ಇಡೀ ಭಾರತೀಯ ಚಿತ್ರರಂಗವೇ ಜಾಕತ ಪಕ್ಷಿಯಂತೆ ಕಾಯುತ್ತಿದ್ದ ಕೆಜಿಎಫ್ ಚಾಪ್ಟರ್ 2 ರಿಲೀಸ್ ಡೇಟ್ ಅನೌನ್ಸ್ ಆಗಿದೆ. ಕೆಜಿಎಫ್ 2 ಇದೇ ವರ್ಷ ಅಕ್ಟೋಬರ್ 23 ರಂದು ತೆರೆ ಕಾಣೋದು ಪಕ್ಕಾ ಆಗಿದೆ. ಈ ಬಗ್ಗೆ ರಾಖಿಭಾಯ್ ಯಶ್, ನಿರ್ದೇಶಕ ಪ್ರಶಾಂತ್ ನೀಲ್ ಸೇರಿದಂತೆ ಚಿತ್ರತಂಡ ತಮ್ಮ ಸೋಷಿಯಲ್ ಮೀಡಿಯಾ ಖಾತೆಗಳಲ್ಲಿ ಮಾಹಿತಿ ಹಂಚಿಕೊಂಡಿದ್ದಾರೆ.
ಕೆಜಿಎಫ್ ಚಾಪ್ಟರ್ 1 ನೋಡಿದ ಪ್ರತಿಯೊಬ್ಬ ಸಿನಿರಸಿಕ ಚಾಪ್ಟರ್ 2ಗಾಗಿ ಕಣ್ಣಿಗೆ ಎಣ್ಣೆಬಿಟ್ಟುಕೊಂಡು ಕಾಯುತ್ತಿದ್ದ. ಈ ಸಿನಿಮಾ ಸೆಟ್ಟೇರಿದಾಗಿನಿಂದಲೂ ಒಂದಲ್ಲಾ ಒಂದು ಸುದ್ದಿಗೆ ಸದ್ದು ಮಾಡುತ್ತಲೇ ಇತ್ತು. ಚಿತ್ರತಂಡಕ್ಕೆ ಸಂಜಯ್ ದತ್ ಮತ್ತು ರವಿನಾ ತಂಡನ್ ಚಾಪ್ಟರ್ -2 ಸೇರಿದ ನಂತರವಂತೂ ನಿರೀಕ್ಷೆಗಳು ದುಪ್ಪಟ್ಟಾಯ್ತು.
ಭಾರತದಾದ್ಯಂತ ರಾಖಿಭಾಯ್ ಹವಾ!
ಕೆಜಿಎಫ್ ಸಿನಿಮಾಗಾಗಿ ಕೇವಲ ಸ್ಯಾಂಡಲ್ ವುಡ್ ಅಲ್ಲದೆ ಇಡೀ ಭಾರತೀಯ ಚಿತ್ರರಂಗವೇ ಕಾಯುತ್ತಿದೆ. ಇದೇ ಕಾರಣಕ್ಕಾಗಿ ನಿರ್ದೇಶಕ ಪ್ರಶಾಂತ್ ನೀಲ್ ಟೀಮ್ ಮುತುವರ್ಜಿ ವಹಿಸಿ ಶೂಟಿಂಗ್ ಮಾಡಿತ್ತು. ಸದ್ಯ ಕೆಜಿಎಫ್ ಚಾಪ್ಟರ್ 2 ನ ಶೂಟಿಂಗ್ ಬಹುತೇಕ ಮುಗಿದಿದ್ದು, ದಸರಾ ಹಬ್ಬದ ಸಂದರ್ಭದಲ್ಲಿ ರಿಲೀಸ್ ಆಗಲಿದೆ.
