Koppala: ಬಿಸಿಯೂಟದ ಸಮಯದಲ್ಲಿ ಬಂದ ಕೋತಿಗೆ ಕೈತುತ್ತು ತಿನ್ನಿಸಿದ ಶಿಕ್ಷಕ…
ಮಧ್ಯಾಹ್ನ ಬಿಸಿಯೂಟದ ಸಮಯದಲ್ಲಿ ಶಾಲೆಗೆ ಬಂದ ಕೋತಿಗೆ ಮುಖ್ಯ ಶಿಕ್ಷಕರು ಕೈತುತ್ತು ತಿನ್ನಿಸಿರುವ ಘಟನೆ ಕೊಪ್ಪಳದಲ್ಲಿ ನಡೆದಿದ್ದು, ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.
ಸಾಮಾನ್ಯವಾಗಿ ಶಾಲೆಗಳಲ್ಲಿ ಶಿಕ್ಷಕರು ಮಕ್ಕಳಿಗೆ ಕೈ ತುತ್ತು ತಿನ್ನಿಸಿರುವ ಪ್ರಸಂಗವನ್ನು ನೋಡಿದ್ದೇವೆ. ಆದರೆ ಜಿಲ್ಲೆಯ ಕೊಪ್ಪಳ ತಾಲೂಕಿನ ಜಬ್ಬಲಗುಡ್ಡ ಗ್ರಾಮದ ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ಶಾಲಾ ಆವರಣದೊಳಗೆ ಬಂದಿದ್ದ ಮಂಗನಿಗೆ ಮುಖ್ಯ ಶಿಕ್ಷಕರು ಖುದ್ದು ತಾನೇ ಬಿಸಿಯೂಟ ತಿನ್ನಿಸಿದ್ದಾರೆ.
ವಿದ್ಯಾರ್ಥಿಗಳೆಲ್ಲ ಮಧ್ಯಾಹ್ನದ ಬಿಸಿಯೂಟ ಸೇವಿಸುತ್ತಿದ ವೇಳೆ ಆಕಸ್ಮಿಕವಾಗಿ ಬಂದ ಮಂಗವೊಂದು ವಿದ್ಯಾರ್ಥಿಗಳು ಊಟ ಮಾಡುವುದನ್ನು ನೋಡುತ್ತಾ ಕುಳಿತಿತ್ತು. ಅದನ್ನು ಕಂಡ ಶಾಲೆಯ ಮುಖ್ಯ ಶಿಕ್ಷಕ ಇಬ್ರಾಹಿಂ ಅವರು ಮಂಗನ ಬಳಿ ತಟ್ಟೆಯಲ್ಲಿ ಊಟ ಹಾಕಿಕೊಂಡು ಹೋಗಿ ಕೈ ತುತ್ತು ನೀಡಿದ್ದಾರೆ.
Koppala: The teacher who fed the monkey with his hand during the summer…
