬಿ ಬುಲಾವ್ ನೀಡಿರುವ ಸಾಧ್ಯತೆಯಿದೆ.
ಅಂದ್ಹಾಗೆ ಕನ್ನಡದ ಚಿರಪರಿಚಿತ ನಿರೂಪಿಯಾಗಿರುವ ಅನುಶ್ರೀ 1990ರ ಜುಲೈ 30ರಂದು ಬೆಂಗಳೂರಿನಲ್ಲಿ ಜನಿಸಿದ್ರು. ಅನುಶ್ರೀ ತಂದೆ ಸಂಪತ್, ಮತ್ತು ತಾಯಿ ಶಶಿಲಾ. ಅನುಶ್ರೀ ಮೂಲತಃ ತುಳುವಿನವರಾಗಿದ್ದು, ವಿದ್ಯಾಭ್ಯಾಸ ಮುಗಿಯುತ್ತಿದ್ದಂತೆ ಅವರನ್ನು ದೂರದರ್ಶನದಲ್ಲಿ ಕೆಲಸ ಮಾಡುವ ಅವಕಾಶ ಹುಡುಕಿಕೊಂಡುಬಂದಿತ್ತು.
ಮೊದಲಿಗೆ ಅನುಶ್ರೀ ಅವರು ಮಂಗಳೂರಿನಲ್ಲಿ ನಮ್ಮ ಟಿವಿಯಲ್ಲಿ ಪ್ರಸಾರವಾದ ಟೆಲಿ ಅಂತ್ಯಾಕ್ಷರಿಯಲ್ಲಿ ನಿರೂಪಣೆ ಮಾಡುವ ಮೂಲಕ ವೃತ್ತಿ ಜೀವನವನ್ನ ಆರಂಭಿಸಿದ್ದರು. ಬಳಿಕ ಜನಪ್ರಿಯ ಖಾಸಗಿ ವಾಹಿಯಲ್ಲಿ ಡಿಮ್ಯಾಂಡಪ್ಪೋ ಡಿಮ್ಯಾಂಡು ಟಿವಿ ಶೋ ನಡೆಸಿಕೊಟ್ಟು ಜನರಿಗೆ ಚಿರ ಪರಿಚಿತರಾದರು. ಇಲ್ಲಿಂದಲೇ ಅನುಶ್ರೀ ಅವರು ಹೆಚ್ಚು ಪ್ರಸಿದ್ಧಿ ಗಳಿಸಿ ಒಂದಾದ ಮೇಲೊಂದು ಅವಕಾಶಗಳನ್ನ ತಮ್ಮದಾಗಿಸಿಕೊಂಡ್ರು. ಇನ್ನೂ ಸರಿಗಮಪ ಸೇರಿದಂತೆ ಹಲವಾರು ರಿಯಾಲಿಟಿ ಶೋಗಳನ್ನ ಹೋಸ್ಟ್ ಮಾಡಿರುವ ಅನು ಬಿಗ್ ಬಾಸ್ ಕನ್ನಡ ಸೀಸನ್ 1 ನಲ್ಲಿ ಪ್ರತಿಸ್ಪರ್ಧಿಯೂ ಆಗಿದ್ದರು. 80 ದಿನಗಳ ಕಾಲ ಬಿಗ್ ಬಾಸ್ ಮನೆಯಲ್ಲಿದ್ದು, ತದನಂತರು ಮನೆಯಿಂದ ಆಚೆ ಬಂದಿದ್ದರು.
