ಕೋವಿಡ್-19 ಶ್ವಾಸಕೋಶದ ಮಾತ್ರವಲ್ಲ ಇತರ ಅಂಗಗಳ ಮೇಲೂ ಪರಿಣಾಮ ಬೀರಬಹುದು – ಏಮ್ಸ್ ತಜ್ಞರು
ಹೊಸದಿಲ್ಲಿ, ಅಗಸ್ಟ್28: ಕೋವಿಡ್-19 ಶ್ವಾಸಕೋಶದ ಸೇರಿದಂತೆ ಇತರ ಅಂಗಗಳ ಮೇಲೂ ಪರಿಣಾಮ ಬೀರಬಹುದು ಎಂದು ಇಲ್ಲಿನ ಅಖಿಲ ಭಾರತ ವೈದ್ಯಕೀಯ ವಿಜ್ಞಾನ ಸಂಸ್ಥೆ (ಏಮ್ಸ್) ತಜ್ಞರು ಹೇಳಿದ್ದಾರೆ.
ಕೇವಲ ಉಸಿರಾಟದ ಲಕ್ಷಣಗಳ ಆಧಾರದ ಮೇಲೆ ಪ್ರಕರಣಗಳನ್ನು ಲಘ, ಮಧ್ಯಮ ಮತ್ತು ತೀವ್ರ ವರ್ಗಗಳಾಗಿ ವರ್ಗೀಕರಿಸಲಾಗಿದೆ. ಆದರೆ ಇತರ ಅಂಗಾಂಗಗಳ ಮೇಲಿನ ಪರಿಣಾಮವನ್ನು ಮರುಪರಿಶೀಲಿಸಬೇಕಿದೆ ಎಂದು ಅವರು ಒತ್ತಿ ಹೇಳಿದರು.
ಸಂಸ್ಥೆಯ ನಿರ್ದೇಶಕರಾದ ಡಾ.ರಣ್ದೀಪ್ ಗುಲೇರಿಯಾ, ನರವಿಜ್ಞಾನ ವಿಭಾಗದ ಮುಖ್ಯಸ್ಥ ಡಾ.ಎಂ.ವಿ.ಪದ್ಮ ಶ್ರೀವಾಸ್ತವ, ಹೃದಯ ಸಂಬಂಧಿ ಪ್ರೊಫೆಸರ್ ಡಾ. ಅಂಬುಜ್ ರಾಯ್, ಡಿಪಾರ್ಟ್ಮೆಂಟ್ ಆಫ್ ಮೆಡಿಸಿನ್ನ ಸಹಾಯಕ ಉಪನ್ಯಾಸಕ ಡಾ.ನೀರಜ್ ನಿಶ್ಚಲ್ ಎನ್ಐಟಿಐ ಆಯೋಗದ ಸಹಯೋಗದೊಂದಿಗೆ ಆಯೋಜಿಸಲಾಗಿದ್ದ ನ್ಯಾಷನಲ್ ಕ್ಲಿನಿಕಲ್ ಗ್ರ್ಯಾಂಡ್ ರೌಂಡ್ಸ್ ಸಮಯದಲ್ಲಿ ಕೋವಿಡ್-19ನಿಂದ ಹೆಚ್ಚುವರಿ ಶ್ವಾಸಕೋಶದ ತೊಂದರೆಗಳ ಬಗ್ಗೆ ಚರ್ಚೆ ನಡೆಸಿದ್ದಾರೆ.
ಈ ಮೊದಲು ಕೋವಿಡ್-19 ವೈರಲ್ ನ್ಯುಮೋನಿಯಾ ಎಂದು ಪರಿಗಣಿಸಲಾಗಿತ್ತು. ಆದರೆ ಕೋವಿಡ್-19 ಬಗ್ಗೆ ನಾವು ಹೆಚ್ಚು ಹೆಚ್ಚು ತಿಳಿಯುತ್ತಾ ಹೋದಂತೆ, ಇದು ಶ್ವಾಸಕೋಶವನ್ನು ಮೀರಿ ಇತರ ಅಂಗಗಳಿಗೂ ಅಪಾಯಗಳನ್ನು ತಂದೊಡ್ಡುವ ಸಾಮರ್ಥ್ಯ ಹೊಂದಿದೆ ಎಂದು ನಾವು ಅರಿತುಕೊಂಡಿದ್ದೇವೆ. ಇದು ಮೂಲತಃ ವೈರಸ್ ಎಸಿಇ ರಿಸೆಪ್ಟರ್ಸ್ ಮೂಲಕ ಮೂಲಕ ಕೋಶಕ್ಕೆ ಪ್ರವೇಶಿಸುತ್ತದೆ, ಆದರೆ ಮೇಲ್ಭಾಗದ ವಾಯುಮಾರ್ಗಗಳು ಮತ್ತು ಶ್ವಾಸಕೋಶಗಳಲ್ಲಿ ಹೇರಳವಾಗಿ ಕಂಡುಬರುತ್ತದೆಯಾದರೂ, ಅನೇಕ ಅಂಗಾಂಗಗಳಿಗ ಇದು ಸೇರ್ಪಡೆಯಾಗುತ್ತದೆ. ಆದ್ದರಿಂದ ಇತರ ಅಂಗಾಂಗಗಳ ಮೇಲೂ ಮಾರಣಾಂತಿಕ ಪರಿಣಾಮ ಬೀರುತ್ತವೆ ಎಂದು ಅವರು ಹೇಳಿದರು.
