KGF 3 | ಮಾರ್ವೆಲ್ ಸೀರಿಸ್ ರೀತಿಯಲ್ಲಿ ಕೆಜಿಎಫ್ – 3 ಸಿನಿಮಾ : ನಿರ್ಮಾಪಕ ಕ್ಲಾರಿಟಿ
ನಟ ಯಶ್ ನಾಯಕನಾಗಿ ಪ್ರಶಾಂತ್ ನೀಲ್ ನಿರ್ದೇಶನದ ಕೆಜಿಎಫ್ 2 ಚಿತ್ರ ಬಾಕ್ಸ್ ಆಫೀಸ್ ನಲ್ಲಿ ಬಿರುಗಾಳಿ ಎಬ್ಬಿಸಿದೆ.
ಕಲೆಕ್ಷನ್ ಮಾತ್ರವಲ್ಲದೆ ಪ್ರೇಕ್ಷಕರಿಂದಲೂ ಉತ್ತಮ ಪ್ರತಿಕ್ರಿಯೆ ಪಡೆದುಕೊಂಡಿದೆ. ಬಾಲಿವುಡ್ ನಲ್ಲಿ ರೂ. 400 ಕೋಟಿಗೂ ಅಧಿಕ ಲೂಟಿ ಮಾಡಿದೆ.
ಸಿನಿಮಾ ಭಾರತದ ಎಲ್ಲಾ ಭಾಷೆಗಳನ್ನು ಒಳಗೊಂಡಂತೆ ರೂ. 900 ಕೋಟಿ ಮತ್ತು ವಿಶ್ವದಾದ್ಯಂತ 1170 ಕೋಟಿ ರೂಪಾಯಿಗೆ ಹೆಚ್ಚು ಕಲೆಕ್ಷನ್ ಮಾಡಿದೆ.
ವಿಮರ್ಶಕರ ಮೆಚ್ಚುಗೆಗೆ ಪಾತ್ರವಾಗಿರುವ ಈ ಚಿತ್ರದ ಮತ್ತೊಂದು ಸೀಕ್ವೆಲ್ ಬಿಡುಗಡೆಯಾಗಲಿದೆ ಎಂದು ಸ್ವತಃ ಚಿತ್ರತಂಡ ತಿಳಿಸಿದೆ.
ಕೆಜಿಎಫ್ 3 ಸಿನಿಮಾ ಮಾರ್ವೆಲ್ ರೀತಿಯಲ್ಲಿ ಬರಲಿದೆ ಎಂಬ ಮಾತುಗಳು ಬರುತ್ತಿವೆ. ಅದಕ್ಕೆ ನಿರ್ಮಾಪಕ ವಿಜಯ್ ಕಿರಂಗದೂರ್ ಸ್ಪಷ್ಟನೆ ನೀಡಿದ್ದಾರೆ.
ಸಂದರ್ಶನವೊಂದರಲ್ಲಿ ವಿಜಯ್ ಕಿರಂಗದೂರ್ ಕೆಜಿಎಫ್ 3 ಚಿತ್ರದ ಬಗ್ಗೆ ಹಲವು ಕುತೂಹಲಕಾರಿ ವಿಷಯಗಳನ್ನು ಹಂಚಿಕೊಂಡಿದ್ದಾರೆ.
‘ಕೆಜಿಎಫ್ 3 ಸಿನಿಮಾವನ್ನು ತೆರೆಗೆ ತರಲು ಬಯಸಿದ್ದೇವೆ. ಮಾರ್ವೆಲ್ ಶೈಲಿಯಲ್ಲಿ ಈ ಫ್ರ್ಯಾಂಚೈಸ್ ಅನ್ನು ನಿರ್ಮಿಸಲು ನಾವು ಭಾವಿಸುತ್ತೇವೆ.
ಅಕ್ಟೋಬರ್ ನಂತರ ಶೂಟಿಂಗ್ ಶುರುವಾಗಲಿದೆ. ಇದು 2024 ರಲ್ಲಿ ಬಿಡುಗಡೆಯಾಗುವ ನಿರೀಕ್ಷೆಯಿದೆ. ಪ್ರಶಾಂತ್ ನೀಲ್ ಸದ್ಯ ಸಲಾರ್ ಸಿನಿಮಾದಲ್ಲಿ ಬ್ಯುಸಿಯಾಗಿದ್ದಾರೆ.
ಶೇ.30-35ರಷ್ಟು ಚಿತ್ರೀಕರಣ ಮುಗಿದಿದೆ. ಮುಂದಿನ ವೇಳಾಪಟ್ಟಿ ಮುಂದಿನ ವಾರ ಆರಂಭವಾಗಲಿದೆ.
ಈ ವರ್ಷ ಅಕ್ಟೋಬರ್-ನವೆಂಬರ್ ಒಳಗೆ ಅದನ್ನು ಪೂರ್ಣಗೊಳಿಸಲು ನಾವು ಬಯಸುತ್ತೇವೆ. ಹಾಗಾಗಿ ಅಕ್ಟೋಬರ್ ನಂತರ ಕೆಜಿಎಫ್ 3 ಚಿತ್ರೀಕರಣ ಶುರು ಮಾಡಲಿದ್ದೇವೆ ಎಂದಿದ್ದಾರೆ. kgf-3-marvel-kind-universe
