ಕೋಲಾರ: ವಿಶ್ವ ಸ್ನೂಕರ್ ಚಾಂಪಿಯನ್ ಶಿಪ್ ನಲ್ಲಿ (World Snooker Championship) ಕರ್ನಾಟಕದ ಯುವತಿ ಕೀರ್ತನಾ ಪಾಂಡಿಯನ್ (Keerthana Pandian) ಕಂಚಿನ ಪದಕಕ್ಕೆ ಮುತ್ತಿಕ್ಕಿದ್ದಾರೆ.
ಮಂಗೋಲಿಯಾದ (Mongolia) ಉಲಾನ್‌ ಬಾಟರ್‌ ನಲ್ಲಿ (Ulaanbaatar) ಗುರುವಾರ ನಡೆದ ಟೂರ್ನಿಯಲ್ಲಿ ಕೀರ್ತನಾ ಪಾಂಡಿಯನ್ ಕಂಚಿನ ಪದಕ ಗೆದ್ದ ಸಾಧನೆ ಮಾಡಿದ್ದಾರೆ.
ಕೀರ್ತನಾ ಮೂಲತಃ ಕೋಲಾರ ಜಿಲ್ಲೆಯ ಕೆಜಿಎಫ್ (KGF) ತಾಲ್ಲೂಕಿನ ದಾಸರಹೊಸಹಳ್ಳಿಯವರು.ಈ ಮೂಲಕ ಚಿನ್ನದ ನಾಡಿನ ಯುವತಿ ಕಂಚಿನ ಪದಕ ಗೆದ್ದಿದ್ದಕ್ಕೆ ಇಡೀ ಕರ್ನಾಟಕ ಶುಭ ಹಾರೈಸುತ್ತಿದೆ. ಈ ಟೂರ್ನಿಗೂ ಮುನ್ನ ಕೀರ್ತನಾ ಹಲವಾರು ಪದಕ ಗೆದ್ದ ಸಾಧನೆ ಮಾಡಿದ್ದಾರೆ. ಸದ್ಯ ವಿಶ್ವ ಚಾಂಪಿಯನ್ ಶಿಪ್ ನಲ್ಲಿ ಕಂಚಿನ ಪದಕ ಗೆದ್ದ ಸಾಧನೆ ಮಾಡಿದ್ದಾರೆ.