ಕಾರ್ಯಕ್ರಮದ ತಜ್ಞರು ರೋಗಿಗಳನ್ನು ಲಕ್ಷಣರಹಿತ ಅಥವಾ ಲಘ ಕೋವಿಡ್ ಎಂದು ಗುರುತಿಸಿದ ಹಲವಾರು ಪ್ರಕರಣಗಳಲ್ಲಿ ಸ್ಟ್ರೋಕ್ ಮತ್ತು ಹಾರ್ಟ್ ಬ್ಲಾಕ್ಗಳಂತಹ ಗಂಭೀರ ಮಾರಣಾಂತಿಕ ಅಪಾಯ ಕಾಣಿಸಿಕೊಂಡಿದೆ ಎಂದು ಹೇಳಿದ್ದಾರೆ.
ಡಾ. ಅಂಬುಜ್ ರಾಯ್ ಕಡಿಮೆ ನಾಡಿ ಬಡಿತದೊಂದಿಗೆ ಬಂದ ರೋಗಿಯ ಪ್ರಕರಣವನ್ನು ಉದಾಹರಣೆ ನೀಡಿದ ಡಾ. ಅಂಬುಜ್ ರಾಯ್, ಕೋವಿಡ್-19 ಸೋಂಕು ದೃಢಪಟ್ಟ ಹಿನ್ನೆಲೆಯಲ್ಲಿ ಮತ್ತು ಹೃದಯ ಬಡಿತವನ್ನು ಸುಧಾರಿಸಲು ಕೆಲವು ಔಷಧಿಗಳೊಂದಿಗೆ ಅವರಿಗೆ ಆರಂಭಿಕ ಬೆಂಬಲ ಅಗತ್ಯವಾಗಿತ್ತು. ಸಾಮಾನ್ಯವಾಗಿ ಪೇಸ್ಮೇಕರ್ ಅನ್ನು ಅಂತಹ ರೋಗಿಗಳಲ್ಲಿ ಅವರ ಹೃದಯ ಬಡಿತವನ್ನು ಸುಧಾರಿಸಲು ಇರಿಸಲಾಗುತ್ತದೆ ಆದರೆ ಅನುಭವಗಳ ಆಧಾರದ ಮೇಲೆ, ಇದು ಕೆಲವು ಕೋವಿಡ್-19 ಕಾರಣದಿಂದಾಗಿರಬಹುದು ಎಂದು ನಾವು ಅರಿತುಕೊಂಡೆವು. ಆದ್ದರಿಂದ ಪೇಸ್ಮೇಕರ್ ಅನ್ನು ಹಾಕಲಾಗಿಲ್ಲ ಮತ್ತು ಸಹಾಯಕ ಚಿಕಿತ್ಸೆಯೊಂದಿಗೆ ಆಕೆಯ ಹೃದಯ ಬಡಿತ ಕ್ರಮೇಣ ಸುಧಾರಿಸಿತು ಎಂದು ಹೇಳಿದರು.
ಕೆಲವೊಮ್ಮೆ, ಹೃದಯ ಬಡಿತಕ್ಕೆ ಕಾರಣವಾಗುವ ಹೃದಯದ ವಿದ್ಯುತ್ ನಾಡಿ ವ್ಯವಸ್ಥೆಯು ಕೋವಿಡ್-19 ನಲ್ಲಿ ಪರಿಣಾಮ ಬೀರಬಹುದು ಮತ್ತು ಇದು ಸ್ವಯಂ-ಸೀಮಿತವಾಗಿದೆ ಮತ್ತು ಸಮಯದೊಂದಿಗೆ ಸುಧಾರಿಸುತ್ತದೆ. ಆದ್ದರಿಂದ ಸಾಮಾನ್ಯವಾಗಿ ಪೇಸ್ಮೇಕರ್ ಅಗತ್ಯವಿರುವ ಈ ರೋಗಿಗಳಿಗೆ ಇದು ಎಂದಿಗೂ ಅಗತ್ಯವಿರುವುದಿಲ್ಲ ಎಂದು ಅವರು ಹೇಳಿದರು.
ಆದಾಗ್ಯೂ, ಇದು ಹೊಸ ಸೋಂಕು ಆಗಿದ್ದು, ಈ ಬಗ್ಗೆ ಸೀಮಿತ ಮಾಹಿತಿ ಮತ್ತು ಅನುಭವವು ಲಭ್ಯವಿರುವುದರಿಂದ ಈ ಬಗ್ಗೆ ಖಚಿತವಾಗಿ ಹೇಳಲು ಹೆಚ್ಚಿನ ಪುರಾವೆಗಳು ಬೇಕಾಗುತ್ತವೆ ಎಂದು ಡಾ. ರಾಯ್ ಹೇಳಿದರು.