ಇದರ ಹೊರತಾಗಿ ಅನು ಹಲವಾರು ಸ್ಟೇಜ್ ಕಾರ್ಯಕ್ರಮಗಳನ್ನೂ ಸಹ ಹೋಸ್ಟ್ ಮಾಡಿದ್ದಾರೆ. ಸುವರ್ಣ ಫಿಲ್ಮ್ ಅವಾರ್ಡ್ಸ್, ಫಿಲ್ಮ್ ಫೇರ್ ಅವಾರ್ಡ್ಸ್, TV9 ಫಿಲ್ಮ್ ಫೇರ್ ಅವಾರ್ಡ್ಸ್, ಝೀ ಮ್ಯೂಸಿಕ್ ಅವಾರ್ಡ್ಸ್ ಹೀಗೆ ಹಲವಾರು ಕಾರ್ಯಕ್ರಮಗಳಲ್ಲಿ ತಮ್ಮ ಅದ್ಭುತ ನಿರೂಪಣೆಯಿಂದಲೇ ಜನರ ಆಚ್ಚು ಮೆಚ್ಚಿನ ಆಂಕರ್ ಎನಿಸಿಕೊಂಡಿದ್ದಾರೆ ಅನುಶ್ರೀ.
ಕೇವಲ ನಿರೂಪಣೆ ಅಷ್ಟೇ ಅಲ್ಲದೇ ಅನು ಬೆಂಕಿಪಟ್ಟಣ, ಉಪ್ಪು ಹುಳಿ ಖಾರದಂತಹ ಸಿನೆಮಾಗಳಲ್ಲಿ ಮುಖ್ಯಭೂಮಿಕೆಯಲ್ಲಿ ನಟಿಸಿ ಸ್ಯಾಮಡಲ್ ವುಡ್ ನಲ್ಲಿ ಹೆಸರು ಮಾಡಿದ್ದಾರೆ. ಅಲ್ಲದೇ ಮುರುಳಿ ಮೀಟ್ಸ್ ಮೀರಾ ಚಿತ್ರಕ್ಕಾಗಿ ಕರ್ನಾಟಕ ಸ್ಟೇಟ್ ಫಿಲ್ಮ್ ಅವಾರ್ಡ್ ಫಾರ್ ಬೆಸ್ಟ್ ಡಬ್ಬಿಂಗ್ ಆರ್ಟಿಸ್ಟ್ ಅವಾರ್ಡ್ ತಮ್ಮದಾಗಿಸಿಕೊಂಡಿದ್ದಾರೆ. ಬೆಂಕಿಪಟ್ಟಣ ಚಿತ್ರಕಕ್ಕಾಗಿ ಬೆಸ್ಟ್ ಡೆಬ್ಯೂಟ್ ನಟಿ ಪ್ರಶಸ್ತಿಗೂ ಭಾಜರಾಗಿದ್ದಾರೆ ಅನುಶ್ರೀ.
ಇಷ್ಟೆಲ್ಲಾ ಖ್ಯಾತಿ ಗಳಿಸಿ ಅಪಾರ ಅಭಿಮಾನಿಗಳನ್ನೂ ಸಂಪಾದನೆ ಮಾಡಿರುವ ಅನು ಸದ್ಯಕ್ಕೆ ಕನ್ನಡದ ಟಾಪ್ ನಿರೂಪಕರಲ್ಲಿ ಅಗ್ರ ಸ್ಥಾನದಲ್ಲಿದ್ದಾರೆ. ಅಲ್ಲದೇ ಮೋಸ್ಟ್ ಬ್ಯುಸಿಯೆಸ್ಟ್ ಆಂಕರ್ ಕೂಡ ಹೌದು. ಆದ್ರೆ ಡ್ರಗ್ಸ್ ಲಿಂಕ್ ನಲ್ಲಿ ಅನು ಹೆಸರು ಸೇರಿಕೊಂಡಿದ್ದು, ವಿಚಾರಣೆಗೆ ಹಾಜರಾಗಿದ್ದಾರೆ. ಸದ್ಯ ಸಂಪೂರ್ಣ ತನಿಖೆಯ ಬಳಿಕವೇ ಅನುಶ್ರೀಗೆ ನಿಜಕ್ಕೂ ಡ್ರಗ್ಸ್ ಪೆಡ್ಲರ್ ಗಳ ಜೊತೆಗೆ ಲಿಂಕ್ ಇತ್ತ ಇಲ್ಲವ ಎಂಬ ಸತ್ಯಾಂಶ ಹೊರಬರಬೇಕಿದೆ.
